1 SIMIANG 3:3 - Wa Common Language Translation

³ Sawlamon moh ka Simiang Siyiex mai nawh hawt grawng lawng khaix beenli pa deuh keeing nawh Davit mhawm mhawm, lheu khaing an nawh appong krax tan mai gleeing nyawng bhawng ka dee pa lhaong heue.

1 SIMIANG 3:3 Iomraidhean Croise

1 SIMIANG 11:34

Viang yuh nan kawx Aux tak ang lai teei meung haktiex khaing daux taix nawh khawmuik, mawh kheu Aux hoik yaog nawh mawh cao kwang baux singaix im ju nawh, kheu jao kawncau Aux Davit, pa hoik laug Aux pa hoik hawt lox tawm pingnyap mai lox lai beenli pa deuh Aux heue.

1 SIMIANG 11:38

Phan maix nghiet lox tawm Aux mai lawng daux krax Aux mai yuh pa rahsee ka plak sivoe Aux mai priex ka lox lai beenli pa deuh Aux mai lox tawm pingnyap Aux khankix, awm pa hoik yuh kawncau Aux Davit, Aux tak ot tau mai maix mai Aux tak sum ti tawx nyiex pa kaux cong ka son maix, awm pa hoik sum Aux son Davit mai Aux tak tawx ceu pui Isarelax ka maix heue.

1 SIMIANG 11:4

Yam hoik kuad Sawlamon moeng nawh khankix kieh rhawm nawh veeh hu khaix siyiex tang kaux khankix, mai rhawm nawh ang lai kaux sijax ka Simiang Siyiex, awm rhawm pa koe keeing nawh Davit heue.

1 SIMIANG 11:6

Sawlamon yuh pa caox plak sivoe ngai Simiang Siyiex mai ang lai hawt grawng lawng khaix Simiang Siyiex grum naog, awm pa yuh keeing nawh Davit heue.

1 SIMIANG 14:23

Mai kix baox deeh sum dee pa lhaong khankix mai rong khaox sigang khankix mai riang grang Asherax ka piang gawng piang lua pa lhaong ku mu mai ka greem khaox klai khankix ka son tix heue.

1 SIMIANG 14:8

aux hoik teei meung haktiex khaing doeh nyiex ma Davit mai Aux tawx ka maix, viang mawh nan maix ang awm kawncau Aux Davit, pa priex gumlox pingnyap Aux khankix mai hawt grawng lawng khaix Aux khawm rhawm ti mai yuh pa khaw plak sivoe ngai Aux,

1 SIMIANG 15:11

Asa yuh pa khaw ka plak sivoe Simiang Siyiex awm tax du nawh Davit heue.

1 SIMIANG 15:14

Viang mawh nan, ka dee lhaong khankix ang nyang yieh tix, glang yam kawn im ju Asa, rhawm nawh koe pa grum naog ka Simiang Siyiex heue.

1 SIMIANG 15:3

Nawh lawng ka daux phimap pa hoik yuh keeing tix kuceu, rhawm nawh ang lai grum naog ka Simiang Siyiex tix, awm rhawm tax du nawh Davit heue.

1 SIMIANG 15:5

Mawh kheu Davit yuh pa khaw ka plak sivoe ngai Simiang Siyiex mai ang veeh tix, khaing lox tawm Nawh Cao glang singaix im ju nawh, lheu khaing grawng see Uriyax pui Hetax heue.

1 SIMIANG 22:43

Nawh hawt khaix pa yuh keeing tix Asa, nawh ang lai via khaing krax ankix mai nawh yuh pa khaw caw ka plak sivoe ngai Simiang Siyiex, viang mawh nan, nawh ang nyang yieh ti tik dee pa lhaong khankix mai pui khankix kawn yuh krax tan mai gleeing nyawng bhawng ka dee pa lhaong heue.

1 SIMIANG 22:44

Yehoshaphat yuh pa nhim tau mai simiang meung Isarelax heue.

1 SIMIANG 3:14

Phan maix lawng hu daux krax Aux mai priex ti hawt beenli Aux mai lox pingnyap Aux khankix, awm hoik lawng keeing maix Davit khaix Aux, Aux tak kieh singaix im ju maix lang heue.”

1 SIMIANG 3:6

Mai Sawlamon ah nin, “Maix Cao hoik jhi krax pa caux rhawm tix ka kawncau Maix keeing aux Davit, mawh kheu nawh hawt grawng lawng khaix Maix Cao daux krax pa mawh meh mai pa rahsee mai pa rah rhawm tix sivoe Maix Cao, Maix Cao hoik tawx krax caux rhawm pa ting lhaong ka son nawh mai hoik tawx kawn simex ka nawh pa sang ngawm ka piang dangngeung nawh, awm pa koe daux in singaix heue.

