1 SIMIANG 2:6 - Wa Common Language Translation

⁶ Mawh kheu nan yuh awm pa koe pingnya cuyi maix mai paw kieh hauk kaing paing nawh, laig ka daux meung yum ka daux pa yiien yawg heue.

1 SIMIANG 2:6 Iomraidhean Croise

YAM JAH 42:38

Yakop ah nin, “Ang aux doh tawx kawn simex tix hu tau mai pex, kheu hoik yum puxke nawh mai kawn deuk nawh nong nong. Phan pa caox lih ti mawh ka nawh, daux krax hu pex, pex tak viex hauk kaing paing aux laig daux simeeig tau mai krax laux rhawm heue.”

YAM JAH 9:5

Aux tak ciyang ka pui pa pah ka ju pex mai tak ciyang ka totiag pa laux yuh ka ju pex mai ka puxaik pex pa pah ka ju puxaik tix heue.

YAM JAH 9:6

Pui mawx ang ah, phan nawh kieh nham kawn pui jauh, nham nawh kawx tak yaox ti jauh ka taix kawn pui heue. Mawh kheu Siyiex hoik yuh kawn pui awm grang pakpeung tix heue.

2 SAMOELAX 3:39

Viang aux mawh simiang pa hoik groi pex bee ka kawx, aux mawh pa iak riang ka daux singaix, pui inkix pa mawh kawn simex Zeruya mawh pa ting riang khaing aux, kieh Simiang Siyiex deeh plud ka kix awm yuh kix pa caox heue.”

1 SIMIANG 2:7

Viang mawh nan, jhi krax caux rhawm maix ka kawn simex Bazilie pui Gilat mai kieh kix ot sinax pui pa ih priex preem ka pheen sawm maix, mawh kheu hoek kix ti yuh bwanson ka aux, yam lih to aux ti luan khaing puxke maix Apsalom heue.

1 SIMIANG 2:9

Paw keud nawh awm pa ang koe phimap, mawh kheu mawh maix pui koe pingnya cuyi maix tawng ceu pa sang khaw maix ti yuh ka nawh, mawh kheu nan pah ka pui pa paing hauk kaing an laig daux meung yum tau mai nham nawh heue.”

1 SIMIANG 3:12

Aux tak tawx awm pa rawg maix, jhak heue, Aux hoik tawx rhawm pa naog mai pingnya cuyi ka maix, ang koe pui pa awm maix sivoe in tix kaux kawx mai ang lai koe pa awm maix khaix in tix kaux kawx heue.

2 SIMIANG 22:20

“Mawh kheu nan, Aux tak khrawm maix hu ka keeing maix khankix mai maix tak mawh pa khrawm ti ka simeeig mai ka daux pa nhim mai ngai maix tak ang yaox pa kha rhawm an khankix, ka pa sang viex Aux hoek ka piang dee in, ” Mawh kheu nan, gumlox an hoek ka simiang heue.

YAOGYAW 37:37

Keud ka pui pa hoik grum mhawm mai jhak ka pui pa rahsee awx mai pui an tak pon pa nhim, ju khaix tom sidah heue.

LOX KAB 20:26

Simiang pa koe pingnya, grheu ti tik ka pui caox khankix mai teei ling lawx mai gut heue.

LOX KAB 28:17

Pui pa plaux ju pui yum, kieh to hu ka daux simeeig, paw kieh pui mawx tiebtie tix kaux kawx.

SIDIEX 8:11

Grawh grawng nawh mawh kheu ang khran ciyang piang kaing pa caox caig an khankix phaiphai, rhawm kawn pui khankix hoik naog ka ceu pa sang simie ti yuh ka pa caox heue.

ISAYAX 48:22

Siyiex ah nin, “Pa nhim ang lai koe son pui caox caig heue.”

ISAYAX 57:2

Kix tak sang yaox ti laig ka daux krax pa nhim ka daux krax pa rahsee hu cao kix heue. Kix tak tang laux lee tix ka dah dee it pui mawx pui an heue.

ISAYAX 57:21

Siyiex aux ah nin, “Krax pa nhim ang lai koe son pa caox caig heue.”

ISAYAX 65:20

Kawn ngie peuex pa ang naog singaix tix, tak ang lai koe tan, pui kuad pa ang naog ju kawx tak ang lai koe heue. Grawh grawng nawh, pa yum yam koe ju tix tix yieh num, kawn sawn mawh kawn nyawm, pui phimap pa yum yam koe ju tix tix yieh num kawx, tak sawn mawh pa hoik kham krax pa jhax lawg tix heue.

SIMIN 35:33

Pex tak ang pon ti kieh haktiex ot tix seeing brai. Mawh kheu nham mawh pa kieh haktiex seeing brai, lheu khaing nham nawh pa deeh jah son an ang koe tix ceu kawx pa pon kieh haktiex singax.