1 SIMIANG 10:2 - Wa Common Language Translation

² Nawh hoek ka veng Yerualiem tau mai pui pa hawt tom nie mai Kala uk pa tang pa sioe bhawng kuceu mai khri tom nie mai siang simaox pa ngawh mai yam bleeh nawh Sawlamon krai can pa koe daux rhawm tix khawmuik heue.

1 SIMIANG 10:2 Iomraidhean Croise

YAM JAH 18:33

Khaix hoik sikah Nawh Cao tau mai Abraham, dom mawx dom an Nawh Cao hu dee hu tix mai Abraham ing ka dee ot tix heue.

1 SIMIANG 10:10

Mai nawh tawx khri tix yieh tixnga talantan mai sidah bhawng tom nie mai siang simaox pa kied ngawh, ceu sidah bhawng pa kied nie awm in, pa tawx laux simiang Shebax ka simiang Sawlamon, ang lai hoek khaix an tix bawg kawx heue.

1 SIMIANG 10:3

Sawlamon deeh pawk pa chawk nawh khankix, can pa ang Sawlamon pon pawk ang koe tix ceu kawx heue.

2 SIMIANG 20:13

Hezakiyax gaux rhawm mai rieb ka kix mai jhi kix yaox nyiex krao sinngao nawh khankix mai khri, mau mai sidauh bhawng mai bee kraix pa kied koe jum mai khawm nyiex krao kraung naing nawh khankix, khawm can ceu pa hoik mox nawh khankix, pa koe daux sinax kraung sinngao nawh khawmuik heue. Can pa koe ka daux nyiex mai can pa koe ka daux meung haktiex nawh khankix, pa ang Hezakiyax, jhi kix yaox ang lai koe pie tix ceu kawx heue.

2 SIMIANG 5:5

Mawh kheu nan, simiang meung Surix ah nin, “Hu yam in heue, aux sang tiiem ti tawx lai tix pheen ka simiang pui Isarelax, ” Mawh kheu nan, Ne man lih hu khaing tan mai viex mau kao talantan, khri liah rheng shekhe mai kraung ceep kao jung tau mai tix heue.

2 SIMIANG 5:9

Khaix an, Ne man lih hu tau mai brung nawh khankix mai khawm ling lawx naing brung cie nawh khankix mai nawh cung diang siviex nyiex Elishie heue.

YAWBAX 4:2

“Phan aux cheuk tix krai lox tix gum ka maix, mawh sang pon kham maix ka lie? viang mawh nan, mawh pui mawx pa sang pon ot giex going khawm ang tix sikah lie?

YAOGYAW 4:4

Ka daux pa lhat graung, tik ka phimap pa yuh tix mai pex laig ka daux lawg dee it mai nghiet ka daux rhawm tix, ka grawng inkix mhawm mhawm heue.

YAOGYAW 72:10

Simiang meung Tasux khankix mai simiang rawm sigrit sigra khankix, hoek tawx gha ka nawh mai simiang Shebax mai simiang Sebax hoek tix tawx totaix ka nawh heue.

LIH HU 25:6

Bee pa sang tok, bee pa sang groi mai ceu pa sioe bhawng son nyawng bhawng pa sang gleeing.

ISAYAX 30:6

Grawng plak jhi ka piang totiag pa ot baoh plak seh khankix mawh inkix heue. “Khaing daux haktiex pa koe krax kha rhawm mawh inkix, sivai sangsi mhaing, sivai sangsi shiang, siuing lung mai siuing ngu pa chix po khankix, hoik mawh pa kaoh khaing an heue. Kix tak tang ti viex kraung tix khankix ka piang blawg kawn la awn mai tang kraung sinngao tix ka piang ka la uk, hu ka pui pa ang pon tawx krax pa koe bwanson ka piang kix heue.

YEZAKELAX 27:22

Haktiex Sheba mai haktiex Rama mawh cao yuh lai geu mai maix, kix hoik loh sidah bhawng pa kied mhawm, simaox siang pa koe ngawh koe jum mai khri ka kraung pa koe maix heue.

LUKAX 24:15

Yam kawn kum kiex chawk ka paox tix, tokaux Yesux hoek dex mai hu tau mai kiex heue.

KAWNCAU 25:23

Mawh kheu nan ngaix pasax yam simiang Akrippax mai Beranit hoik viex sinngao pa ting mai hoek, kiex laig dee nghiet lox see tau mai cao giex kaing naing pa ting khankix mai khawm pui pa ting lhaong ka daux veng an, yam tawx simiang Fittux lox, kix viex Pawlux hoek heue.