1 SIMIANG 19:3 - Wa Common Language Translation

³ Yam mhong nawh ka lox an nawh kied lhat mai to sonsang klawd ju tix mai hoek ka veng Berashebax meung Yudax mai nawh prah kawncau tix tan heue.

1 SIMIANG 19:3 Iomraidhean Croise

YAM JAH 21:14

Mawh kheu nan, Abraham kaoh caocao ponngawb teei blah mai singiien hak rawm mai feuk piang klip Hagarax heue. Nawh ap kawn nyawm an ka nawh mai ploi kiex hu dee singai, khaix an nawh lih hu mai vung viang baoh daux tiag Berashabax heue.

YAM JAH 21:31

Mawh kheu nan nawh kok dee an mawh Berashebax, grawh grawng nawh, kiex ra kaux hoik tiextu ka paox tix heue.

1 SIMIANG 4:25

Pui Yudax mai pui Isarelax yaox ti ot yiien yawg ka greem veei nhu plix siiet mai greem veei khaox ruh tix, jah ka veng Dan, tom hoek ka veng Berashebax, glang bawg yam kwang nawh haktiex heue.

LIH HU 2:15

Yam mhong Pharaw ka grawng in, nawh sawg ti pah Mose, mawh kheu nan, Mose to khaing Pharaw mai hu ot ka daux haktiex Midian, mai ngawm dex rawm daux.

YERAMIX 20:9

Khaix an aux keud yuh nin, Aux tak ang lai krai grawng Nawh Cao mai ang lai sikah grawng min ceu kaux Nawh Cao lheu pie tix bawg kawx heue.” Gumlox Nawh Cao pa koe ka daux rhawm aux, hoik rup awm ngu mai hoik si eet ka daux si-ang aux khankix, aux hoik kied taug kied awn riang tom ang lai pon kut pon gun ka an heue.

MATHIEX 26:56

Viang mawh nan, ceu in khawmuik hoik lih mawh, sonsang naog lox phuk lai sigang khri cao jhai khankix heue.” Yam an kawncau khankix khawmuik prah Nawh Cao mai to hu heue.

2 KAWRINTHUX 12:7

Kheu jao pa kied lang teung ting ceu pa plak jhi kieh yaox khankix, son ang aux sang chax nie luan yaog tokaux tix ting, hoik tawx kat lawm ka daux nex aux tix mu, pa mawh kawncau Satan, ti sang klah sang tap ka aux, son ang aux sang chax nie luan yaog tokaux tix ting heue.

1 SAMOELAX 27:1

Mai Davit ah nin daux rhawm tix, “tix ngaix sax aux tee laux leeing daux taix Sawlux, pa nie lheu mhawm ka son aux ang lai koe, lheu khaing to aux ti luad luan daux haktiex pui Philitix, phan yuh nan, Sawlux tak ang lai koe rhawm tix sang deeh sawg aux daux haktiex pui Isarelax mai aux tak pon ti luad luan khaing daux taix nawh.”

1 SAMOELAX 8:2

Ceu kaux kawn Ai nawh mawh Yawlax mai ceu kaux kawn Nyi mawh Abiyax, kiex khawm ra mawh cao pa prawng see ka veng Berashibax.