1 SIMIANG 2:4 - Wa Common Language Translation

⁴ sonsang kieh Simiang Siyiex gumlox Nawh Cao grum naog awm pa hoik krai Nawh Cao ka grawng pa dex mai aux yuh nin, phan kawn praix maix chix yuh satix tix mai lawng ti hu plak sivoe Aux daux krax pa mawh pa meh khawm rhawm rhi mai khawm ju tix khawmuik, ru maix tak ang jud khaing dangngeung pui Isarelax khankix heue.

1 SIMIANG 2:4 Iomraidhean Croise

YAM JAH 17:1

Yam hoik koe ju Abram tixdim dim num Simiang Siyiex lih bleeh ka Abram ah nin, “Aux mawh Siyiex pa ting sibrawm, hu plak sivoe ngai Aux, daux pa grum naog awx.

YAM JAH 18:19

“Mawh kheu hoik tawng Aux nawh mai nawh tak sidiex gau ka kawn praix tix mai can pui pa koe daux nyiex ma nawh, khaix in sax heue, kix tak hawt grawng lawng khaix Simiang Siyiex mai yuh pa rahsee mai pa khaw caw heue. Awm gumlox Nawh Cao Nawh tak sang viex ceu inkix hoek ka Abraham heue.”

2 SAMOELAX 7:25

Simiang Siyiex eue, lox pa hoik krai Maix Cao grawng pa dex mai kawncau Maix Cao mai pa dex mai doeh nyiex ma nawh, kieh mawh pa kaux leeing ju awm pa hoik krai Maix Cao.”

1 SIMIANG 1:48

Mai simiang rawg bwan ah in, kieh Simiang Siyiex pui Isarelax koe bwanson, kheu hoik tawx Nawh pui tix kaux, sonsang ngawm ka piang dangngeung aux daux in singaix, glang kawn yaox ngai aux ka ceu an heue”

1 SIMIANG 11:36

Son kawn simex nawh, Aux tak tawx ceu pui tix ceu, sonsang riang kawk ngu kawncau Aux Davit jheung jheung, plak sivoe Aux ka veng Yerusaliem, pa mawh veng pa hoik laug Aux sonsang deuh ceu kaux tix tan heue.

1 SIMIANG 3:14

Phan maix lawng hu daux krax Aux mai priex ti hawt beenli Aux mai lox pingnyap Aux khankix, awm hoik lawng keeing maix Davit khaix Aux, Aux tak kieh singaix im ju maix lang heue.”

1 SIMIANG 3:3

Sawlamon moh ka Simiang Siyiex mai nawh hawt grawng lawng khaix beenli pa deuh keeing nawh Davit mhawm mhawm, lheu khaing an nawh appong krax tan mai gleeing nyawng bhawng ka dee pa lhaong heue.

1 SIMIANG 6:12

pa dex mai nyiex bwan sum maix in, phan maix hawt lox lai beenli Aux mai nghiet lox tat jhawm prawng Aux mai priex ka lox tawm pingnyap Aux mai hawt yuh ceu an khawmuik, Aux tak kieh gumlox pa hoik krai Aux ka keeing maix Davit kaux cong mai maix heue.

1 SIMIANG 8:23

ah nin, “Simiang Siyiex pui Isarelax eue, ka daux raoma long mai ka piang haktiex in greem raoma, Siyiex pa awm Maix ang lai koe tix kaux kawx mai pa priex rien lox sijax mukheu mai jhi krax pa caux rhawm tix ka kawncau Maix Cao pa hawt grawng lawng khaix Maix Cao khawm rhawm rhi tix ka plak sivoe Maix Cao heue.

1 SIMIANG 8:25

Simiang Siyiex pui Isarelax eue, yam in priex rien ka lox sijax mukheu pa hoik yuh Maix Cao ka kawncau tix keeing aux Davit mai pa hoik ah Maix Cao nin, “Phan kawn praix maix khankix chix yuh satix tix mai lawng hu plak sivoe Aux, awm lawng maix sivoe Aux, ru maix tak ang jud khaing ka piang dangngeung pui Isarelax khankix heue.”

1 SIMIANG 9:5

Aux tak kieh dangngeung haktiex maix ka piang pui Isarelax khankix kaux cong leeing ju, awm hoik yuh Aux lox mukheu mai keeing maix Davit, pa ah in, ru maix tak ang jud khaing ka piang dangngeung pui Isarelax khankix heue.

2 SIMIANG 20:3

“Siyiex eue, aux rawg bwan doh keud ka aux ka daux krax lawng aux ka plak sivoe ngai Maix Cao, ka daux pa khaw caw mai krax pa kaux sijax khawm rhawm tix mai aux hoik yuh can ceu pa hoik mhawm khankix ka daux ngai Maix Cao heue.” Hezakiyax yiiem sigrien sigre heue.

2 SIMIANG 23:25

Phao voe nawh ang lai koe simiang pa awm nawh tix kaux kawx, pa deeh veeh ti ing ka Siyiex tau mai khawm rhawm tix mai khawm ju tix mai riang rao tix khawmuik, awm lox tat jhawm prawng Mose khawmuik, khaix nawh pui pa lih ti kaoh awm nawh ang lai koe tix kaux kawx heue.

2 SIMIANG 23:3

Simiang cung hawt rong mai yuh sijax mukheu ka plak sivoe ngai Siyiex, sonsang hawt khaix Siyiex mai priex rien ka gumlox pingnyap Nawh Cao khankix mai beenli mai lox tawm jhawm prawng, tau mai khawm rhawm mai khawm ju nawh khawmuik, sonsang hawt yuh awm lox sijax mukheu pa hoik tiem ka phuk lai in mai pui khawmuik cung mai kham ka lox sijax mukheu in heue.

