2 SIMIANG 7:6 - Wa Common Language Translation

⁶ Kheu hoik kieh Siyiex cub kru naing pui Surix mhong lox sinum ling lawx naing brung mai lox sinum cub kru naing brung khankix mai lox sinum cub kru naing ting tix cub, kix ra lai ah nin ka paox tix, “Jhak heue, simiang pui Isarelax hoik vai cub simiang pui Hetax mai cub simiang pui Ejiptux khankix hoek sonsang puing ka ex heue.”

2 SIMIANG 7:6 Iomraidhean Croise

2 SAMOELAX 5:24

Yam mhong maix ka lox sinum hu pui naing ka rao khaox liah maix niied ti sau riang tix, mawh kheu Simiang Siyiex tak hu ka plak sivoe maix sonsang pah Nawh Cao tab pui Philitix.”

ISAYAX 31:1

Kieh krax kha rhawm hoek ka pui an, pa lih hu ka Ejiptux, sonsang mhaing krax teem mai pa deuh rhawm ka brung, pa een rhawm ka ling lawx naing brung, kheu jao haoh hun mai een rhawm ka pui naing brung, kheu kied ting riang kix mai ang jhak ka cao pa singax singeh pui Isarelax mai ang chawk ka Siyiex.

1 SIMIANG 10:29

Diang lai laig ling lawx naing brung tix lhang kix liag khaing meung Ejiptux, jum mawh liah yieh mau shekhe, brung tix mu tix yieh tixphwan shekhe, diang lai pa lih ling lawx naing mai brung khankix, kix deeh coh ka simiang Hetax mai simiang Sirix heue.

PLAK JHI 9:9

Kix koe kraung naing pa tie naok, pa awm kraung naing pa tie naok pa yuh ka rhiem heue. Lox luah pruik kix, awm lox luah ling brung tom nie pa nied ti to hu dee yuh naing heue.

YEZAKELAX 10:5

Lox luah pruik Cherubin khankix hoik mhong tix tom hoek ka plak praix awm luah lox yam sikah Siyiex pa ting sibrawm heue.

ISAYAX 36:9

Phan ang mawh nan maix khex dak sang pon yuh cao kaing naing pa kied iak, an tix kaux khaing ka daux cub kawncau cao simiang aux khankix mai pa een rhawm tix ka pui meung Ejiptux, ka ling lawx naing brung mai pui naing brung an khankix yuh ka mawx lie?

YAOGYAW 14:5

Ka dee an, tak koe krax pa kied lhat graung, grawh grawng nawh, Siyiex ot plak pui pa rahsee heue.

YAWBAX 15:21

Lox pa lhat graung koe ka daux yhaok nawh, yam koe krax pa haok hwan ting lhaong nawh pui pa yuh laux tak hoek ka nawh heue.

2 SIMIANG 19:7

Aux tak kieh rhawm nawh sung sang mai nawh tak mhong lox satang mai deeh ing ka haktiex cao tix heue. Aux tak sang kieh nawh yum ka lawm vaig ka daux haktiex cao nawh heue.

1 SAMOELAX 14:15

Mai krax yaoh yee lih koe ka daux tab, ka daux kaung mai ka sinax pui khankix, kru naing pau veng mai pui naing tud rhim kawx koe krax siyaung, mai haktiex yung yang, krax yaoh yee pa ting lih koe.

1 SAMOELAX 26:6

Yam an Davit chawk Ahimaliet pui Heta mai Abishie kawn simex Yeruya pux Yuabax ah nin, “Mawx pa sang hu tau mai aux dee bang tab Sawlux?” mai Abishie ah nin, “Aux tak hu tau mai maix.”

2 SAMOELAX 10:6

Yam yaox pui Amon hoik yuh tix pa seeing brai ka Davit, kix ploi pui hu vai ka pui Shurix khaing veng Bietrehawbax mai khaing veng Zawbax ra mheen kaux mai kru naing caong khaing simiang Makha tix rheng kaux mai khaing veng Tawbax tix mheen ra rheng kaux.

2 SIMIANG 7:5

Kix yaog ti kaoh yam kawn vhaik praix, sonsang laig tix ka daux tab cub kru naing pui Samarix khankix; yam hoek kix ka plak praix tab kru naing Surix, kix daox deng kheu ang kix lai yaox pui tix kaux kawx tan heue.

YERAMIX 46:21

Viang pui pa vai nawh khankix hoik awm mawie pa kied kluing sinax kawx, mawh kheu kix hoik deeh veeh ti ing mai to luan tau mai paox tix heue. Kix ang lai pon cung sijung, mawh kheu singaix pa kha rhawm mai bawg yam krax ciyang hoek piang kix heue.

YEZAKELAX 1:24

Yam hu kix, aux mhong lox sinum pruik kix mai awm lox sinum rawm khankix tom nie, pa siaox awm lox cao pa ting sibrawm, pa awm lox sinum cub kru naing mai yam cung kix, kix ploi pruik tix lih heue.

CAO PRAWNG 7:21

Pui tang cung ka dee ot tix hawt vung viang tab mai kru naing kix khawmuik riag yo mai to tua tix heue.

1 SIMIANG 20:20

Kix tang pah ka pui naing tix kaux taw tix kaux ku kaux, mawh kheu nan, pui Surix to mai pui Isarelax pheet ka kix, viang mawh nan, Benhadat simiang Surix pon brung brug tix mai pui naing brung nawh khankix to ti glawd heue.