1 SIMIANG 18:1 - Wa Common Language Translation

¹ Khaix hoik rheeng singaix bawg yam, gumlox Simiang Siyiex deeh hoek ka Eliyax yam naog loe num tix num ah nin, “Hu mai jhi tokaux maix ka Ahap, mai Aux tak kieh lhiex lih ka piang haktiex heue.”

1 SIMIANG 18:1 Iomraidhean Croise

1 SIMIANG 17:1

Eliyax pui veng Tishabix pa ot meung Gilat ah nin ka Ahap, “Awm im ju Simiang Siyiex, Siyiex pui Isarelax pa krub aux kah, phan ang mawh khaing gumlox Aux, rawm ciex mai rawm lhiex tak ang koe ka daux num in heue.”

1 SIMIANG 17:15

Bun an hu yuh awm pa krai Eliyax, bun an mai khawm kawn nyiex nawh khankix, yaox ti ih tom rheeng singaix heue.

1 SIMIANG 17:7

Khaix an, rawm klawng iak an hit, jao ang lhiex lai lih ka daux haktiex an heue.

1 SIMIANG 18:2

Mawh kheu nan, Eliyax hu jhi tokaux tix ka Ahap heue. Yam in sibhawm praix pa kied kin sigrien ka daux veng Samarix heue.

1 SIMIANG 8:36

Maix Cao nghiet khaing daux raoma mai pluat ploi phimap kawncau Maix pui Isarelax mai sonsang lawng hu kix daux krax pa mhawm, mai deeh kieh lhiex lih ka piang haktiex, pa hoik tawx ka ceu pui Maix pa mawh sinngao pa pon kix heue.

ISAYAX 5:6

Aux tak deuh nawh mawh daux tiagtu; tak ang lai paog lai kaong, viang mawh nan, pang yeem mai pang kat khankix tak deeh kuah daux an heue. Aux tak baox deeh tawx gumlox ka paiawm khankix, sonsang ang kix lai ploi rawm lih ka piang an heue.

YERAMIX 10:13

Yam ploi Nawh Cao lox tix lih, rawm pa kied haoh hun lih ti koe ka daux raoma, Nawh kieh rawm simawg khankix lih tah tom sidah sidu haktiex heue. Nawh Cao phan pluk plak praix koe son rawm lhiex heue, Nawh Cao viex bhaung lih khaing daux nyiex krao sinngao Nawh khankix heue.

YERAMIX 14:22

Mawh koe siyiex riang grang pa krub pui tang ceu tix kaux kaux pa pon kieh lhiex lih lie? Phan ang mawh nan, mawh sang pon tang tawx raoma khankix lhiex lih lie? Siyiex pa mawh Siyiex ex eue, ang mawh Maix Cao pa pon yuh inkix khaing lie? Mawh kheu nan, yix sang krox jun ka Maix Cao, mawh kheu Maix Cao hoik phan ka ceu in khawmuik heue.

YOLAX 2:23

Pui veng Zion khankix eue, kieh pex koe krax nyawm rhawm mai gaux rhawm ka daux Siyiex pa mawh Siyiex pex, kheu Nawh Cao hoik tawx rawm lhiex cao ka pex ka daux krax pa rahsee tix mai Nawh tak sang kieh rawm lhiex lih ka son pex, pa mawh rawm lhiex cao mai rawm lhiex lha awm phao voe heue.

KRUB 26:4

Aux tak tawx rawm lhiex ka pex, bawg yam mawx bawg yam an, haktiex tak sang tawx plix tix mai khaox pa koe daux kaung khankix tak lih tix koe plix.

AMOT 4:7

Aux tak sang tieb tie rawm lhiex khaing pex, yam kawn koe loe khix sivoe ang bawg yam vawg nghox nyang hoek heue. Aux hoik kieh rawm lhiex lih ka piang veng tix veng mai Aux hoik tieb tie rawm lhiex khaing veng an tang veng haktiex an tix dah, mawh pa pon lih rawm lhiex ka piang mai ka haktiex an tang dah mawh pa ang lhiex lih mai ka piang an mawh pa kroh heue.

LUKAX 4:25

Viang mawh nan Aux krai lox pa mawh meh ka pex, daux ju bawg yam singaix Eliyax, koe miexmai tom nie ka daux Isarelax, yam nyeep raoma loe num mai liah khix mai yam kin sibhawm praix khawmuik.

PINGNYAP 28:12

Simiang Siyiex tak paoh krao raoma khaing dee priex Nawh Cao kraung khrai ceu pa mhawm, sonsang tawx Nawh Cao rawm lhiex lih ka piang tiex maix, ka daux bawg yam praix klawng an khankix mai nawb bwan piang kaing jhaw pa yuh maix ka taix tix. Maix tak pon ti tawx ceuk rom ka ceu pui tom nie, viang mawh nan maix tak ang pon ti ceuk ka kix.

YAKOP 5:17

Eliyax viang nawh mawh kawn pui pa koe krax keud awm ex kawx, nawh rawg bwan, son ang lhiex sang lih mai lhiex ang lai lih son loe num mai liah khix heue.

PLAK JHI 11:2

Viang mawh nan brawk pa koe plak praix nyiex bwan, grham kah, mai paw tiag heue. Grawh grawng nawh hoik tawx nawh ka pui tang ceu mai kix tak dig veng pa singax singeh greem caong tix tixpon ra khix heue.”

PLAK JHI 11:6

In kiex koe sibrawm ti nyeep ka raoma son ang lhiex sang lih ka daux been glang singaix yam krai kiex lox jhai heue. Kiex koe sibrawm ka piang rawm khankix ti sang loh tix kieh kix mawh nham mai sonsang kieh preng kuceu hoek ka haktiex awm pa simie kiex miex bawg ang ah heue.