1 GRAWNG BEEN 28:9

Kawn simex aux Sawlamon eue, tawng ka Siyiex keeing maix awx mai yuh kaing jhaw Nawh Cao tau mai pa kaux sijax daux rhawm tix mai khawm rhawm pa grum naog tix heue. Mawh kheu Siyiex mawh cao pa sawg liem ka rhawm pui khawmuik mai tawng ka krax pa keud pui khawmuik heue. Phan maix sawg ti yaox Nawh Cao, Nawh Cao tak sang kieh maix yaox tix heue. Viang mawh nan, phan maix tik vud Nawh Cao, Nawh Cao tak tik maix leeing ju heue.

2 GRAWNG BEEN 17:3

Yam in Siyiex hoik ot tau mai Yehoshaphat, kheu hoik lawng nawh ka daux krax pa hoik lawng tax du nawh Davit phao voe nawh ang sawg ka siyiex Balax khankix;

2 GRAWNG BEEN 6:16

Mawh kheu nan, Siyiex pui Isarelax eue, yam in priex ka gumlox sijax mukheu pa hoik yuh Maix ka keeing aux Davit pa mawh kawncau Maix, pa ah nin, Maix tak ang pon tix koe pa cud cha, sonsang pon pui tix kaux, pa sang ngawm plak sivoe Aux piang dang ngeung meung Isarelax, phan kawn simex maix khankix chix yuh satix tix ka daux krax pa yuh cao kix mai lawng ti hu ka daux gumlox beenli Aux awm hoik lawng maix ti hu plak sivoe Aux heue.

2 GRAWNG BEEN 7:18

mai Aux tak pang ti deuh dang ngeung meung haktiex maix kaux cong awm yuh Aux sijax mukheu tau mai keeing maix Davit ka daux pa ah Aux nin maix tak ang cud ang cha tix bawg kawx ka pui pa kwang ka daux meung Isarelax heue.

YAOGYAW 119:9

Pui pa awn ju khankix, chix priex krax hu tix yuh ka mawh, yuh satix kheu gumlox Nawh Cao heue.

YAOGYAW 37:22

Can pui pa pon bwanson Nawh Cao khankix, tak pon sinngao ka daux meung Nawh Cao, can pui pa jhax lawg Nawh Cao khankix, tak hoek krax pa tik vud Nawh heue.

YAOGYAW 37:9

Pui pa lud khankix, tak sang yaox ti kham ka pa tik pa vud heue. Pui pa krox jun ka Siyiex khankix, tak pon sin meung Nawh Cao heue.

YAOGYAW 39:1

Aux ah nin, aux yuh satix mai priex rhawm ka dak tix son ang lai lud, yam ot pui pa ang rahsee sivoe ngai aux mai aux thox jheeh tix ang ah lox tidtix heue.

YERAMIX 33:17

Grawh grawng nawh, Simiang Siyiex ah nin, doeh ru Davit pa sang ngawm piang dang ngeung nyiex ma ceu pui Isarelax tak ang chix jud jai,

KRUB 26:3

Phan pex hawt grawng lawng khaix beenli Aux mai priex ti hawt gumlox pingnyap Aux khankix mai hawt ti yuh,

ZAKHARIX 14:2

Grawh grawng nawh, aux tak sang kraix khrawm ceu pui khankix khawmuik hoek ti puing naing ka veng Yerusaliem, veng tak sang mawh pa pon teei tix, nyiex khankix hoik tud rhim tix mai bun khankix hoik kham krax pa phit vao, pui veng tix plak tak sang yaox ti kham krax pa giex tix hu heue. Pui pa kawn deuk khankix, tak ang lai tat tix khaing daux veng heue.

MATHIEX 22:37

Nawh Cao ah nin ka nawh, “Maix tak moh Siyiex maix khawm rhawm tix khawmuik mai khawm ju tix mai khawm pa chix keud chix tawng tix khawmuik heue.

LUKAX 1:6

Kiex khawm ra mawh pa rahsee sivoe Siyiex mai hawt lox tawm pinyap cie Siyiex khawmuik ang lai koe dee lud loe heue.

PINGNYAP 10:12

“Pui Isarelax khankix eue, yam in pa mhaing Simiang Siyiex pex yuh mawh ceu patix lie? ceu an khankix mawh pa lhat graung pex ka Simiang Siyiex pex mai sonsang hawt pex ti hu ka daux krax Nawh Cao khankix mai sonsang moh pex ka Nawh Cao mai sonsang yuh pex kaing jhaw Nawh, khawm rhawm tix mai khawm ju tix khawmuik.

PINGNYAP 11:13

Phan pex jawk tix nghiet ka lox pingnyap pa tawm aux ka pex daux in singaix, moh ka Simiang Siyiex pex mai yuh kaing jhaw Nawh Cao khawm rhawm tix mai khawm ju tix khawmuik,

PINGNYAP 6:5

maix tak moh ka Simiang Siyiex maix khawm rhawm tix tau mai khawm ju tix mai khawm riang rao tix khawmuik.

PINGNYAP 7:12

Mawh kheu jao nghiet maix lox tat jhawm prawng in khankix mai priex rien mai hawt yuh ka an, Simiang Siyiex, Siyiex pex tak yuh sijax mukheu mai krax moh krax rhawm tix ka pex, ka pa hoik tiextu Nawh ka keeing pex khankix,

YUDAX 1:24

Yam in ka kaw pa chix pau pex, son ang pex sang sideeing caong tix mai sonsang deuh pex mawh pa loig pa ang koe dee cha, daux pa kied gaux rhawm sivoe min pakngai Nawh Cao,