1 SIMIANG 10:1 - Wa Common Language Translation

¹ Yam mhong laux simiang Shebax ka ao min ceu kaux Sawlamon kheu ceu kaux Simiang Siyiex, nawh hoek ti cheuk cheu Sawlamon ka lox pa kied nu tix pawk heue.

1 SIMIANG 10:1 Iomraidhean Croise

YAM JAH 10:28

Awbalax, Abimelax, Shebax,

YAM JAH 10:7

Kawn simex Kushax mawh Sebax, Havilax, Sabatax, Ramax mai Shatekha mai kawn simex Ramax mawh Shebax mai Dedam heue.

YAM JAH 25:3

Yokshan koe kawn simex Shebax mai Bedan. Kawn simex Bedan mawh Ashurim, Letushim mai Lumin khankix heue.

1 SIMIANG 10:24

Pui piang haktiex khawmuik hoek plak sivoe ngai Sawlamon, sonsang nghiet ka pingnya cuyi nawh, pa hoik tawx Siyiex ka daux rhawm nawh heue.

1 SIMIANG 4:31

Sawlamon nie lheu koe pingnya cuyi khaing pui khawmuik mai khaing Ethan pui Ezarahi mai Heman, Khalakhawla mai Narada kawn simex Mahawla khankix mai min ceu kaux nawh hoik tah hu ka piang haktiex khawmuik heue.

1 SIMIANG 4:34

Mai simiang pui ka piang haktiex khawmuik, pa hoik mhong ka grawng pingnya cuyi nawh khankix, hoek sonsang nghiet tix pingnya cuyi pa chix simiang Sawlamon heue.

1 SIMIANG 5:14

Mai nawh ploi kix lai loh ti ot ka gawng Lebanon, tix khix tix mheen kaux mai kix yaox ti ot piang gawng Lebanon tix khix mai kix yaox ti deeh ing ot ka daux nyiex tix ra khix mai Adawniram mawh cao kaing pa kwang ka pui yuh kaing heue.

YAWBAX 28:28

Nawh Cao ah nin ka kawn pui, jhak heue, krax lhat graung ka Siyiex mawh pingnya mai pa via khaing pa caox caig mawh krax tawng yung heue.

YAWBAX 6:19

Cub pui Tema pa yuh lai geu hu krax, jhak ka cub pui pa kaoh khaing haktiex Shebax ka daux krax pa keud pot jun pot tix.

YAOGYAW 49:4

Aux veeh yhaok tix nghiet ka lox been mai tah ting mai plak jhi grawng ceu pa raux pa mox heue.

YAOGYAW 72:10

Simiang meung Tasux khankix mai simiang rawm sigrit sigra khankix, hoek tawx gha ka nawh mai simiang Shebax mai simiang Sebax hoek tix tawx totaix ka nawh heue.

YAOGYAW 72:15

Yam im ju nawh, kix teei khri meung Shebax mai tawx ka nawh mai kix rawg bwan son nawh mai yaogyaw ka nawh ku singaix jheung jheung heue.

ISAYAX 60:6

Krax pa kied nie haoh hun phung kala uk, tak naog ka haktiex maix, cau kala uk hatiex Midim mai haktiex Epha khankix hoik tah ka daux haktiex maix heue. Haktiex Shebax khawmuik tak sang bleeh ti hoek mai kix tak viex khri mai Lawban hoek mai kix tak pao ti yo lox pa yaog yaw Siyiex heue.

YERAMIX 6:20

Pex lai viex Lawpan khaing haktiex Shebax mai ox mex pa tie khaing haktiex pa kied singai, khankix hoek ka Aux yuh ka mawx lie? Krax tan pa gleeing pex ang lai rieb mai krax tan pa appong pa nyawm cie pex kawx Aux ang lai khaw rhawm ka heue.”

YEZAKELAX 16:14

“Krax pa ao min maix hoik tah hu ka daux haktiex, kheu jao pa kied mhawm grang maix mai an hoik mawh min pa grum naog pa hoik ap Aux ka maix heue,” Siyiex ah yuh nan heue.

YEZAKELAX 38:13

“Pui Shebax mai pui Dedan mai cao lai geu veng Tasux mai pui awn ju daux nyiex yaong, tak ah nin ka maix, mawh sang hoek maix ti sang tud rhim ka kraung khrai kix lie? Mawh khrawm cub kru naing ti hoek sonsang rhim kraung khrai sinngao mai mau khri, to brie mai kraung pa mhawm khankix sonsang yuh krax laux leeing pa kied ting lhaong lie?”

MATHIEX 12:42

Yax simiang caong ma seh, tak kaoh tau mai pui baux ju in yam prawng ca mai tak tang phimap ka in, kheu hoik hoek nawh khaing dee sidah haktiex ti nghiet gumlox pingnya cuyi simiang Sawlamon heue. Jhak heue, Kaw pa lheu ting khaing simiang Sawlamon ot tin heue.”

MATHIEX 13:11

Nawh Cao pawk ah nin, “Hoik kieh pex tawng grawng pa raux mox pa dex dawd mai meung raoma, viang mawh nan, ang nyang tawx kix tawng heue.

MATHIEX 13:35

Kheu sonsang naog lox pa hoik grux krai cao jhai pa ah nin, “Aux tak ang jheeh tix ka daux lox tiag. Aux tak krai grawng ceu pa hoik mox tom yam jah haktiex heue.”

MAKUX 4:34

Phan ang mawh ka daux lox tiag Nawh ang sidiex ang krai lox ka kix, viang mawh nan ka kawncau Nawh khankix, Nawh krai sidawng kuceu khawmuik dee ang pui ot heue.

LUKAX 11:31

Yax simiang caong ma seh, tak kaoh tau mai pui ju in, ka daux singaix prawng singaix ciyang sax mai deuh phimap ka piang kix, kheu hoik hoek nawh khaing dee sidah haktiex mai nghiet gumlox pingnya cuyi simiang Sawlamon heue. Jhak heue, Kaw pa lheu ting khaing simiang Sawlamon ot tin heue.

YOHAN 17:3

In mawh ju leeing ju, sonsang tawng kix ka mawh Maix Siyiex pa mawh meh tix kaux khaing Yesux Khrit pa hoik ploi Maix hoek heue.