1 SIMIANG 1:6 - Wa Common Language Translation

⁶ Keeing nawh Davit ang sax ah nin ka nawh tom saux rhawm nawh tix bawg kawx, “Kheu maix lai yuh ceu in” Jao mawh nawh pa kied mhawm grang tix kaux, nawh mawh pux Apsalom heue.

1 SIMIANG 1:6 Iomraidhean Croise

2 SAMOELAX 14:25

Ka daux pui Isarelax, pui pa mhawm grang mai pa yaogyaw pui ang koe tix kaux kawx awm Apsalom, jah ka caong tom hoek ka kaing, ang koe dee ne tix ceu kawx.

1 SIMIANG 2:22

Mai simiang Sawlamon pawk lox miex tix ah nin, “Jao patix maix lai mhaing Adawniyax moeng Abisha kawn bun veng Shunam, deeh baox mhaing meung haktiex in ka son nawh ha, nawh mawh puxke aux, rawg ka son nawh mai son cao giex kaing li Abiata mai son Yuabax kawn simex Zeruya heue.”

1 GRAWNG BEEN 3:2

Kawn Sam nawh mawh Apsalom, pa keh khaing Makha, pa mawh kawn bun Talamie Simiang haktiex Geshurax; kawn sai nawh mawh Adoniyax pa keh khaing Hagit;

LOX KAB 22:15

Rhawm pa caox, kie ti deuh ka daux rhawm kawn nyawm heue. Viang mawh nan, khaox saux pa sivied tix gau, grheu ti tik ka rhawm an singai heue.

LOX KAB 29:15

Pui pa yaox tix sivied ka khaox saux mai yaox ti kham ka lox pa sidiex gau, chix ting lhaong pingnya heue. kawn nyawm pa tang yuh alo tix, mawh pa chix kieh miex tix kaig tua heue.

1 SAMOELAX 10:23

Mai kix to hu teei nawh khaing tan, yam cung nawh sinax pui khankix, nawh lheu lhaong khaing pui ku kaux, jah mee klip nawh tom hoek plak piang.

1 SAMOELAX 3:13

Mai Aux tak krai grawng sang ciyang Aux ka doeh nyiex ma nawh leeing ju, kheu pa caox caig pa hoik tawng nawh, mawh kheu kawn simex nawh khawm ra kaux nunai ka Siyiex mai nawh ang ne raw ka kiex.

1 SAMOELAX 9:2

Nawh koe kawn simex tix kaux ceu kaux nawh mawh Sawlux, mawh kawn simex awn ju pa mhawm grang, ka daux pui Isarelax ang koe pui mhawm grang awm nawh tix kaux kawx, nawh lhaong khaing pui khawmuik jah khaing klip haok ka plak piang.