1 SIMIANG 10:4 - Wa Common Language Translation

⁴ Yam yaox laux simiang Shebax ka pingnya cuyi pa koe Sawlamon mai ka nyiex haw pa hoik sum nawh,

1 SIMIANG 10:4 Iomraidhean Croise

1 SIMIANG 10:3

Sawlamon deeh pawk pa chawk nawh khankix, can pa ang Sawlamon pon pawk ang koe tix ceu kawx heue.

1 SIMIANG 10:5

mai pa ih pa koe ka piang pheen sawm nawh khankix mai dee ngawm cao giex kaing mai kawncau pa khan kheu nawh mai kraung ceep kix mai pa giex kawk nyaux nawh mai krax pa khre nawh krax tan pa gleeing tix, ka daux nyiex Simiang Siyiex, nawh hoik daox deng ka tom ang tix koe lox krai heue.

1 SIMIANG 3:28

Pui Isarelax khankix mhong grawng pa prawng ca simiang, kix kied koe krax lhat graung kah, mawh kheu yaox kix koe pingnya cuyi Siyiex ka daux nawh, sonsang pon kwang nawh haktiex daux pa rahsee heue.

SIDIEX 12:9

Lheu khaing an kheu hoik koe pingnya cuyi cao sidiex lox bwan, nawh ca kawn gau krax tawng yung ka pui khankix, nawh sawg mai tiag ti yaox ka gumlox kab khankix tom nie glawk mawx glawk an heue.

MATHIEX 12:42

Yax simiang caong ma seh, tak kaoh tau mai pui baux ju in yam prawng ca mai tak tang phimap ka in, kheu hoik hoek nawh khaing dee sidah haktiex ti nghiet gumlox pingnya cuyi simiang Sawlamon heue. Jhak heue, Kaw pa lheu ting khaing simiang Sawlamon ot tin heue.”

MATHIEX 6:29

Viang mawh nan, Aux krai ka pex viang mawh kraung pa ceep simiang Sawlamon pa ting min plakngai ang mhawm awm tai an khankix tix kho kawx heue.

LUKAX 12:27

Keud ti yaox grawh grawng tai siyak, chix ting chix lhaong yuh ka mawx, kix ang yuh kaing mai ang kling, viang mawh nan Aux krai ka pex, viang mawh kraung pa ceep simiang Sawlamon pa ting min plakngai, ang mhawm awm tai an khankix tix kho kawx heue.