1 SIMIANG 8:25

Simiang Siyiex pui Isarelax eue, yam in priex rien ka lox sijax mukheu pa hoik yuh Maix Cao ka kawncau tix keeing aux Davit mai pa hoik ah Maix Cao nin, “Phan kawn praix maix khankix chix yuh satix tix mai lawng hu plak sivoe Aux, awm lawng maix sivoe Aux, ru maix tak ang jud khaing ka piang dangngeung pui Isarelax khankix heue.”

1 SIMIANG 8:61

Mai kieh rhawm rhi pex mawh pa kaux sijax ka Simiang Siyiex ex mai hawt hu ka daux lox lai beenli Nawh Cao mai priex ka gumlox pingnyap Nawh Cao, awm pa hoik koe ka daux in singaix heue.”

1 SIMIANG 9:4

Phan maix lawng hu ka plak sivoe Aux, awm hu keeing maix Davit mai hawt yuh awm pa tawm Aux ka maix mai phan maix priex ti hawt lox lai beenli pa deuh Aux mai lox tat jhawm prawng Aux khankix,

2 SIMIANG 12:3

Viang mawh nan, can dee pa lhaong khankix ang nyang bax teei ti tik dee singai, pui khankix kawn tan krax pa appong mai gleeing nyawng bhawng ka piang dee pa lhaong khankix heue.

2 SIMIANG 12:4

Yehosha ah nin ka cub cao giex kaing li khankix, pa hoik viex kix nawh hoek ka daux nyiex bwan Siyiex mai mau pa hoik tat pui ku kaux jum ngawh cao tix khankix, khawm mau pa tang viex pui tix tan khawm rhawm tix khawmuik, son pa viex hoek ka daux nyiex bwan Siyiex,

2 SIMIANG 14:3

Nawh yuh pa khaw caw daux ngai Siyiex, viang mawh nan, ang nyang awm keeing nawh simiang Davit; nawh yuh kuceu awm pa yuh keeing tix Yehosha heue.

2 SIMIANG 14:4

viang mawh nan, nawh ang nyang bax tik dee pa lhaong khankix luan dee singai mai pui khankix kawn ca tan krax tan pa appong mai gleeing nyawng bhawng ka piang dee pa lhaong heue.

2 SIMIANG 15:35

Viang mawh nan, can dee pa lhaong khankix ang gah ti tik, pui khankix ca kawn tan krax tan pa appong mai gleeing nyawng bhawng khankix ka dee pa lhaong, nawh sum siviex plak piang ka daux nyiex bwan Siyiex heue.

2 SIMIANG 15:4

lheu khaing an nawh ang nyang gah ti tik dee pa lhaong khankix, pui khankix kawn tan krax tan pa appong mai krax tan pa gleeing nyawng bhawng ka piang dee pa lhaong khankix heue.

2 SIMIANG 18:22

Viang mawh nan, phan pex ah nin ka aux, yix een rhawm ka daux Siyiex yix, ang hoik mawh Hezakiyax pa teei ti tik dee pa lhaong Nawh Cao mai khu dee tan an khankix hu dee singai mai pa ah nawh nin ka haktiex Yudax mai ka veng Yerusaliem, maix tak krub ka sivoe khu dee tan ka daux veng Yerusaliem lie?”

2 SIMIANG 18:4

Nawh teei ti tik dee pa lhaong khankix mai raig ka riang rong simaox mai riang grang khaox siyiex Asherax khankix mai lah phawng ka riang siuing tawng pa yuh Mose, mawh kheu kawn praix ceu pui Isarelax khankix, kawn gleeing nyawng bhawng ka plak sivoe riang siuing an, daux singaix yam an mai kok riang siuing tawng an mawh Nehushatan ceu pa yuh tix ka tawng heue.

2 GRAWNG BEEN 15:17

Viang mawh nan, dee pa lhaong khankix ang nyang bax gah ti tik khaing daux haktiex Isarelax heue. Viang yuh ka mawx kawx, rhawm Asa hoik koe krax pa kaux sijax ka daux ju tix heue.

YAOGYAW 145:20

Siyiex teem ka pui pa moh ka Nawh khankix heue. Nawh yuh laux leeing ka pui pa ang rahsee khankix heue.

YAOGYAW 31:23

Pui pa singax singeh khankix eue, moh ka Siyiex heue. Siyiex kia ngien ka pui pa kaux sijax khankix mai deeh tawx phimap tom nie ka pui pa ting rhawm khankix heue.

KRUB 17:5

ceu pui Isarelax khankix, tak deeh viex krax pa appong kix ti tan, daux tiag daux kaung mai kix tak viex khankix hoek hawt diang siviex nyiex gox bwan man bang kum pui hun ka cao giex kaing li mai tan an khawmuik son krax tan pa nhim ka Simiang Siyiex.

