2 SIMIANG 1:3 - Wa Common Language Translation

³ Viang mawh nan, kawncau Siyiex ah nin ka Eliyax, pui veng Tishabix, kaoh, hu pub ka kawncau simiang Samarix mai ah nin ka kix, mawh ang Siyiex lai koe ka daux haktiex pui Isarelax khankix, pex tom sang ah ti hu chawk Balazebuk, pa mawh siyiex Ekaron ang mawh lie?

2 SIMIANG 1:3 Iomraidhean Croise

1 SIMIANG 11:33

mawh kheu nawh hoik tik vud ka Aux mai krub ka siyiex Ashatariet, siyiex pui Sidom mai ka Milakhom siyiex pui Amawrix khankix mai ang lai lawng daux krax Aux, sonsang yuh tix ceu pa mawh pa meh ka sivoe ngai Aux mai nawh ang lai hawt lox lai beenli mai lox tat jhawm prawng pa deuh Aux awm keeing tix Davit heue.

1 SIMIANG 17:1

Eliyax pui veng Tishabix pa ot meung Gilat ah nin ka Ahap, “Awm im ju Simiang Siyiex, Siyiex pui Isarelax pa krub aux kah, phan ang mawh khaing gumlox Aux, rawm ciex mai rawm lhiex tak ang koe ka daux num in heue.”

1 SIMIANG 18:1

Khaix hoik rheeng singaix bawg yam, gumlox Simiang Siyiex deeh hoek ka Eliyax yam naog loe num tix num ah nin, “Hu mai jhi tokaux maix ka Ahap, mai Aux tak kieh lhiex lih ka piang haktiex heue.”

1 SIMIANG 18:36

Yam hoek bawg yam tan krax tan plak bo, cao jhai Eliyax hoek dex ah nin, “Simiang Siyiex, Siyiex Abraham, Icak mai Isarelax eue, daux singaix kieh pui khankix tawng ka mawh Maix Siyiex pui Isarelax mai ka mawh aux kawncau Maix Cao, ka pa yuh aux in awm gumlox Maix Cao heue.

1 SIMIANG 19:5

Mai nawh lhiak it ka greem khaox gix ia, kawncau Siyiex tix kaux hoek teeh ka nawh ah nin, “Kaoh mai ih heue.”

1 SIMIANG 19:7

Mai kawncau Simiang Siyiex baox hoek ra bawg tix bawg mai teeh ka nawh ah nin, “Kaoh mai ih, mawh kheu krax pa hu maix kawn kied singai heue.”

1 SIMIANG 21:17

Khaix an, gumlox Simiang Siyiex hoek ka Eliyax pui veng Tishabix ah nin,

2 SIMIANG 1:2

Yam in Ahaziyax rau khaing daux siviex iak lawg plak piang ot nawh ka daux veng Samarix mai nawh mat; mawh kheu nan, nawh ploi cao cau khankix hu, ah nin ka kix, “Hu, chawk ti yaox ka sang deeh pon aux ti moi khaing krax pa mat aux, ka Balazebuk, pa mawh siyiex Ekaron heue.”

2 SIMIANG 1:6

Kix dee ah nin ka nawh, “Pui tix kaux hoek ti pub yix ah nin, deeh ing ka simiang pa ploi pex hoek mai ah nin ka nawh, Siyiex ah awm in mawh ang Siyiex lai koe ka daux haktiex pui Isarelax khankix, pex hoik mawh cao cau pa ploi lih hu sonsang chawk cheng ka Balazebuk, pa mawh siyiex veng Ekaron lie? Mawh kheu nan maix tak ang lai pon lih khaing ka piang ku it pa hoik haok ot maix mai maix tak yum tete heue”

2 SIMIANG 1:8

Kix deeh pawk ah nin ka nawh, “Nawh mawh pui pa kied pu hauk mai nawh rawd nyoi tix ka maox khlax hak tix mu mai nawh ah nin, an mawh Eliyax pui veng Tishabix heue.”

2 SIMIANG 5:15

Khaix an nawh deeh ing ka pui Siyiex mai cao pa teem pa coi ka nawh khankix mai kix deeh hoek mai cung ka plak sivoe nawh ah nin, “Yam in aux tawng ka ang siyiex tang kaux lai koe ka piang haktiex in, lheu khaing daux haktiex Isarelax tete; mawh kheu nan, yuh bwanson rieb ti teei totaix in tix ceu khaing kawncau maix liak!”

2 SIMIANG 5:8

Ceu ankix hoik lih ti mawh yam mhong Elishie ka riah simiang pui Isarelax kraung ceep tix nawh ploi pui hu ah nin ka simiang, “Maix hoik riah ti tik kraung ceep tix kheu jao patix lie? Yuh bwanson kieh pui an hoek ka aux mai nawh tak sang tawng ka koe cao jhai tix kaux ka daux meung Isarelax heue.”

YAOGYAW 76:1

Pui pa tawng ka Siyiex koe ka daux meung Yudax mai ceu kaux Nawh Cao ting lhaong ka daux Isarelax heue.

ISAYAX 8:19

Yam ah kix nin ka maix, sawg ti yaox pui an kix pa mawh cao laig phi khankix mai cao pa koe preu khankix, pa koi ah lox tix lih, ex khex ang pon chawk ti yaox ka Siyiex lie? Mawh tak sang chawk kix ti yaox pa yum son tang pa im ju lie?

YONAX 2:8

Pui pa yungyi ka riang grang pa giex going khankix, kix hoik tik vud krax caux rhawm siyiex tix heue.

MAKUX 3:22

Pui tiiem lai khankix pa lih hoek khaing veng Yerusaliem kawx, ah nin, “Nawh koe Belazebulax mai kheu een Nawh rhawm ka simiang phicaox Nawh tom grheu phicaox khankix lih heue.”

KAWNCAU 8:26

Yam an kawncau Siyiex tix kaux sikah mai Philipux ah nin, “Kaoh mai hu plak caong ma seh, ka krax pa kaoh khaing veng Yerusaliem mai bleeh ka veng Gaza, pa mawh krax daux tiag heue.”

1 SAMOELAX 17:46

in singaix Simiang Siyiex tak ap maix ka daux tawm taix aux, aux tak pah maix mai kid kaing maix, aux tak tawx tokaux yum kru naing pui Philitix khankix, ka sim raoma mai ka totiag pa koe piang haktiex, sonsang tawng pui haktiex koe Siyiex ka daux pui Isarelax.