1 SIMIANG 8:1 - Wa Common Language Translation

¹ Simiang Sawlamon khrawm kwad riex ju pui Isarelax mai cub cao kaing ru ceu pui khawmuik mai cao kaing keeing nyiex ma pui Isarelax khankix hoek ka tix, ka daux veng Yerusaliem sonsang viex teug bwan sijax mukheu Simiang Siyiex khaing veng Davit pa mawh Zion tan heue.

1 SIMIANG 8:1 Iomraidhean Croise

2 SAMOELAX 6:6

Yam hoek kix ka gwang dee dig Nakhon nghox, kheu sideeing moi caong tix Awza nyeu taix tix, giex ka teug bwan sijax mukheu Siyiex.

1 SIMIANG 2:10

Simiang Davit laig it tau mai keeing tix mai sipaung nawh ka daux veng Davit heue.

1 SIMIANG 3:15

Yam siduad Sawlamon khaing it tix, nawh tawng ka mawh camaox, khaix an nawh hu ka veng Yerusaliem mai cung ka plak sivoe teug bwan sijax mukheu Simiang Siyiex mai tan krax tan pa gleeing mai krax tan pa nhim mai yuh pawie khan kheu son kawncau tix khankix heue.

1 GRAWNG BEEN 11:7

Khaix an, Davit ot ka daux nyiex tab pa kaux cong an, mawh kheu nan, kix kok dee an mawh veng Davit heue.

1 GRAWNG BEEN 15:25

Mawh kheu nan, Davit mai kwad riex ju ceu pui Isarelax khankix mai cao kaing naing khankix pa kwang piang lien tix kaing rheng, lih hu sonsang teei teug bwan sijax mukheu Siyiex khaing daux nyiex Obetdedon tau mai krax pa gaux rhawm tix heue.

1 GRAWNG BEEN 15:29

Yam hoik hoek teug bwan sijax mukheu Siyiex ka daux veng Davit, Mekhalax kawn bun Sawlux, si mi ti jhak kix khaing daux siviex iak mai yaox ka graoh simiang Davit mai tah ka ting mai nawh hoik sibriem nawh ka daux rhawm tix heue.

1 GRAWNG BEEN 15:3

Davit kraix khrawm ceu pui Isarelax khankix tau ka daux veng Yerusaliem, sonsang viex teug bwan sijax mukheu Siyiex hoek ka dee pa ot tix, ka pa khre rien nawh ti deuh heue.

1 GRAWNG BEEN 28:1

Khaix an, Davit kraix khrawm ka cao thong cao bung ceu pui Isarelax khawmuik mai cao kaing ceu pui khankix mai cao kaing naing pa yuh kaing jhaw simiang mai cao kaing naing pa kwang piang pui kaing rheng mai pa kwang piang pui kaing yieh khankix mai kawncau pa kwang piang kraung khrai sinngao simiang mai cie kawn simex nawh khankix, tau mai cao kaing mai pui pa koe rhawm kwa khankix mai pui pa kied ting riang rao khankix hoek ka daux veng Yerusaliem heue.

2 GRAWNG BEEN 30:1

Hezakiyax kok ceu pui Isarelax mai pui Yudax khankix hoek mai nawh tiem ti tawx lai hu ka ceu pui Epharem mai ceu pui Manashe khankix, sonsang pon kix tix hoek ka nyiex bwan Siyiex daux veng Yerusaliem, sonsang pon yuh kix pawie Pasakha ka Siyiex ceu pui Isarelax heue.

EZARAX 3:1

Bleeh ka daux khix aliah mai kawn praix ceu pui Isarelax pa hoik ot ka daux veng daux yaong khankix, kraix khrawm paox tix hoek ka daux veng Yerusaliem ka daux pa grum rhawm heue.

YAOGYAW 102:21

Kieh kawn pui khankix, teei ka ceu kaux Siyiex mai plak jhi sidawng ka piang gawng Zion mai yaogyaw ka bwanson Nawh Cao mai plak jhi sidawng ka daux veng Yerusaliem heue.

YAOGYAW 9:11

Rhax lai yaogyaw ka Siyiex, pa ot ka daux veng Zion mai krai grawng pa yuh Nawh Cao ka pui khawmuik awx.

ISAYAX 28:16

Mawh kheu nan Siyiex ah nin, “Jhak heue, Aux hoik deuh lon simaox ka piang gawng Zion son riah jaong num, pa mawh lon simaox pa hoik cheuk cheu ti yaox mai pa mawh riah jaong num ka daog pa kaux cong, simaox pa koe ngawh jum mai pa mawh kaing ka daog, can pui pa een rhawm ka lon simaox an tak ang lai nied ti ki.

ISAYAX 46:13

Aux viex krax taoh hoek phao, ang lai singai, krax taoh Aux ang lai rheung lai koi, Aux tak deuh krax taoh ka piang Zion, son pui Isarelax, pa mawh min pakngai Aux heue.”

SIMIN 1:4

Can pui pa ot tau mai maix khankix, tak mawh pui tix kaux, pa kaoh khaing doeh ru mawx ru an ku cub mai pa mawh cao kaing tix kaux ka nyiex ma keeing nawh khankix heue.

YAWSUX 23:2

Yawsux kok ka ceu pui Isarelax khawmuik, khawm kuad riex ju mai khawm cao kaing kix, cao prawng see kix, cao kaing naing kix khawmuik mai nawh ah nin ka kix. “Aux hoik kuad hu sipie mai riex ju tix heue.”

YAWSUX 24:1

Khaix an, Yawsux kraix khrawm doeh ru ceu pui Isarelax khankix hoek ka veng Shekhem mai nawh kok kuad riex ju pui Isarelax khankix mai cao giex kaing kix mai cao prawng see kix mai cao kaing naing kix khawmuik mai kix hoek ka plak sivoe Siyiex leeing ju heue.

1 PETRUX 2:6

Mawh kheu hoik koe ka daux phuk lai sigang khri yuh nin, “Jhak heue, Aux hoik deuh Simaox kaing ka daog ka daux Zion, pa hoik laug ti teei mai ting min pakngai mai kaw pa yum rhawm ka Nawh tak ang hoek krax kaig tua heue.”