1 SIMIANG 3:5 - Wa Common Language Translation

⁵ Simiang Siyiex lih bleeh ka Sawlamon daux veng Gibun, ka daux camaox ponsawm ah nin, “Simie maix Aux tawx ceu patix ka maix leh.”

1 SIMIANG 3:5 Iomraidhean Croise

1 SIMIANG 11:9

Mai Simiang Siyiex song rhawm ka Sawlamon, kheu jao hoik veeh rhawm nawh ti singai khaing Simiang Siyiex pui Isarelax, pa hoik lih bleeh ka nawh ra bawg,

1 SIMIANG 9:2

Simiang Siyiex deeh jhi tokaux tix ka Sawlamon ra bawg tix bawg, awm jhi Nawh tokaux tix ka nawh daux veng Gibun heue.

SIMIN 12:6

Nawh Cao ah nin, “Nghiet ka lox Aux, phan cao jhai koe ka daux sinax pex, Aux Simiang Siyiex tak plak jhi tokaux tix ka nawh ka daux riang susai, Aux tak sikah mai nawh ka daux camaox.

MATHIEX 1:20

Yam keud nawh yuh nan, jhak heue, nawh yaox kawncau cie Siyiex lih bleeh ka nawh ka daux camaox ah nin, “Yosiep kawn Davit eue, paw lhat ti teei moeng maix Marix, kheu kaux pa koe daux nawh mawh kheu Khuan Singax Singeh heue.

MATHIEX 2:13

Khaix hoik ing kix, kawncau Siyiex tix kaux lih bleeh ka Yosiep ka daux camaox ah nin, “Maix kaoh heue, mai teei Kawn nyawm iak mai miex Nawh mai to hu ka daux meung Ejiptux mai ot tan tom deeh krai Aux maix mhong heue. Kheu simiang Herut tak sang sawg Kawn nyawm iak in, sonsang laux yuh ka Nawh heue.”

MATHIEX 2:19

Viang mawh nan Khaix hoik yum simiang Herut, jhak heue, kawncau Siyiex tix kaux lih bleeh ka Yosiep daux camaox, ka daux meung Ejiptux,

MAKUX 10:36

Nawh Cao chawk ah nin ka kiex, “Pax simie ti kieh Aux yuh ceu patix son pax?”

MAKUX 11:24

Mawh kheu nan Aux krai ka pex, pa rawg bwan mai pa mhaing pex kuceu khawmuik, pex yum rhawm grawh grawng pon khankix mai pex tak sang pon heue.

YOHAN 15:16

Pex laug ti teei Aux ang mawh, viang mawh nan Aux hoik laug ti teei pex hoik ciak ti deuh pex, yuh ka mawx sonsang hu plix pex plix sonsang kaux cong plix pex heue. Kheu pex sang rawg ceu patix ang ah, ka Keeing Cao ka daux ceu kaux Aux, Nawh sang tawx ka pex.

YOHAN 15:7

Phan pex ot ka daux Aux mai gumlox Aux ot ka daux pex, pex simie ti rawg ceu patix ang ah, rawg heue. Tak sang yuh son pex.