ՓԻԼԻՊՊԵՑԻՍ 2:26 - Western Armenian Bible 1853

²⁶ Որովհետեւ ինք ալ շատ կարօտցած էր ձեզ ամէնքդ [տեսնելու] ու կը ցաւէր, որ դուք լսած էիք թէ ինք հիւանդացած է։

Արեւմտահայերէն Նոր Կտակարան հարմարցուած․ 2017

²⁶ Որովհետեւ ինք ալ շատ կարօտցած էր ձեզ ամէնքդ [տեսնելու] ու կը ցաւէր, որ դուք լսած էիք թէ ինք հիւանդացած է։

Western Armenian New Translation - Armenian Catholicosate of Cilicia - New Testament

²⁶ Ինքն ալ շատ կարօտցած է ձեզ բոլորդ, եւ կը մտահոգուէր, քանի որ լսեր էիք իր հիւանդութեան մասին։

ՓԻԼԻՊՊԵՑԻՍ 2:26 Iomraidhean Croise

Բ. ԹԱԳԱՒՈՐԱՑ 24:17

Դաւիթ ժողովուրդը զարնող հրեշտակը տեսնելով՝ Տէրոջը ըսաւ. «Ահա ե՛ս մեղանչեցի ու ե՛ս անօրէնութիւն ըրի, բայց այս ոչխարները ի՞նչ ըրին. կ’աղաչեմ, քու ձեռքդ իմ վրաս ու իմ հօրս տանը վրայ թող ըլլայ»։

ՅՈԲԱՅ 9:27

Եթէ ըսեմ՝ ‘Գանգատս մոռնամ, Տրտմութիւնս ձգեմ ու զուարթ ըլլամ’,

ՍԱՂՄՈՍ 69:20

Նախատինքը սիրտս կոտրեց ու հիւանդացայ. Գթացող մը փնտռեցի, բայց չկար Ու մխիթարութիւն տուողներ՝ բայց չգտայ։

ԱՌԱԿԱՑ 12:25

Մարդուն սրտին մէջ եղող վիշտը զանիկա կը ճնշէ, Բայց աղէկ խօսքը կ’ուրախացնէ զանիկա։

ԵՍԱՅԵԱՅ 61:3

Սիօնի սգաւորները որոշելու Ու անոնց մոխիրի տեղ՝ փառք, Սուգի տեղ՝ ուրախութեան իւղ, Կոտրած հոգիի տեղ գովութեան պատմուճան տալու։ Եւ զանոնք պիտի անուանեն Արդարութեան բեւեկնիներ, Որոնք Տէրը տնկեր է իր փառքին համար։

ՄԱՏԹԷՈՍ 11:28

Եկէ՛ք ինծի, բոլոր յոգնած ու բեռնաւորուածներ եւ ես ձեզ պիտի հանգչեցնեմ։

ՄԱՏԹԷՈՍ 26:37

Իրեն հետ առնելով Պետրոսը ու Զեբեդէոսի երկու որդիները, սկսաւ տրտմիլ ու վշտանալ։

ԳՈՐԾՔ ԱՌԱՔԵԼՈՑ 21:13

Իսկ Պօղոս պատասխան տուաւ. «Ի՞նչ կ’ընէք, ինչո՞ւ կու լաք ու իմ սիրտս կը ճմլէք. քանզի ես ո՛չ միայն Երուսաղէմի մէջ կապուելու, հապա նաեւ մեռնելու ալ պատրաստ եմ Տէր Յիսուսի անուանը համար»։

ՀՌՈՎՄԱՅԵՑԻՍ 1:11

Քանզի կը փափաքիմ ձեզ տեսնել, որ ձեզի հոգեւոր շնորհք մը հաղորդեմ, որպէս զի հաստատուիք.

ՀՌՈՎՄԱՅԵՑԻՍ 12:15

Խնդացողներուն հետ խնդացէ՛ք եւ լացողներուն հետ լացէ՛ք.

ՀՌՈՎՄԱՅԵՑԻՍ 9:2

Որ մեծ տրտմութիւն է ինծի ու իմ սրտիս ցաւը անպակաս է։

ԱՌԱՋԻՆ ԿՈՐՆԹԱՑԻՍ 12:26

Եւ եթէ մէկ անդամը նեղութիւն կրէ, բոլոր անդամները կը նեղուին անոր հետ եւ եթէ մէկ անդամը փառաւորուի, բոլոր անդամները կ’ուրախանան անոր հետ։

ԵՐԿՐՈՐԴ ԿՈՐՆԹԱՑԻՍ 9:14

Եւ անոնք ձեզի համար պիտի աղօթեն ձեզի ցանկալով՝ Աստուծոյ գերազանց շնորհքին համար որ ձեզի տրուած է։

ԳԱՂԱՏԱՑԻՍ 6:2

Իրարու նեղութիւնները կրեցէք եւ այնպէս Քրիստոսին օրէնքը կատարեցէք։

ԵՓԵՍԱՑԻՍ 3:13

Ուստի կ’աղաչեմ որ չձանձրանաք իմ նեղութիւններուս պատճառաւ, որոնք ձեզի համար են եւ որոնք ձեր փառքն են։

ՓԻԼԻՊՊԵՑԻՍ 1:3

Կը գոհանամ իմ Աստուծմէս ամէն անգամ որ ձեզ կը յիշեմ,

ՓԻԼԻՊՊԵՑԻՍ 1:8

Քանզի վկայ է Աստուած, որ շատ փափաքներ ունիմ ձեր ամենուն համար Քրիստոս Յիսուսին գութովը։

ՓԻԼԻՊՊԵՑԻՍ 2:25

Բայց հարկաւոր սեպեցի հիմա ձեզի ղրկել Եպափրոդիտոս իմ եղբայրս եւ գործակիցս ու զինակիցս, որ դուք ղրկած էիք իմ պէտքերուս ծառայելու։

ՓԻԼԻՊՊԵՑԻՍ 2:27

Արդարեւ, ինք մահամերձ հիւանդացաւ, բայց Աստուած ողորմեցաւ անոր. ո՛չ միայն անոր՝ հապա ինծի ալ, որպէս զի տրտմութեան վրայ տրտմութիւն չունենամ։

ՓԻԼԻՊՊԵՑԻՍ 4:1

Իմ սիրելի ու բաղձալի եղբա՛յրներս, իմ ուրախութիւնս ու պսակս, այսպէս հաստատո՛ւն կեցէք Տէրոջմով, սի՛րելիներս։

ԱՌԱՋԻՆ ՊԵՏՐՈՍԻ 1:6

Որով կ’ուրախանաք, թէեւ հիմա, ինչպէս հարկը կը պահանջէ, քիչ մը ատեն տրտմած էք զանազան փորձութիւններով