ՅԱՅՏՆՈՒԹԻՒՆ 3:2 - Western Armenian Bible 1853

² Արթո՛ւն կեցիր եւ հաստատէ՛ մնացած բաները, որոնք մեռնելու վրայ են, վասն զի քու գործերդ Աստուծոյ առջեւ կատարեալ չգտայ։

Արեւմտահայերէն Նոր Կտակարան հարմարցուած․ 2017

² Արթո՛ւն կեցիր եւ հաստատէ՛ մնացած բաները, որոնք մեռնելու վրայ են, վասն զի քու գործերդ Աստուծոյ առջեւ կատարեալ չգտայ։

Western Armenian New Translation - Armenian Catholicosate of Cilicia - New Testament

² Արթուն եղիր եւ զօրացո՛ւր մնացեալ անդամներդ, նախքան անոնց մեռնիլը, որովհետեւ կը տեսնեմ որ գործերդ կատարեալ չեն Աստուծոյ աչքին։

ՅԱՅՏՆՈՒԹԻՒՆ 3:2 Iomraidhean Croise

Գ. ԹԱԳԱՒՈՐԱՑ 11:4

Սողոմոնին ծերութեան ժամանակը անոր կիները անոր սիրտը օտար աստուածներու դարձուցին ու անոր սիրտը իր Տէր Աստուծոյն հետ իր հօրը Դաւիթին սրտին պէս կատարեալ չէր։

Գ. ԹԱԳԱՒՈՐԱՑ 15:3

Անիկա իրմէ առաջ իր հօրը ըրած բոլոր մեղքերուն հետեւեցաւ ու անոր սիրտը իր Տէր Աստուծոյն հետ իր հօրը Դաւիթին սրտին պէս կատարեալ չէր։

Բ. ՄՆԱՑՈՐԴԱՑ 25:2

Տէրոջը առջեւ ուղղութիւն ըրաւ, բայց ոչ կատարեալ սրտով։

ՅՈԲԱՅ 16:5

Սակայն իմ բերնովս կրնայի ձեզ զօրացնել Ու շրթունքներուս մխիթարութիւնը ձեր տրտմութիւնը կրնար փարատել։

ԵՍԱՅԵԱՅ 35:3

Թուլցած ձեռքերը ուժովցուցէ՛ք Ու դողդոջուն ծունկերը զօրացուցէ՛ք։

ԵՍԱՅԵԱՅ 56:10

Անոր բոլոր պահապանները կոյր են, բան մը չեն տեսներ, Ամէնքն ալ համր շուներ են, հաջելու կարող չեն. Անոնք կը ցնորին, կը պառկին, քունը կը սիրեն։

ԵՍԱՅԵԱՅ 57:12

Ես քու արդարութիւնդ ու գործերդ պիտի հրատարակեմ, Որոնք քեզի օգուտ պիտի չընեն։

ԵԶԵԿԻԷԼԻ 34:16

Կորսուածը պիտի փնտռեմ ու մոլորածը պիտի դարձնեմ եւ կոտրածը պիտի փաթթեմ ու հիւանդը պիտի առողջացնեմ, բայց պարարտն ու զօրաւորը պիտի պահեմ. զանոնք իրաւունքով պիտի արածեմ’։

ԴԱՆԻԷԼ 5:27

Թեկէղ, կշիռքով կշռուեցար եւ պակաս գտնուեցար։

ԶԱՔԱՐԵԱՅ 11:16

Քանզի ահա ես երկրի վրայ նոր հովիւ մը պիտի հանեմ, Որը կորսուելու վրայ եղողներուն հոգ պիտի չտանի։ Ցրուածը պիտի չփնտռէ, Կոտրածը պիտի չբժշկէ, Ողջը պիտի չսնուցանէ, Հապա գէրերուն միսը պիտի ուտէ Ու անոնց կճղակները պիտի խորտակէ։

ՄԱՏԹԷՈՍ 23:5

Իրենց բոլոր գործերը մարդոց երեւնալու համար կ’ընեն. կը լայնցնեն իրենց գրապանակները ու կ’երկնցնեն իրենց հանդերձներուն քղանցքները.

ՄԱՏԹԷՈՍ 25:13

Ուրեմն արթուն կեցէք, վասն զի ո՛չ օրը գիտէք եւ ո՛չ ժամը»։

ՄԱՏԹԷՈՍ 25:7

Այն ատեն բոլոր կոյսերը ելան ու իրենց լապտերները շտկեցին։

ԳՈՐԾՔ ԱՌԱՔԵԼՈՑ 18:23

Ատեն մը հոն կենալէ յետոյ կարգաւ Գաղատացիներու երկիրը ու Փռիւգիա կը պտըտէր ու բոլոր աշակերտները կը հաստատէր։

Բ. ՕՐԻՆԱՑ 3:28

Ու Յեսուին պատուէր տալով զանիկա զօրացուր ու անոր սիրտ տուր. քանզի անիկա պիտի առաջնորդէ ժողովուրդը դէպի այն երկիրը, որ դուն դիտեցիր։

ԱՌԱՋԻՆ ՊԵՏՐՈՍԻ 4:7

Սակայն ամէն բանի վախճանը մօտեցեր է. ուստի զգաստ եղէ՛ք ու աղօթքի մէջ արթուն կեցէ՛ք։

ԱՌԱՋԻՆ ՊԵՏՐՈՍԻ 5:8

Արթո՛ւն կեցէք, հսկեցէ՛ք, վասն զի ձեր հակառակորդը, Սատանան՝ մռնչող առիւծի պէս կը պտըտի ու կը փնտռէ թէ ո՛վ կլլէ։

ՅԱՅՏՆՈՒԹԻՒՆ 16:15

(Ահա գողի պէս կու գամ. երանի՜ անոր որ արթուն կը կենայ ու իր հանդերձները կը պահէ, որպէս զի մերկ չպտըտի ու իր ամօթը չերեւնայ.)

ՅԱՅՏՆՈՒԹԻՒՆ 2:4

Բայց քեզի դէմ բան մը ունիմ։ Քու առաջուան սէրդ ձգեցիր։

ՅԱՅՏՆՈՒԹԻՒՆ 3:1

Սարդիկէի մէջ եղած եկեղեցիին հրեշտակին գրէ. «Այսպէս կ’ըսէ անիկա որ ունի Աստուծոյ եօթը Հոգիները ու եօթը աստղերը. ‘Գիտեմ քու գործերդ՝ որ դուն անուն ունիս թէ կենդանի ես, բայց մեռած ես։

ՅԱՅՏՆՈՒԹԻՒՆ 3:3

Հիմա միտքդ բեր թէ ի՛նչպէս ընդունեցիր ու լսեցիր ու պահէ՛ եւ ապաշխարէ՛. բայց եթէ արթննալու չըլլաս, գողի պէս քու վրադ պիտի գամ ու բնաւ պիտի չգիտնաս թէ ո՞ր ժամուն քու վրադ պիտի գամ։