1 SIMIANG 16:2 - Wa Common Language Translation

² “Aux yaog maix lih khaing daux phawng tiex mai kieh maix kwang ka piang pui Aux Isarelax khankix mai hoik lawng daux krax pa hu Yerobom mai kieh pui Aux Isarelax lud mai so Aux song rhawm ka phimap kix heue.

1 SIMIANG 16:2 Iomraidhean Croise

1 SIMIANG 15:34

Nawh yuh pa caox caig ka plak sivoe ngai Simiang Siyiex mai lawng daux krax pa hu Yerobom mai daux phimap pa yuh nawh pa kieh pui Isarelax yuh phimap heue.

1 SIMIANG 14:7

Hu kraix Yerobom mhong, Simiang Siyiex, Siyiex pui Isarelax ah in, mawh kheu Aux hoik yaog maix lhaong khaing daux sinax pui khankix mai kieh maix mawh cao kwang ka piang pui Aux Isarelax,

1 SAMOELAX 2:8

Nawh Cao yaog pui hot khaing phawng tiex mai yaog pui caung khaing pum nyhee mai kieh ngawm tau mai cao Simiang mai pon dee ngawm dangngeung pa koe min mawh sinngao tix. Mawh kheu rong haktiex mawh cie Siyiex mai Nawh deuh haktiex piang an.

LUKAX 1:52

Nawh hoik khlut laux simiang khaing dang ngeung dee ngawm kix mai hoik yaog pa tiem kieh lhaong heue.

MATHIEX 5:19

Mawh kheu nan pui mawx ang ah phan nawh lheu gumlox tawm ceu in pa iak khaing paox tix mai gau pui tang kaux yuh nan, tak kok mawh pa nie iak khaing paox tix ka daux meung raoma. Viang mawh nan, pui mawx ang ah phan nawh hawt yuh mai gau pui tang kaux yuh, tak sang kok nawh mawh pa ting ka daux Meung Raoma.

1 SIMIANG 15:26

Mai nawh yuh pa caox caig ka plak sivoe ngai Siyiex mai lawng krax hu keeing nawh mai ka daux phimap pa kieh pui Isarelax yuh phimap heue.

1 SIMIANG 14:16

Mai Nawh Cao tak tik vud ka pui Isarelax, kheu phimap Yerobom pa yuh nawh phimap mai kieh pui Isarelax lud.

1 SAMOELAX 26:19

Yam in yuh bwanson kieh cao simiang aux nghiet lox kawncau maix, phan mawh Simiang Siyiex pa hoik so rhawm maix yuh nin ka aux, kieh Nawh Cao rieb krax tan pa yuh kawn pui, phan ang mawh nan, phan mawh kawn pui pa so rhawm maix yuh nin ka aux kieh kix pon pa jhax lawg ka plak sivoe Simiang Siyiex, mawh kheu kix hoik grheu aux hu daux in singaix khaing pa sang pon aux sinngao haktiex cie Simiang Siyiex ah nin ka aux, hu yuh kaing jhaw Siyiex tang kaux khankix.

1 SAMOELAX 2:24

Kawn simex aux eue, ang mawh, pa mhong aux grawng kieh pui hun Simiang Siyiex lud ang lai mawh pa mhawm.

LIH HU 32:21

Mose ah nin ka Arun, “Pui inkix yuh patix ka maix kieh maix viex phimap pa ting hoek ka piang kix yuh ka mawx?”

YERAMIX 7:18

Kawn nyawm khankix kraix khix mai keeing mawh cao sau ngu mai bun khankix klu klao phawng nghox ca, sonsang yuh khlawp blah son laux simiang raoma mai kix rawg tix tawx krax tan pa nyaux khankix ka siyiex tang kaux tang hak, sonsang so ti kieh Aux song rhawm ka heue.”