2 SIMIANG 7:1 - Wa Common Language Translation

¹ Khaix an, Elishie ah nin, “Nghiet ka gumlox Siyiex; Siyiex ah awm in, yam hoek bawg yam in daux pasax, phawng gaox nghox ca tix phliex mawh pa coh tix ka mau tix shekhe mai gaox nghox ca Ra phliex tak mawh pa coh tix ka mau tix shekhe hawt diang sivie veng Samarix heue.

2 SIMIANG 7:1 Iomraidhean Croise

1 SIMIANG 22:19

Mikha deeh ah nin, “Mawh kheu nan, nghiet ka gumlox Simiang Siyiex, aux hoik yaox ngawm Simiang Siyiex ka piang dangngeung Nawh mai kru naing raoma khankix cung ka plak khawn dawm mai ka plak khawn gwiex Nawh Cao heue.

2 SIMIANG 20:16

Khaix an, Isayax deeh ah nin ka Hezakiyax, nghiet ka lox Siyiex heue.

2 SIMIANG 4:42

Khaix an pui tix kaux hoek khaing veng Balax Shalisha nawh viex ti tawx blah phawng gaox nghox ca cao tixnga lon mai simie nghox ca pa khraox ankix, ka daux chee hoek ka pui Siyiex mai nawh ah nin, “Tawx ceu ankix ka pui khankix sonsang yaox kix ti ih heue.”

2 SIMIANG 6:25

Sibhawm praix pa kied ting koe ka daux veng Samarix mai kix lai lawm ka veng an, tom hoek ka bawg yam hoik coh kix kaing la tix mu tidaix shekhe ka mau mai kram tix mawk phwan shekhe ka mau heue.

2 SIMIANG 6:33

Yam kawn sikah nawh tau mai kix, cao cau an bleeh ka nawh nin, “Krax pa kha rhawm in mawh pa kaoh khaing Siyiex tete, aux lai kawn krox jun ka Siyiex yuh ka mawx lie?”

2 SIMIANG 7:16

Khaix an, pui khankix lih hu rhim ti teei nyiex gox pui Surix, mawh kheu nan, phawng gaox nghox ca tix phliex coh tix ka mau tix shekhe mai gaox nghox ca ra phliex coh tix shekhe; awm gumlox pa hoik ah Siyiex heue.

YAOGYAW 46:5

Siyiex ot ka daux veng an mai veng an ang lai yung yiang mai Siyiex teem ka nawh, tom yam jah praix tix riang heue.

LIH HU 14:13

Mose ah nin ka pui khankix, “Paw lhat graung, cung ka daux krax pa nhim rhawm mai pau ti jhak ka krax taoh pa yuh Siyiex leeing ju son pex daux in singaix. Grawh grawng nawh pui Ejiptux pa yaox pex daux in singaix, pex tak ang lai baox yaox kix tix bawg kawx heue.”

LIH HU 16:12

“Aux hoik mhong lox pa ngau pui Isarelax khankix, krai kix mhong, plak ponbo pex tak yaox ti ih nex mai tak yaox ti ih blah plak ponngawb, mai pex tak tawng ka mawh Aux Siyiex pex.”

LIH HU 8:23

“Aux tak yuh mhai pa daox am sinax pui Aux mai pui maix, mhai pa daox am in tak lih mawh pasax. “”

ISAYAX 1:10

Pex pa mawh cao pa kwang piang veng Sawdom khankix eue, nghiet ka gumlox Siyiex heue, pex pa mawh pui ot daux veng Gawmawrax khankix eue, daong yhaok tix ka lox lai beenli Siyiex ex heue.

YEZAKELAX 37:4

Nawh Cao baox ah nin ka aux, “Krai lox ka si-ang inkix mai ah nin ka kix, si-ang kroh khankix eue, nghiet ka gumlox Siyiex.

YOHAN 6:9

“Kawn nyawm pa ot tin tix kaux, koe blah nghox ca pa lang sidax phwan lon mai kax iak ra mu, viang mawh nan son pui nie ding nie dod sang koe bwanson yuh ka mawx?”

YAWSUX 3:5

Yawsux deeh ah nin ka pui khankix. “Yuh tokaux cao pex singax. Grawh grawng nawh Siyiex leeing ju tak yuh krax pa daox ding khankix ka daux sinax pex pasax.”

PLAK JHI 6:6

Aux mhong awm mawh lox ka sigreung totiag pa im ju pon mu an ah nin, “Denari tix plah pon gaox nghox ca tix tang mai denari tix plah pon gaox nghox ca lang sidax loe diag mai maix paw chuh yuh laux ka rawm bee mai ka rawm plix siiet heue.”

1 SAMOELAX 11:9

Kix ah nin ka pui pa hoek khankix, “Pex ing ah nin ka pui veng Yabiet haktiex Gilat, bawg yam hax koek pasax, pex tak pon krax luad luan. “yam hoek krai pui cau khankix grawng an ka pui veng Yabiet kix koe krax gaux rhawm kah.

1 SAMOELAX 15:1

Samoelax ah nin ka Sawlux, “Simiang Siyiex kieh aux hoek groi rawm bee mai yaog maix mawh simiang piang pui Isarelax. Yam in nghiet ka lox Simiang Siyiex.”