2 SIMIANG 7:5 - Wa Common Language Translation

⁵ Kix yaog ti kaoh yam kawn vhaik praix, sonsang laig tix ka daux tab cub kru naing pui Samarix khankix; yam hoek kix ka plak praix tab kru naing Surix, kix daox deng kheu ang kix lai yaox pui tix kaux kawx tan heue.

2 SIMIANG 7:5 Iomraidhean Croise

PINGNYAP 28:7

Simiang Siyiex tak kieh pui koeng maix, pa yaog tix tieh feen ka maix khankix, mawh pa som nai khaing sivoe ngai maix, kix lih hoek puing maix ka daux krax tix nyaing mai kix tak yaox ti to daux krax aliah nyaing ka plak sivoe maix.

YEZAKELAX 12:12

“Simiang kix tak klawm kraung khrai tix ka piang klip tix yam faik boi praix mai lih hu. Kix tak kaong guh veng doh, sonsang viex kraung khrai lih daux doh an heue. Nawh tak lhop pakngai tix, son ang nawh chix yaox ka tiex heue.”

1 SAMOELAX 30:17

Davit puing ka kix, jah plak ponngawb tom hoek plak bo ngaix khaix, lheu khaing pui awn ju pa pon brug kala-uk khankix to pon yieh, pui tix kaux kawx ang lai pon glawd.

PINGNYAP 32:30

Pui tix kaux sang pon pheet ka pui tix rheng yuh ka mawx? mai pui ra kaux sang pon kieh pui tix mheen to yuh ka mawx? Phan rang ting kix ang coh ti tawx ka kix mai phan Simiang Siyiex ang ap kix, ceu an tak lih koe yuh ka mawx?

PINGNYAP 32:25

Plak praix tak mawh lawm vaig, plak daux tak mawh krax pa lhat graung, son nyawm sinaw mai bun krih, son kawn nyawm pa kawn peuex mai son pui pa hoik paing hauk kaing khankix tak kieh laux leeing khawmuik.

KRUB 27:26

“Tobrie pa liang ti keh khankix, mawie ang ah yung ang ah, hoik mawh cie Simiang Siyiex, pui tix kaux kawx tak ang pon ti baox deeh tang gwieh mawh pa singax, mawh kheu an mawh cie Simiang Siyiex.

KRUB 27:8

Phan nawh mawh pa kied hot sonsang plud tix ka ngawh jum pa hoik tat maix, tak viex nawh hoek plak sivoe cao giex kaing li, cao giex kaing li tak tat jum nawh, awm sijax pa hoik yuh nawh, cao giex kaing li tak tat jum.

2 SIMIANG 7:4

Phan ex ah, ex sang laig daux veng, krax sibhawm praix hoik koe ka daux veng mai ex tak yum tan heue. Phan ex ca kawn ngawm tin, ex kawx yum heue. Mawh kheu nan, hoek yam in, kieh ex laig ap tix ka daux cub kru naing pui Samarix khankix, phan kix deuh ex im ju, ex tak im ju mai phan kix pah ex yum, ex tak yum heue.

2 SIMIANG 7:6

Kheu hoik kieh Siyiex cub kru naing pui Surix mhong lox sinum ling lawx naing brung mai lox sinum cub kru naing brung khankix mai lox sinum cub kru naing ting tix cub, kix ra lai ah nin ka paox tix, “Jhak heue, simiang pui Isarelax hoik vai cub simiang pui Hetax mai cub simiang pui Ejiptux khankix hoek sonsang puing ka ex heue.”