1 SIMIANG 5:3 - Wa Common Language Translation

³ Maix tawng ka ang keeing aux Davit pon sum nyiex bwan ka daux ceu kaux Simiang Siyiex nawh, kheu yaox nawh ti puing naing kudah tom hoek bawg yam kieh Simiang Siyiex pui koeng nawh khankix, ot greem tiag caong nawh heue.

1 SIMIANG 5:3 Iomraidhean Croise

1 SIMIANG 8:19

Viang yuh ka mawx kawx maix tak ang pon ti sum nyiex bwan, tak mawh kawn simex li maix pa sum nyiex bwan son min ceu kaux Aux heue.

1 GRAWNG BEEN 22:8

“Viang mawh nan, gumlox Siyiex hoek ka aux ah nin, maix hoik yuh naing ting mai hoik kieh nham pui jauh tom nie maix tak ang pon ti sum nyiex son min ceu kaux Aux, grawh grawng nawh kheu hoik pah maix pui tom nie piang haktiex ka daux ngai Aux heue.

1 GRAWNG BEEN 28:2

Khaix an, simiang Davit yaog ti kaoh cung ah nin, aux hoik koe rhawm sonsang sum tix nyiex dee laux lee, son teug bwan sijax mukheu Siyiex mai son dee sang deuh Siyiex caong tix mai aux hoik grux khre rien khankix sonsang sum tix ka heue.

1 GRAWNG BEEN 28:3

“Viang nawh nan, Siyiex ah nin ka aux maix tak ang pon ti sum nyiex son min ceu kaux Aux, grawh grawng nawh maix mawh pui pa yuh naing mai hoik kieh nham jauh heue

2 GRAWNG BEEN 9:4

pa ih piang pheen sawm nawh, dee ngawm kawncau nawh khankix, kaing jhaw cao pa pau tix khan kheu nawh khankix mai kraung ceep kix, cao pa giex kawk nyaux nawh mai kraung ceep kix mai krax diang laig nawh sonsang hu nawh ka nyiex bwan Siyiex, nawh hoik tua khwan luan paux ka sipiag heue.

NEHAMIX 5:17

Lheu khaing ankix pa hoek ka ex, khaing ceu pui tang ceu khankix pa ot hawt vung viang ex, koe pui Yudax mai cao pa kwang khankix tix yieh tixphwan kaux, pa sawm tau mai pheen aux jheung jheung heue.

NEHAMIX 5:18

Can ceu pa hoik khre rien ti ka son aux ku ngaix, mawh mawie tix mu, mai yung pa hoik laug ti liah mu mai ia sim khankix kawx hoik khre rien ti ka son aux kao ngaix tix bawg, rawm plix siiet kuceu hoik khre rien ti tom nie, viang mawh nan aux ang lai mhaing priex nyum ka son cao pa kwang veng, kheu jao kied cien kaing jhaw piang pui khankix heue.

YAOGYAW 110:1

Simiang ah nin ka Simiang aux, “Ngawm plak taix khawn dawm Aux, tom Aux kieh pui pa koeng ka maix mawh ngot dee deuh maix caong tix heue.”

YAOGYAW 8:6

Kieh nawh giex kaing ka can pa hoik phan hoik deuh Maix khankix.

MALAKHIX 4:3

Pex tak sang dig ka pui pa caox caig. Kix tak sang awm nyaox greem tiag caong pex, ka daux singaix hoik tat Aux ti deuh. “Siyiex cao kru naing raoma ah nan heue.

1 KAWRINTHUX 15:25

“Grawh grawng nawh, Nawh tak sang giex kaing tom sidah hoik kieh Nawh pui pa koeng ka Nawh khawmuik, ot greem caong Nawh heue.”

EFESUX 1:22

Nawh Cao hoik teei ti deuh kuceu khawmuik ka greem caong Nawh mai tawx ti kieh Nawh mawh Kaing ka piang ku ceu khawmuik ka daux ceu cao,

PINGNYAP 14:5

cak mai poh ceu pa ting mai kiah, pex rang, mawie praix, cak lang rung mai yung tiag,

YAWSUX 10:24

Mawh kheu nan, ceu an khankix hoik lih ti koe, yam hoik viex kix simiang ankix hoek ka Yawsux mai Yawsux kok ceu pui Isarelax khawmuik ah nin ka cao kaing naing khankix, pa hoik hu tau mai nawh. “Hoek dee dex mai deuh caong pex ka piang ngawg simiang inkix heue. Kix hoek dee dex mai deuh caong tix ka piang ngawg pui ankix.