2 SIMIANG 16:3 - Wa Common Language Translation

³ Nawh lawng ka daux krax pa yuh cub simiang pui Isarelax, nawh kieh kawn simex tix mawh pa tan tix gleeing ka ngu, awm pa seeing brai ceu pui khankix, pa hoik tik vud Siyiex khaing ka plak sivoe pui Isarelax heue.

2 SIMIANG 16:3 Iomraidhean Croise

1 SIMIANG 14:24

Mai simex coh kaux khankix koe ka daux haktiex an, kix hawt yuh pa seeing brai pa yuh pui khankix, pa hoik grheu Simiang Siyiex khaing sivoe pui Isarelax heue.

2 SIMIANG 17:16

Mawh kheu kix hoik tik vud gumlox ping nyap Siyiex khankix mai kix hoik rawg tix cie riang kawn mawie iak ra mu mai kix baox yuh riang khaox siyiex Asherax tix mu mai krub ka can ceu pa koe piang raoma mai yuh kaing jhaw siyiex Balax heue.

2 SIMIANG 17:17

Kix hoik gleeing ti tan kawn simex kawn bun tix khankix mai yuh sibawk chawk jhai mai simeed mai coh tokaux tix yuh ceu pa caox caig daux ngai Siyiex mai so krax pa song rhawm Nawh Cao heue.

2 SIMIANG 17:19

Pui Yudax baox ang cu ti priex rien ka lox pingnyap Siyiex kix mai kix hoik hawt hu ka daux krax been yungyi ceu pui Isarelax khankix ka pa hoik yuh kix ti deuh heue.

2 SIMIANG 17:8

mai hoik hawt ka daux been ceu pui an khankix, pa hoik grheu Siyiex plak sivoe ngai pui Isarelax khankix mai khaing been pa deuh cub simiang Isarelax khankix heue.

2 SIMIANG 21:11

“Mawh kheu hoik yuh Manashe simiang haktiex Yudax ka ceu pa seeing brai inkix, nawh hoik yuh pa nie lheu caox khaing pui Amorix khankix pa koe ka phao ka nawh mai nawh baox yuh pui Yudax, koe pa lud tau mai riang grang pa krub nawh heue.”

2 SIMIANG 21:2

Nawh yuh pa caox caig ka daux ngaix Siyiex, awm pa seeing brai ceu pui an khankix pa hoik grheu Siyiex lih khaing plak sivoe ngai pui Isarelax khankix heue.

2 SIMIANG 21:6

Nawh gleeing ti tan kawn simex tix ka ngu mai gau tix ka lox sibawk mai shiao ka pa chix meed mai yuh paox pie tau mai krax keud krax sawn khaing phicaox mai khawm pa yuh singie khankix heue. Nawh hoik nie yuh pa caox caig ka plak ngai Siyiex sonsang so pa song rhawm Nawh Cao heue.

2 SIMIANG 21:9

Viang mawh nan, kix ang cu ti nghiet mai Manashe hoik nyaw glaw kix yuh pa caox caig nie lheu khaing ceu pui khankix pa hoik yuh Siyiex kix laux leeing ka plak sivoe pui Isarelax heue.

2 SIMIANG 23:10

Nawh kieh baoh haktiex Tawphiet pa koe ka daux ngawd kawn simex Hinon seeing brai son ang pui tix kaux kawx lai kieh kawn simex kawn bun ti tan gleeing daux ngu ka siyiex Moliet heue.

2 SIMIANG 8:18

Nawh hu ka daux krax pa hoik yuh cub simiang pui Isarelax khankix, awm krax pa yuh daux nyiex ma Ahap, mawh kheu nawh teei ti moeng kawn bun Ahap mai nawh yuh ceu pa caox caig ka daux ngai Siyiex heue.

2 GRAWNG BEEN 22:3

Nawh kawx baox lawng ka krax hu doeh ngiex ma Ahap, mawh kheu miex nawh hoik tawx krax keud ka nawh sonsang yuh nawh ceu pa caox caig heue.

2 GRAWNG BEEN 33:2

Viang mawh kawx nan, nawh yuh pa caox caig ka sivoe ngai Siyiex, awm koe krax pa seeing brai ceu pui an khankix pa hoik teei Siyiex ti tik ka plak sivoe kawn praix ceu pui Isarelax heue.

