1 SIMIANG 2:10 - Wa Common Language Translation

¹⁰ Simiang Davit laig it tau mai keeing tix mai sipaung nawh ka daux veng Davit heue.

1 SIMIANG 2:10 Iomraidhean Croise

2 SAMOELAX 5:7

Viang mawh nan Davit pon rhim ti teei tab dee pa kaux pa cong kix Zion pa mawh veng Davit.

2 SAMOELAX 5:9

Davit ot ka dee pa kaux pa cong mai kix kok dee an mawh veng Davit, khaix an Davit deeh cox sum hawt vung viang Milaw, khawm plak daux khawmuik.

2 SAMOELAX 7:12

Yam hoik naog singaix ju maix, maix tak yaox ti laux lee tix tau mai cub keeing maix, Aux tak yaog ti deuh doeh ru pa lih khaing cao maix mai Aux tak kieh meung haktiex nawh kaux cong.

1 SIMIANG 1:21

Phan ang mawh nan, khaix hoik laig it simiang tau mai keeing tix, kawn simex aux Sawlamon mai khawm tokaux aux tak sawn mawh pui pa lud heue.”

1 SIMIANG 11:21

Yam mhong Hadat ka yum Davit tau mai keeing nawh mai yam hoik yum Yuabax cao kaing naing ting pui Isarelax, yam ot kix ka daux meung Ejiptux, Hadat ah nin ka Pharaw, “Kieh aux lih sonsang ing aux ka haktiex tix heue.”

1 SIMIANG 11:43

Sawlamon hoik laux lee tix tau mai keeing tix khankix mai kix sipaung nawh ka daux veng keeing nawh Davit, mai Rehobom kawn simex nawh deeh plud ti kwang khaix nawh heue.

1 SIMIANG 14:31

Rehobom laux lee ti tau mai keeing ti mai sipaung tau mai keeing nawh Davit, ceu kaux miex nawh mawh Nema pui Amawrix, Abiyax kawn simex nawh deeh plud khaix nawh heue.

1 SIMIANG 15:24

Asa laux lee tix mai keeing nawh khankix mai sipaung nawh tau mai keeing nawh khankix ka daux veng keeing nawh Davit mai Yehoshaphat kawn simex nawh deeh plud ti kwang khaix nawh heue.

1 SIMIANG 15:8

Mai Abijam laux lee ti tau mai keeing tix khankix mai sipaung ka veng Davit, khaix an Asa kawn simex nawh dee plud khaix nawh heue.

1 SIMIANG 22:51

Yam kwang Yehoshaphat simiang meung Yudax ka haktiex kao aliah num tix num, Ahazix kawn simex Ahap jah tix kwang ka pui Isarelax daux veng Samarix ra num,

1 SIMIANG 3:1

Sawlamon yuh paox pie tau mai Pharaw meung Ejiptux mai nawh teei ti moeng kawn sibun Pharaw, khaix an nawh viex sibun an ing ka veng Davit mai kiex ot tan tom hoik sum nawh nyiex haw tokaux tix mai nyiex bwan Simiang Siyiex mai guh veng vung viang veng Yerusaliem heue.

1 SIMIANG 8:1

Simiang Sawlamon khrawm kwad riex ju pui Isarelax mai cub cao kaing ru ceu pui khawmuik mai cao kaing keeing nyiex ma pui Isarelax khankix hoek ka tix, ka daux veng Yerusaliem sonsang viex teug bwan sijax mukheu Simiang Siyiex khaing veng Davit pa mawh Zion tan heue.

2 SIMIANG 14:20

Khaix an, kix viex nawh ing ka piang brung mai sipaung nawh ka daux veng Yerusaliem tau mai keeing nawh khankix ka daux veng Davit heue.

2 SIMIANG 15:38

Mawh kheu nan, Yotham hoik laux lee tix tau mai keeing nawh mai sipaung tau mai cub keeing nawh khankix ka daux veng keeing nawh Davit heue. Khaix an, kawn simex nawh Ahaza deeh plud ka dah dee ot nawh heue.

2 SIMIANG 16:20

Khaix an, Ahaza laux lee tix tau mai keeing nawh mai sipaung tau mai keeing nawh ka daux veng Davit heue. Khaix an, kawn simex nawh Hezakiyax hoik plud ti kwang haktiex ka dah dee ot nawh heue.

2 SIMIANG 8:24

Yoram laux lee tix tau mai keeing nawh mai sipaung tau mai keeing nawh ka daux veng Davit, khaix an, kawn simex nawh Ahaziyax hoik deeh plud ti kwang khaix dee ot nawh heue.

2 SIMIANG 9:28

Kawncau nawh khankix tang nawh daux ling lawx naing brung ing ka veng Yerusaliem mai sipaung nawh ka daux simeeig keeing nawh ka daux veng Davit heue.

1 GRAWNG BEEN 11:7

Khaix an, Davit ot ka daux nyiex tab pa kaux cong an, mawh kheu nan, kix kok dee an mawh veng Davit heue.

1 GRAWNG BEEN 29:28

Mawh kheu nan, nawh hoik yum yam kawn mhawm riex ju tix tau mai pa naog singaix sawm khankix, tau mai khawm pa magmi tix mai pa koe min sibrawm tix heue. kawn simex nawh Sawlamon deeh plud ti kwang haktiex ka dah dee ot nawh heue.

2 GRAWNG BEEN 24:16

kix sipaung nawh ka daux veng Davit daux sinax cub simiang khankix, grawh grawng nawh, nawh hoik yuh ceu pa mhawm ka daux sinax ceu pui Isarelax khankix, ka plak sivoe Siyiex mai nyiex bwan Nawh Cao heue.

2 GRAWNG BEEN 9:31

Khaix an, simiang Sawlamon laux lee tix taux mai keeing nawh khankix mai kix sipaung nawh ka aux veng keeing nawh simiang Davit heue. kawn simex nawh Rehobom deeh plud ti kwang haktiex ka dee ot nawh heue.

KAWNCAU 13:36

Kheu khaix hoik hawt yuh Davit alo Siyiex ka daux bawg yam ju tix, nawh laig it mai deuh nawh tau mai tax du nawh khankix mai nawh yaox krax cux sium heue.

KAWNCAU 2:29

“Puxaik khankix eue, aux pon ti krai grawng tax ex Davit ka pex mhawm mhawm, grawng hoik yum hoik sipaung nawh mai simeeig nawh koe tau mai ex tom yam in heue.