1 SIMIANG 18:3 - Wa Common Language Translation

³ Ahap kok ka Obadix cao kaing pa kwang ka daux nyiex haw heue. Obadix mawh pui pa kied lhat kied graung ka Simiang Siyiex heue.

1 SIMIANG 18:3 Iomraidhean Croise

YAM JAH 22:12

Nawh cao ah nin, “Maix paw teeh ka kawn maix mai paw yuh tix ceu kawx ka nawh, grawh grawng nawh, yam in Aux hoik tawng lhat maix ka Siyiex mai Aux hoik yaox ang maix thiang pa mhaing Aux kawn simex maix tix kaux son Aux heue.”

YAM JAH 24:10

Mawh kheu koe kraung kuceu daux tawm taix kawncau Abraham, nawh teei kala-uk kao mu mai lih hu mai nawh kaoh hu ka meung Mesopotimia mai hoek ka veng Nakhaw heue.

YAM JAH 24:2

Mawh kheu nan Abraham kok ka kawncau pa riex ju daux nyiex, pa kwang ka can pa koe nawh khawmuik ah nin, “Deuh taix maix greem ba aux,

YAM JAH 39:9

“Pui lheu ting khaing aux daux nyiex in ang koe tix kaux kawx, lheu khaing maix pa ang nawh ap ka aux ang koe tix ceu kawx, mawh kheu mawh maix moeng cao simiang aux, aux lai sang pon yuh pa caox caig ting ceu in mai lud ka Siyiex yuh ka mawh?”

YAM JAH 41:40

“Maix tak kwang piang nyiex haw aux mai pui haktiex aux khawmuik, tak yuh awm gumlox pa tawm maix khankix, mawh ngie ting aux khaing maix, piang dang ngeung tix heue.”

YAM JAH 42:18

Khaix hoik naog loe singaix, Yosiep ah nin ka kix, “Yuh awm in sonsang im ju pex, kheu mawh aux pui lhat graung ka Siyiex,

1 SIMIANG 16:9

Kawncau nawh Zimarix pa mawh cao kaing ting pa kwang ling lawx naing brung nawh tix plak, keud ti deeh tieh feen ka nawh yam ot nawh ka daux veng Tiraza mai yam nyaux nawh tom yoek tix daux nyiex Aza, cao pa kwang ka daux nyiex haw daux veng Tiraza,

1 SIMIANG 18:12

Yam hoik hu aux khaing maix phan khwan Simiang Siyiex viex maix hu ka dee ang aux tawng, yam hu krai aux ka Ahap, mai phan ang yaox ka maix nawh tak pah ka aux, mawh kheu aux kawncau maix hoik dawg lhat ka Simiang Siyiex tom yam iak tix heue.

1 SIMIANG 18:2

Mawh kheu nan, Eliyax hu jhi tokaux tix ka Ahap heue. Yam in sibhawm praix pa kied kin sigrien ka daux veng Samarix heue.

2 SIMIANG 4:1

Bun tix kaux pa mawh moeng kawn simex cao jhai khankix yiiem ka Elishie ah nin, “Mex aux kawncau mau soi maix hoik yum mai maix tawng ka lhat graung kawncau maix ka Siyiex mai cao pa tawx ceuk hoek ti teei kawn simex aux ra kaux, sonsang mawh siliex tix heue.”

NEHAMIX 5:15

Viang mawh nan cao pa kwang veng sivoe aux khankix, hoik deuh beeh pa cien piang pui khankix mai teei ti ih blah mai rawm plix siiet mai mau tix ngaix tixpon shekhe khaing kix, pie kawncau kix kawx, hoik yuh krax kwang pa lang teung piang pui khankix, viang mawh nan, aux ang lai yuh awm an kheu lhat graung tix ka Siyiex heue.

NEHAMIX 7:2

mai aux dee tawx veng Yerusaliem ka pux aux Hananix mai Hanan pa mawh cao kaing nyiex pau dee lhaong, kheu hoik mawh nawh pui pa kaux sijax tix kaux mai pa lhat ka Siyiex lheu khaing pui hun heue.

YAWBAX 28:28

Nawh Cao ah nin ka kawn pui, jhak heue, krax lhat graung ka Siyiex mawh pingnya mai pa via khaing pa caox caig mawh krax tawng yung heue.

YAOGYAW 112:1

Pui pa lhat graung ka Siyiex mai pa gaux rhawm ka lox tawm beenli Nawh khankix, koe bwanson heue.

LOX KAB 14:26

Krax pa lhat graung ka Siyiex, mawh riang rao dee deuh rhawm pa kaux, kawn simex nawh khankix, tak pon dee laux dee deuh rhawm heue.

MALAKHIX 3:16

Yam an pui ankix pa hoik koe krax lhat graung ka Siyiex hoik ra lai krai lox ka paox tix, tix kaux lai tix kaux mai Siyiex hoik nghiet lox ankix heue. Koe phuk lai pa hoik tiiem ti deuh ka plak sivoe Nawh Cao, son pui ankix, pa koe krax lhat graung ka Siyiex mai pui pa koe krax doh keud ka ceu kaux Nawh Cao heue.

MATHIEX 10:28

Paw lhat ka kix pa chix teei tokaux yum mai ang chix teei ju yum. Viang mawh kawx nan, lhat ka kaw pa chix yuh laux ka ju khawm tokaux ka daux mawnarhok heue.

MATHIEX 25:17

Awm an, kaw pa hoik pon ra talantan kawx, hu mai baox pon rao ra talantan heue.

KAWNCAU 10:2

Nawh mawh pui pa chix nab yam. Mai pa chix lhat ka Siyiex mai khawm pui daux nyiex nawh khawmuik kawx awm an. Nawh mawh pa sax yuh bwanson tan tom nie, ka pui khankix mai rawg bwan ka Siyiex jheung jheung heue.

KAWNCAU 10:35

Ka daux pui kuceu, pui pa chix lhat graung ka Nawh mai pa yuh pa rahsee, Nawh sang rieb ti teei heue.