1 SIMIANG 21:3 - Wa Common Language Translation

³ Mai Nabok ah nin ka nawh, “Simiang Siyiex tak thiang ka pa sang tawx aux sinngao keeing tix ka maix heue.”

1 SIMIANG 21:3 Iomraidhean Croise

YAM JAH 44:17

Yosiep ah nin, “Sonsang yuh aux an, kieh ceu in singai khaing aux, mawh ngie pui pa hoik yaox ex kawk daux taix nawh, tak mawh siliex aux, phan mawh pex, deeh ing ka keeing pex daux pa nhim heue.”

YAM JAH 44:7

Kix ah nin ka nawh, “Yuh ka mawh cao simiang aux lai ah lox yuh nin? Kieh ceu in singai khaing yix pa mawh kawncau maix khankix, yix ang doh yuh ceu in.

1 GRAWNG BEEN 11:19

Nawh ah nin, “Siyiex aux eue, kieh in mawh pa singai hu khaing aux, mawh sang pon nyaux aux nham pui inkix, pa ang lhawk ka ju tix ka daux pa yaox kix krax kha rhawm sonsang viex kix rawm in hoek lie? “mawh kheu nan, nawh ang nyaux, in mawh pa yuh pui pa ting riang rao an loe kaux heue.

YAWBAX 27:5

Sonsang ah aux mawh pex pa khaw caw, kieh an mawh pa singai khaing aux, tom hoek bawg yam sang yum aux kawx, aux tak ang thiang ka ah aux tix mawh pa khaw caw heue.

YEZAKELAX 46:18

Lheu khaing an, kawn lauxsimiang tak ang pon rhim ti teei haktiex sinngao cie pui ka daux pa khin ti yuh mai grheu kix lih khaing haktiex sinngao cie kix, nawh tak yaox ti tawx sinngao ka kawn simex khankix, khaing daux haktiex cie nawh son ang pui Aux khankix yaox ti prung prang rairuat khaing sinngao haktiex cie tix heue.

KRUB 25:23

Ang pon ti coh haktiex ka pui leeing ju, mawh kheu haktiex mawh cie Aux kheu mawh pex nyo sinie mai pui hoek paung mai Aux.

SIMIN 36:7

Mawh kheu nan sinngao pui Isarelax khankix, tak ang pon ti luan khaing daux tawm taix doeh ru mawx ru an. Mawh kheu pui Isarelax khankix, tak priex sinngao doeh ru keeing tix.

SIMIN 36:9

Mawh kheu nan sinngao pon kix, tak ang lai yaox ti gah khaing daux tawm taix doeh ru kix tix cub mai tix cub, kix tak priex rien ka sinngao cie cao tix”

ROMAX 3:31

Phan mawh nan ex yuh ti kieh lox lai beenli mawh pa giex going kheu krax yum rhawm lie? Ang doh mawh nan, sex kieh lox lai beenli kaux cong heue.

ROMAX 3:4

Ang doh mawh nan, viang pui khawmuik laux sijax kawx, Siyiex kaux sijax awm hoik tiiem ti deuh daux Phuk lai sigang khri ah nin, “Kheu sonsang yaox pa rahsee maix, ka daux gumlox maix mai sonsang pex maix, yam laig maix daux dee prawng ca heue.”

ROMAX 3:6

Ang doh mawh nan. Grawh grawng nawh, phan mawh nan Siyiex tak chix prawng ca pui haktiex yuh ka mawx?

ROMAX 6:15

Yuh ka mawx? Kheu ang ex ot greem lox lai beenli, viang mawh nan kheu ot greem bwanson, ex tak sang yuh phimap lie? Ang doh mawh nan.

ROMAX 6:2

Ang doh mawh nan. Ex pa hoik yum ka phimap, ex kawn baox chix im ka daux phimap yuh ka mawx?

ROMAX 7:13

Phan mawh nan, pa mhawm hoik lih mawh krax yum ka aux lie? Ang doh mawh nan, mawh phimap heue, sonsang sidawng grawng mawh phimap, hoik teei pa mhawm an mai yuh krax yum ka aux heue. Kheu lox tawm an phimap tak sang lih mawh phimap pa lang teung ting sigrien sigre heue.

ROMAX 7:7

Phan mawh nan, ex sang ah ka mawx? Sang ah, lox lai beenli mawh phimap lie? Ang doh mawh nan. Viang mawh nan, aux ang lai tawng ka phimap phan ang mawh kheu lox lai beenli, grawh grawng nawh aux ang lai tawng ceu pa ghoing, phan lox lai beenli ang nyang ah, “Maix paw vi ghoing heue.”

1 KAWRINTHUX 6:15

Ang pex tawng grawng tokaux pex mawh kraung grang Cao Khrit lie? Phan mawh nan aux tak sang teei kraung grang Cao Khrit mai kieh kix mawh kraung grang bun coh kaux lie? Paw doh kieh mawh nan.

KALATIX 6:14

Paw kieh aux yaw rangdi ka tix ceu kawx lheu khaing khaox lhak Simiang ex Yesux Khrit, haktiex hoik yum ka aux mai aux hoik yum ka haktiex heue.

YAWSUX 22:29

“Kieh ankix mawh pa singai khaing yix, sonsang pon yix ti tieh feen ka Siyiex leeing ju mai son krax pa veeh yix tix khaing krax hawt yix khaix Siyiex, ka daux in singaix mai sonsang sum yix khu dee tan tix mu, son krax tan pa gleeing khankix mai son krax tan mien nghox ca, phan ang mawh nan, son krax pa appong yix ti tan, hawt praok khu dee tan Siyiex leeing ju yix, pa koe ka plak sivoe nyiex gox bwan man Nawh Cao heue.”

YAWSUX 24:16

Mawh kheu nan, pui khankix deeh pawk lox nawh ah nin heue. “Sonsang tik vud yix ka Siyiex leeing ju mai krax pa sang krub yix siyiex tang kaux, Kieh inkix singai khaing yix liak.”

1 SAMOELAX 12:23

Lheu khaing an phan mawh aux pa yuh phimap mai pa ang rawg bwan ka Simiang Siyiex son pex, kieh singai khaing aux, aux tak sidiex pex ka pa mhawm mai krax pa rahsee.

1 SAMOELAX 24:6

Nawh ah nin ka pui tix khankix, “Kieh Simiang Siyiex tiebtie can pa sang yuh aux ka simiang tix, pa hoik groi Simiang Siyiex bee ka nawh, sonsang nyeu aux taix tix mai yuh nawh laux, jhak heue, kheu mawh nawh pui pa hoik groi Simiang Siyiex bee kah.”