1 SIMIANG 8:9 - Wa Common Language Translation

⁹ Ang koe tidtix daux teug sijax mukheu, lheu khaing khlawp simaox an ra khlawp, pa sau Mose tix priex yam ot ka baoh Hawrap, yam yuh Simiang Siyiex gumlox sijax mukheu tau mai pui Isarelax, yam lih kix khaing meung Ejiptux heue.

1 SIMIANG 8:9 Iomraidhean Croise

LIH HU 25:21

Maix tak tawb dawb khui bwan pa caux rhawm an ka piang khui bwan maix tak sau ceu pa kham mai mhai rug pa sang tawx Aux ka maix ka daux khui bwan.

HEBRIE 9:4

Pa koe khu khri dee tok nyawng bhawng mai khui sijax mukheu pa hoik om ka khri khawmuik heue. Ka daux khui an koe aw khri tix mu, pa koe Mannax ka daux, khaox gix Arun pa hoik tux tai , khlawp simaox sijax mukheu,

LIH HU 40:20

Nawh teei khlawp simaox pingnyap sau ka daux khui, chup khaox glawm ka daux jhup khui mai sau dawb dang ngeung krax pa caux rhawm, ka piang khui.

2 GRAWNG BEEN 5:10

Ka daux teug bwan, lheu khaing khlawp simaox ra khlawp, pa hoik sau Mose ti deuh hawt baoh Hawrax ang koe tidtix tan, yam hoik yuh Siyiex gumlox sijax mukheu tau mai kawn praix ceu pui Isarelax khankix yam lih hu kix khaing meung Ejiptux heue.

PINGNYAP 4:13

Nawh Cao hoik krai lox sijax mukheu pa hoik tawm Nawh Cao ka pex, sonsang hawt yuh pex ka, pa mawh lox pingnyap kao gum, mai Nawh Cao hoik tiem khankix piang khlawp simaox ra khlawp.

PLAK JHI 15:8

Nyiex bwan an naog ka taox ngu khaing min pakngai Siyiex mai khaing sibrawm Nawh Cao heue. Ang pon ti laig ka daux nyiex bwan an tix kaux kawx, tom sidah hoik hoik preng aliah ceu cie kawncau Siyiex aliah kaux an khankix heue.

YEZAKELAX 10:4

Khaix an min plakngai Siyiex haok khaing Cherubin mai hoik tiang ka piang kaing pang siviex nyiex bwan mai nyiex bwan hoik naog ka pa ceep paiawm mai ka brawk an, hoik naog ka pa jhan riang min plakngai Siyiex heue.

1 SIMIANG 8:21

Mai aux hoik khre dah dee tix dah, son teug sijax mukheu, pa hoik koe lox mukheu Siyiex ka daux pa hoik yuh Nawh Cao sijax mukheu tau mai keeing ex, yam viex Nawh Cao kix lih khaing meung Ejiptux heue.”

PINGNYAP 31:26

“Teei phuk lai been in mai deuh praok teug bwan sijax mukheu Simiang Siyiex, sonsang mawh mhai rug ka son pex.”

SIMIN 17:10

Simiang Siyiex ah nin ka Mose, “Deeh viex khaox grix Arun, deeh deuh ka plak sivoe teug bwan sijax mukheu, sonsang priex mawh mhai ruk son pui pa tieh feen khankix, sonsang pon kieh maix krax pa ngia pa tieh feen kix ka Aux grai, son ang kix yum.”

SIMIN 9:15

Ka daux singaix yam jung ka nyiex gox bwan man, paiawm hoik kheem ka piang nyiex gox bwan man pa koe teug pa kham mhai ruk, jah ponbo tom hoek ponngawb, an hoik awm grang ngu.

KRUB 16:2

Simiang Siyiex ah nin ka Mose, “Krai ka puxke maix Arun, son ang nawh nieb hoek daux pa kied singax singeh jheung jheung, ka plak daux man tie, sivoe dangngeung krax pa caux rhawm, pa koe piang teug bwan, phan ang mawh nan, Aux lhat nawh yum ka, grawh grawng nawh, Aux tak sang plak jhi tix ka daux paiawm, pa koe piang dawb teug bwan, ka dangngeung krax pa caux rhawm.

LIH HU 16:33

Mose ah nin ka Arun, “Teei ang tix mu mai sau blah mannax an tix Awmie daux an mai deuh sivoe Siyiex, sonsang priex pex an daux ru tix, tix ju hoik tix ju.”

LIH HU 16:10

Yam sikah Arun ka cub pui hun Isarelax khankix, kix simi ti jhak ka daux tiag. Kix yaox min pakngai Siyiex jhan lih khaing daux paiawm.”

LIH HU 14:24

Yam hoek plak ponngawb, Siyiex jhak ti yaox ka piang kru naing pui Ejiptux khankix, ka rong ngu paiawm mai Nawh Cao tawx krax sivix ka pui naing Ejiptux khankix.

LIH HU 13:21

Siyiex hu sivoe kix, yam ponngaix Nawh Cao thung kix hu daux krax ka rong paiawm mai yam hoek ponsawm, Nawh Cao thung kix hu daux krax ka rong ngu, sonsang jhan pa riang ka kix. Mawh kheu nan kix yaox ti hu awm paox tix plak ponngaix mai plak ponsawm.

LIH HU 25:16

Maix tak sau mhai rug pa sang tawx Aux ka maix daux khui bwan an.

2 GRAWNG BEEN 5:9

Khaox glawm an, kix hoik yuh lang sonsang pon yaox kix toeh khaox glawm khankix khaing dee pa singax singeh ka plak sivoe daux lawg plak daux, viang mawh nan, kix ang pon tix chix yaox khaing plak praix heue. Kix ot hawt tan, tom hoek ka daux in singaix heue.