1 SIMIANG 2:9 - Wa Common Language Translation

⁹ Paw keud nawh awm pa ang koe phimap, mawh kheu mawh maix pui koe pingnya cuyi maix tawng ceu pa sang khaw maix ti yuh ka nawh, mawh kheu nan pah ka pui pa paing hauk kaing an laig daux meung yum tau mai nham nawh heue.”

1 SIMIANG 2:9 Iomraidhean Croise

YAM JAH 42:38

Yakop ah nin, “Ang aux doh tawx kawn simex tix hu tau mai pex, kheu hoik yum puxke nawh mai kawn deuk nawh nong nong. Phan pa caox lih ti mawh ka nawh, daux krax hu pex, pex tak viex hauk kaing paing aux laig daux simeeig tau mai krax laux rhawm heue.”

YAM JAH 44:31

Yam yaox nawh ang kawn nyawm an koe tau mai yix, nawh tee yum mai yix kawncau maix tak yaox ti viex hauk kaing paing keeing yix pa mawh kawncau maix hu ka daux simeeig tau mai krax laux rhawm nawh heue.

YAM JAH 9:6

Pui mawx ang ah, phan nawh kieh nham kawn pui jauh, nham nawh kawx tak yaox ti jauh ka taix kawn pui heue. Mawh kheu Siyiex hoik yuh kawn pui awm grang pakpeung tix heue.

2 SAMOELAX 16:5

Yam hoek simiang Davit ka veng Bahurim, pui tix kaux khaing doeh nyiex ma Sawlux, pa kaux Shimi kawn simex Gerax lih hoek khaing tan, tau mai lox pa jhax lawg ang jud jai.

2 SAMOELAX 3:39

Viang aux mawh simiang pa hoik groi pex bee ka kawx, aux mawh pa iak riang ka daux singaix, pui inkix pa mawh kawn simex Zeruya mawh pa ting riang khaing aux, kieh Simiang Siyiex deeh plud ka kix awm yuh kix pa caox heue.”

1 SIMIANG 2:6

Mawh kheu nan yuh awm pa koe pingnya cuyi maix mai paw kieh hauk kaing paing nawh, laig ka daux meung yum ka daux pa yiien yawg heue.

1 SIMIANG 3:12

Aux tak tawx awm pa rawg maix, jhak heue, Aux hoik tawx rhawm pa naog mai pingnya cuyi ka maix, ang koe pui pa awm maix sivoe in tix kaux kawx mai ang lai koe pa awm maix khaix in tix kaux kawx heue.

1 SIMIANG 3:28

Pui Isarelax khankix mhong grawng pa prawng ca simiang, kix kied koe krax lhat graung kah, mawh kheu yaox kix koe pingnya cuyi Siyiex ka daux nawh, sonsang pon kwang nawh haktiex daux pa rahsee heue.

YAWBAX 9:28

aux lhat graung ka ceu pa kham geu tix khawmuik, aux tawng ka ang Maix Cao lai giex ti deuh aux awm pui pa ang koe phimap heue.

LIH HU 20:7

“Maix tak ang pon ti kok ceu kaux Siyiex maix giex going. Pui pa kok ka ceu kaux Siyiex giex going Siyiex tak ang deuh nawh mawh pa ang koe phimap.

LIH HU 22:27

Mawh kheu nawh koe prux pa lhop tix pheen ngie ka son tokaux tix, nawh tak sang lhop patix yam it tix lie? Yam riag yo nawh ka Aux, Aux tak mhong, kheu Aux koe krax pa caux rhawm.

LIH HU 22:28

“Maix tak ang pon ti ah lox pa ang cee ang cak ka Siyiex mai ang pon ti jhax lawg cao kaing piang pui ceu pex tix kaux kawx.”

SIMIN 32:23

Phan pex ang yuh nin, pex tak tawng ka hoik lud tix ka Simiang Siyiex mai phimap pex tak mawh pa hawt ka tokaux pex.