1 SIMIANG 8:3 - Wa Common Language Translation

³ Kuad riex ju pui Isarelax khawmuik hoek mai cao giex kaing li khankix teei ti klawm teug sijax mukheu Simiang Siyiex heue.

1 SIMIANG 8:3 Iomraidhean Croise

2 SAMOELAX 6:12

Yam mhong simiang Davit, ka nawb Simiang Siyiex bwan piang nyiex ma Obet Dedom mai piang can pa koe nawh, kheu jao teug bwan sijax mukheu Siyiex, mawh kheu nan, Davit deeh hu mai teei teug bwan sijax mukheu Siyiex khaing daux nyiex Obet Dedom, hoek ka veng Davit tau mai krax pa gaux rhawm tix.

1 SIMIANG 8:6

Mai cao giex kaing li khankix viex teug sijax mukheu Simiang Siyiex laig ka dee ot nawh, ka daux nyiex bwan ka dee pa kied singax mai kix deuh teug sijax mukheu an ka greem pruik Cherubin heue.

1 GRAWNG BEEN 15:2

Khaix an, Davit ah nin, “Pui tix kaux kawx tak ang pon ti klawm teug bwan sijax mukheu Siyiex lheu khaing cub ceu pui Lewix, mawh kheu Siyiex hoik laug ti deuh sonsang mawh kix cao pa klawm teug bwan sijax mukheu Siyiex mai yuh kaing jhaw ka plak sivoe Nawh Cao leeing ju heue.”

SIMIN 4:15

Yam hoik tawb Arun mai kawn simex nawh khankix ka dee pa singax singeh mai can kraung khrai pa shiao kix son dee pa singax singeh khawmuik, yam deeh lih hu kix khaing nyiex bang tix, khaix an kawn simex Kawhat khankix tak hoek ti klawm ceu an khankix hu heue. Viang mawh nan kix tak ang pon ti hu krox hu teeh ka ceu pa singax an tix ceu kawx, son ang kix pon ti hoek krax yum. Inkix mawh can ceu pa koe ka daux nyiex gox bwan man bang kum pui hun, pa sang klawm kawn simex Kawhat hu heue.

SIMIN 7:9

Viang mawh nan nawh ang tawx ka kawn simex Kawhat, mawh kheu kaing jhaw kix mawh kaing jhaw pa klawm kraung pa singax.

PINGNYAP 31:9

Mawh kheu nan, Mose tiiem ti deuh gumlox beenli in mai ap ka cao giex kaing li, pa mawh kawn simex ceu pui Lewix khankix, pa teei beeh glawm tix klawm teug bwan gumlox sijax mukheu Simiang Siyiex mai ka kwad song ceu pui Isarelax khankix.

YAWSUX 3:3

mai kix tawx gumlox ti lih ka pui khankix ah nin. “Yam yaox pex ka khwi bwan sijax mukheu Siyiex leeing ju pex mai ka cao giex kaing li pa mawh ceu pui Lewix khankix, pa klawm ka eug bwan sijax mukheu an, khaix an, pex tak lih hu khaing dee ot pex mai hawt khaix an.

YAWSUX 3:6

Khaix an, Yawsux kok ka cao giex kaing li khankix ah nin. “Yaog ti klawm khwi bwan sijax mukheu mai tiang ti hu ka plak sivoe pui khankix heue.” Mawh kheu nan, kix yaog ti teei khwi bwan sijax mukheu mai klawm nawh hu ka plak sivoe pui khankix heue.

YAWSUX 4:9

Khaix an, Yawsux hu teei ti deuh simaox an kao ra lon ka daux sigreung rawm klawng Yawdan, ka dee hoik cung cao giex kaing li pa klawm khwi bwan sijax mukheu mai lon simaox ankix mawh pa koe see tan tom in singaix heue.

YAWSUX 6:6

Mawh kheu nan, Yawsux pa mawh kawn simex Nun, kok ka cao giex kaing li khankix ah nin ka kix. “Yaog ti klawm khwi bwan sijax mukheu mai kieh cao giex kaing li aliah kaux viex teettawng pa yuh tix ka rung yung mhaing khankix aliah mu mai hu ka plak sivoe khwi bwan sijax mukheu Siyiex leeing ju heue.”