1 SIMIANG 1:12 - Wa Common Language Translation

¹² Sonsang klawd ju maix mai kawn simex maix Sawlamon, yam in kieh aux tawx krax keud ka maix liak?

1 SIMIANG 1:12 Iomraidhean Croise

YAM JAH 19:17

Mawh kheu nan, khaix hoik viex kix hoek ka praix ah nin, “To tom klawd ju maix, paw doh gi plak khaix mai paw ot daux lung tix dah kawx to tom klawd tix piang gawng khankix heue. Phan ang mawh nan maix tak yaox krax laux leeing heue.”

1 SIMIANG 1:13

Nied ti hu ka simiang Davit ah nin ka nawh, simiang cao simiang aux eue, maix hoik tiextu ka kawncau bun maix ah nin, “Kawn simex maix Sawlamon tak mawh pa plud ti kwang haktiex khaix aux mai nawh tak yaox ti ngawm ka piang dangngeung aux ang mawh lie? “Jao patix Adawniyax yaog ti mawh simiang lie?

1 SIMIANG 1:21

Phan ang mawh nan, khaix hoik laig it simiang tau mai keeing tix, kawn simex aux Sawlamon mai khawm tokaux aux tak sawn mawh pui pa lud heue.”

2 SIMIANG 11:1

Yam yaox Athaliyax miex Ahaziyax ka yum kawn simex tix, kiex yaog ti kaoh yuh doeh nyiex ma simiang laux leeing khawmuik heue.

2 GRAWNG BEEN 21:4

Yam hoik deeh pang Yehoram ka meung haktiex keeing nawh khankix, nawh yuh tokaux cao tix ting riang mai pah ti tik pux nawh khawmuik ka vaid mai khawm pui tang kaux khankix pa mawh simiang ka daux meung Isarelax heue.

2 GRAWNG BEEN 22:10

Yam hoik yaox Atariyax miex Ahazix ka hoik yum kawn simex tix, kiex yaog ti kaoh mai yuh pa sang plud ti mawh cao pa sitoe simiang doeh nyiex ma Yudax khankix laux leeing khawmuik heue.

LOX KAB 11:14

Phan pui pa koe pingnya ang koe, krax tawng yung, pa chix tawx krax keud gau, pui haktiex khankix, som nai heue. Phan koe cao pa tawx krax keud krax gau tom nie, pon ti luan khaing krax lhat graung heue.

LOX KAB 15:22

Kaing ceu pa ang rom ti kum tau, chix laux heue. Kaing pa rom ti kum yuh tau chix kaux cong heue.

LOX KAB 20:18

Krax keud gau pa kum kawng tau, mawh pa kaux cong heue. Phan koe krax keud kum kawng tom chix yuh naing heue.

LOX KAB 27:9

Rawm sidah bhawng mai rawm sidah bee, awm kieh rhawm gaux rhawm mai lox pa tawx krax keud paox grawm pa moh, mawh mhai pa chix kieh gaux rhawm heue.

YERAMIX 38:15

Khaix an Yeramix ah nin ka Zedekix, “Phan aux krai grawng an ka maix, mawh ang maix kriem pah aux yum lie? phan aux tawx krax keud ka maix kawx maix ka ang tau tix nghiet ka aux heue.”

MATHIEX 21:38

Viang mawh nan, yam yaox pui yuh sipeem khankix ka kawn nawh, kix ah nin ka paox tix, “Kaw in mawh cao sin. Hoek, ex pah nawh yum mai teei sin nawh.”

KAWNCAU 27:31

Pawlux tom ah nin ka cao giex kaing naing mai ka pui naing khankix, “Phan pui inkix ang ot ka daux reu, pex ang tau ti pon hoek krax taoh krax luan heue.”

CAO PRAWNG 9:5

Khaix an nawh hu ka nyiex keeing tix, ka daux veng Awpharax mai pah puxaik nawh khankix, pa mawh kawn simex Yerubalax atixgliah kaux ka piang rang, viang mawh nan Yawtan kawn ghoik Yerubak pon glawd kheu jao mox nawh tokaux tix heue.