2 GRAWNG BEEN 33:6

Nawh baox gleeing tix tan kawn simex nawh ka daux ngu daux ngawd kawn simex Hinnom; nawh tawx sipawk chawk jhai, yuh pa chix jhak mhai, yuh simeed yuh sat, chix sikah mai singie mai chix pih heue. Nawh kied yuh ceu pa caox caig ka plak sivoe ngai Siyiex, sonsang so krax pa song rhawm Nawh Cao heue.

YAOGYAW 106:35

Kix ot tau mai pui tang ceu mai gau ka beenli kix heue.

ISAYAX 57:5

Pex pa koe rhawm ka riang griang khankix pa koe greem khaox klai khankix, pa pah kawn nyawm ka daux ngawd daux lung mai ka greem daux doh rang khankix lie?

YERAMIX 32:35

kix hoik sum ti deuh ka dee pa kied ting lhaong son siyiex Balax, pa koe ka daux lung kawn simex Hinom sonsang tan kawn simex kawn bun tix khankix ka siyiex Mulawk, pa ang Aux sax tawm ka kix mai pa ang sax keud ka daux rhawm tix, sonsang yuh kix ceu pa seeing brai mai sonsang kieh pui Yudax koe phimap ka heue.

YEZAKELAX 16:21

Maix hoik pah kawn praix aux yum mai ap tix tawx kix ka riang grang sonsang tan, ka daux ngu lie?

YEZAKELAX 16:47

“Maix ang lawng hu ka daux krax hu kix maix ang yuh pa seeing brai awm kix maix hoik deuh grawng ankix, awm pa iak pa liied mai hoik nie lheu kin yuh pa caox caig khaing kix kuceu heue.”

YEZAKELAX 20:26

Aux tak kieh kix seeing brai, ka daux pa tan pa lu kix kawn Ai tix ka ngu, sonsang kieh Aux kix tua khwan lwan paux ka mai kix tak tawng mawh Aux Siyiex heue.

YEZAKELAX 20:31

Yam yuh pex krax tan mai tan kawn simex tix ka daux ngu mai pex seeing yuh tokaux tix ka riang grang krub, tom hoek daux in ngaix heue. Nyiex ma pui Isarelax eue, mawh sang hoek pex tix chawk cheng ka Aux lie? Siyiex ah nin, awm im ju Aux, Aux tak ang kieh pex chawk cheng ka tix heue.

KRUB 18:21

Maix tak ang pon ti kieh doeh ru tix, tix kaux kawx, hu krub siyiex Mulawk ka ngu maix tak ang pon ti kieh ceu kaux Siyiex maix, mawh pa seeing brai, Aux mawh Simiang Siyiex.

KRUB 20:2

“Krai ah nin ka ceu pui Isarelax khankix, can ceu pui Isarelax ang ah, nyo sinie pa hoek ot sinax ceu pui Isarelax ang ah, kaw pa hu tawx doeh ru tix ka siyiex Molawk ang ah, nawh tak pon krax yum tete, pui haktiex khankix tak dheem nawh ka simaox.

MIKHA 6:7

Siyiex khex khaw rhawm ka yung mhaing khankix kaing rheng, phan ang mawh nan, klawng rawm bee kaing mheen lie? Aux khex sang tan kawn Ai tix son krax pa lud aux, kawn Ai num pa kaoh khaing tokaux aux son phimap khuan ju aux lie?

PINGNYAP 12:31

maix tak ang pon ti krub Simiang Siyiex maix awm krax pa yuh kix, kix yuh ceu pa seeing brai Simiang Siyiex maix mai ceu pa koeng Nawh Cao khankix, ka siyiex kix mai hoik gleeing ti tan kawn simex, kawn bun ti ka siyiex kix.

PINGNYAP 18:10

Ka daux sinax pex tak ang pon ti koe pui pa kieh kawn simex kawn bun tix khankix laig ka daux ngu mai ang pon koe pui pa yuh sibawk, pui pa chix jhak mhai lai taix mai pa yuh simeed yuh sat mai pa yuh phi khankix,