1 SIMIANG 2:3 - Wa Common Language Translation

³ Mai priex ti hawt lox tawm jhawm krai Simiang Siyiex maix mai lawng hu daux krax Nawh Cao mai priex ti hawt lox lai beenli pa deuh Nawh Cao mai gumlox pingnyap Nawh Cao mai lox tat jhawm prawng Nawh Cao mai mhai ruk Nawh Cao, awm pa tiiem ti deuh ka daux gumlox been Mose, sonsang haok hwan ting lhaong maix ka daux ceu pa yuh tix khawmuik mai ka can dee hu maix,

1 SIMIANG 2:3 Iomraidhean Croise

2 SAMOELAX 8:14

Nawh hoik deuh cub lien pa pau veng ka haktiex Edom khawmuik, pui Edom hoik mawh siliex cawng Davit khawmuik mai Simiang Siyiex hoik priex jhung Davit, ka can dee hu nawh.

2 SAMOELAX 8:6

Khaix an Davit deuh cub lien pau veng ot ka daux veng Damase, pa koe daux haktiex Shurix tan mai pui Shurix deeh mawh siliex cawng Davit mai yaox ti tawx keun ka nawh, Simiang Siyiex priex jhung Davit ka can dee hu nawh.

1 SIMIANG 3:3

Sawlamon moh ka Simiang Siyiex mai nawh hawt grawng lawng khaix beenli pa deuh keeing nawh Davit mhawm mhawm, lheu khaing an nawh appong krax tan mai gleeing nyawng bhawng ka dee pa lhaong heue.

2 SIMIANG 18:7

Siyiex ot tau mai nawh, nawh haok huan ka can dee pa hu nawh kudauh heue. Nawh tieh feen ka simiang Asurix mai ang cu ti yuh kaing jhaw nawh heue.

1 GRAWNG BEEN 29:19

“Tawx rhawm kaux sijax ka kawn simex aux Sawlamon, sonsang hawt nawh gumlox tawm pingnyap Maix Cao mai khawm krax pa kham sakse Maix Cao mai lox lai beenli Maix Cao khankix, sonsang pon yuh nawh ceu inkix khawmuik mai sonsang pon sum nyiex bwan can pa hoik khre rien aux ti deuh khankix heue.”

YAOGYAW 119:111

Aux rieb ti teei ka pa kham Maix ti deuh mhai sakse khankix, mawh son sin tokaux aux jheung jheung mai ceu ankix kieh rhawm aux gaux rhawm heue.

YAOGYAW 119:138

Sakse pa kham Maix ti deuh khankix, mawh pa khaw mai beenli pa rahsee mai pa kaux sijax tom nie heue.

YAOGYAW 119:2

Can pui pa priex ka sakse pa kham Nawh khankix mai pui pa viex khawm rhawm tix mai sawg ka Nawh, koe bwanson heue.

YAOGYAW 19:7

Beenli Siyiex mawh pa grum naog mai chix cox rhawm rhi ju ex heue. Mhai sakse pa kham Siyiex mawh pa mawh meh mai chix kieh pui pa ang koe pingnya deeh koe pingnya heue.

SIDIEX 12:13

Gumlox ghoik mawh yuh nin; lhat graung ka Siyiex mai priex tix hawt ka gumlox tawm pingnyap Nawh Cao khankix, mawh kheu in mawh beeh glawm kawn pui khawmuik heue.

KRUB 8:35

Maix tak ot ka diang siviex nyiex gox bwan man bang kum aliah singaix ku singaix mai yuh kaing jhaw pa tawx Siyiex, son ang maix sang yum awm gumlox pa hoik tawm ka aux yuh nin.”

MALAKHIX 4:4

“Deeh doh keud ka gumlox beenli Mose pa mawh kawncau Aux, ka gumlox tat jhawm prawng pa hoik tawm Aux ka nawh daux baoh Hawrap son ceu pui Isarelax khankix heue.

PINGNYAP 29:8

Ex hoik teei haktiex kix mai hoik tawx ka ceu pui Rubin mai ceu pui Gat mai ceu pui Manashe tix plak mawh sinngao son kix.

PINGNYAP 29:9

Mawh kheu nan, priex ti hawt gumlox sijax mukheu in khankix mai hawt ti yuh, sonsang pon pex tix haok hwan ka daux krax pa sang yuh pex kuceu.

PINGNYAP 4:1

“Yam in pui Isarelax eue, nghiet ka lox lai beenli mai lox tat jhawm prawng pa gau aux pex yuh khankix, sonsang im ju pex mai hu laig teei ti cie haktiex pa tawx Simiang Siyiex keeing pex ka pex.

PINGNYAP 4:45

in khankix mawh lox kham sakse, ka lox lai beenli mai lox tat jhawm prawng, pa hoik krai Mose ka kawn praix Isarelax yam lih kix khaing meung Ejiptux,

PINGNYAP 4:5

Aux hoik gau pex ka lox lai beenli mai lox tat jhawm prawng awm pa hoik tawm Simiang Siyiex aux ka aux, sonsang hawt yuh pex awm an ka daux haktiex pa teei pex ti cie.

PINGNYAP 4:8

Mawh ceu pui pa ting haoh hun mawx pa koe lox lai beenli mai lox tat jhawm prawng pa rahsee khankix, awm koe lox tat jhawm prawng pa deuh Aux ka sivoe pex daux in singaix lie?

PINGNYAP 5:1

Mose kok ka pui Isarelax khankix ah nin, “Pui Isarelax khankix nghiet heue, lox lai beenli mai lox tat jhawm prawng pa sang krai aux pex mhong daux in singaix, pex tak gau tix ka mai yuh satix ka yuh tix an khankix.

YAWSUX 22:5

Rien rhawm tix cu nghiet ka gumlox pingnyap mai been pa hoik tawx Mose, pa mawh kawncau Siyiex leeing ju ka pex mai sonsang moh pex ka Siyiex leeing ju tix mai sonsang hawt pex daux krax pa jhi Nawh Cao mai sonsang priex pex ti hawt gumlox tawm pingnyap Nawh Cao khankix mai sonsang giex pex ti priex Nawh Cao tom kaux cong mai yuh kaing Nawh Cao tau mai khawm rhawm tix mai khawm ju tix khawmuik heue.

YAWSUX 23:6

Mawh kheu nan, priex rhawm tix mai kieh koe rhawm kwa mai yuh ceu ankix khawmuik, pa hoik tiiem tix ka daux phuk lai beenli Mose awx. Phan ang mawh nan, aux lhat pex veeh rhawm tix hu khaing ceu ankix, ka plak khawn dawm mai khawn gwiex,

1 SAMOELAX 18:14

Mai kaing jhaw yuh Davit haok hwan ting lhaong khawmuik, kheu Simiang Siyiex ot tau mai nawh.

1 SAMOELAX 18:30

Cub cao kaing pui Philitix khankix lih hu puing naing, yam lih hu kix daux naing yam mawx ang ah, Davit nie lheu haok hwan kaing jhaw yuh khaing kawncau Sawlux khankix mai ceu kaux Davit kied ao min tete heue.

1 SAMOELAX 18:5

Mai Davit hoik lih hu yuh kaing jhaw haok hwan ka dee ploi Sawlux nawh hu dee mawx ang ah, mai Sawlux deuh nawh mawh cao kaing naing piang pui khankix mai in mawh pa khaw ka plak sivoe ngai pui mai ka plak sivoe ngai kawncau Sawlux khankix.