MATHIEX 22:37

Nawh Cao ah nin ka nawh, “Maix tak moh Siyiex maix khawm rhawm tix khawmuik mai khawm ju tix mai khawm pa chix keud chix tawng tix khawmuik heue.

YOHAN 14:15

Phan pex moh ka Aux, pex tak sang priex ti hawt lox pa tawm Aux khankix heue.

YOHAN 14:21

Kaw pa pon lox tawm Aux khankix priex ti hawt, mawh kaw pa moh ka Aux kaw pa moh ka Aux, Keeing Aux tak moh ka nawh Aux ka moh nawh plak jhi tokaux Aux ka nawh heue.”

ROMAX 8:28

Ex tawng grawng kuceu khawmuik rom ti yuh tau, sonsang mawh pa mhawm ka son kix pa moh ka Siyiex, pa mawh pa hoik kok ti teei awm pa khaw mai pa hoik yiag hoik bak Nawh Cao heue.

1 KAWRINTHUX 8:3

Phan pui tix kaux kaux moh ka Siyiex, Nawh Cao tawng ka nawh heue.

PINGNYAP 10:12

“Pui Isarelax khankix eue, yam in pa mhaing Simiang Siyiex pex yuh mawh ceu patix lie? ceu an khankix mawh pa lhat graung pex ka Simiang Siyiex pex mai sonsang hawt pex ti hu ka daux krax Nawh Cao khankix mai sonsang moh pex ka Nawh Cao mai sonsang yuh pex kaing jhaw Nawh, khawm rhawm tix mai khawm ju tix khawmuik.

PINGNYAP 10:13

Sonsang priex pex ti hawt gumlox pingnyap Nawh mai gumlox beenli pa deuh Nawh Cao khankix, awm pa hoik tawm aux ka pex in singaix, sonsang pon pex bwanson ceu pa mhawm.

PINGNYAP 11:13

Phan pex jawk tix nghiet ka lox pingnyap pa tawm aux ka pex daux in singaix, moh ka Simiang Siyiex pex mai yuh kaing jhaw Nawh Cao khawm rhawm tix mai khawm ju tix khawmuik,

PINGNYAP 30:16

Aux tawm maix moh ka Siyiex tix, sonsang hawt maix grawng, lawng khaix Nawh Cao mai sonsang priex rien maix ti hawt gumlox pingnyap Nawh Cao mai gumlox beenli pa deuh Nawh Cao khankix mai lox tat jhawm prawng Nawh Cao, sonsang pon maix ti im ju mai baox nie pre haoh hun, Simiang Siyiex maix tak nawb bwan ka maix, daux haktiex pa sang hu teei maix ti cie.

PINGNYAP 30:20

sonsang moh maix ka Simiang Siyiex tix, sonsang cu nghiet ka lox Nawh Cao, sonsang een maix rhawm tix ot dex Nawh Cao, mawh kheu Nawh Cao mawh krax im ju maix mai krax lang ju maix, sonsang pon maix ti ot daux haktiex pa tiextu Simiang Siyiex tix tawx ka keeing maix Abraham, Icak mai Yakop heue.

PINGNYAP 30:6

Simiang Siyiex maix tak pat hak rhawm maix mai khawm hak rhawm doeh ru maix, sonsang moh maix ka Simiang Siyiex tix khawm rhawm tix mai khawm ju tix khawmuik sonsang pon maix ti im ju.

PINGNYAP 6:5

maix tak moh ka Simiang Siyiex maix khawm rhawm tix tau mai khawm ju tix mai khawm riang rao tix khawmuik.

YAKOP 1:12

Pui pa chix kham ka pa nyaw glaw ting bwanson heue. Grawh grawng nawh khaix hoik cheu ti yaox ka nawh, nawh tak sang pon mhok khri pa im ju, pa hoik deuh Siyiex lox sijax mukheu ti sang tawx ka pui pa moh ka Nawh khankix heue.

YAKOP 2:5

Puxaik pa moh aux khankix eue, nghiet heue, Siyiex hoik laug pui pa hot pa sibhawm plak haktiex, tix kieh kix mawh pa mi pa koe plak krax yum rhawm mai pa pon sin Meung an, pa hoik tawx Nawh lox sijax mukheu ti tawx ka kix pa moh ka Nawh ang mawh lie?

1 SAMOELAX 9:12

Kix pawk ah nin, “Koe heue, nawh ot sivoe pax tan. Nied pax hu yam in, kheu kawn taug hoek nawh khaing daux veng, mawh kheu yuh pui krax tan dee pa kied ting lhaong daux in singaix.