ՅԵՍՈՒԱՅ 3:13 - Western Armenian Bible 1853

¹³ Ու երբ բոլոր երկրի Եհովա Տէրոջը տապանակը վերցնող քահանաներուն ոտքերը Յորդանանի ջուրին մէջ մտնեն, Յորդանանի ջուրը պիտի կտրի ու վերէն իջնող ջուրը կարկառակոյտի մը պէս պիտի կայնի»։

ՅԵՍՈՒԱՅ 3:13 Iomraidhean Croise

Ա. ՄՆԱՑՈՐԴԱՑ 29:11

Ո՛վ Տէր, մեծութիւնը, զօրութիւնը, փառքը, պայծառութիւնն ու վայելչութիւնը քուկդ են. քանզի բոլոր երկնքի ու երկրի վրայ եղածը քուկդ է։ Ո՛վ Տէր, թագաւորութիւնը քուկդ է ու դուն իբրեւ գլուխ ամենէն բարձրացեալն ես։

ՍԱՂՄՈՍ 33:7

Ծովուն ջուրերը դէզի մը պէս՝ ՝ կը հաւաքէ, Անդունդները շտեմարաններու մէջ կը դնէ։

ՍԱՂՄՈՍ 74:15

Դուն ճեղքեցիր աղբիւրը ու վտակը, Դուն չորցուցիր մշտնջենաւոր գետերը։

ՍԱՂՄՈՍ 78:13

Ծովը պատռեց ու զանոնք անցուց Եւ ջուրերն ալ դէզի պէս կանգնեցուց։

ԵԼԻՑ 15:8

Քու շունչիդ փչելովը ջուրերը հաւաքուեցան. Հեղեղները դէզի պէս կայնեցան. Ծովուն մէջտեղը անդունդները պաղեցան։

ԵՍԱՅԵԱՅ 54:5

Քանզի քու այրդ քու Ստեղծիչդ է, Անոր անունը Եհովա Սաբաւովթ է Ու քու Փրկիչդ Իսրայէլի Սուրբն է, Անիկա երկրին Աստուածը պիտի կոչուի։

ԱՄԲԱԿՈՒՄԱՅ 3:15

Քու ձիերովդ՝ ծովուն վրայ, Շատ ջուրերուն խռովութեանը վրայ քալեցիր։

ԶԱՔԱՐԵԱՅ 4:14

Ըսաւ. «Ասոնք երկու օծեալներն են, որոնք բոլոր երկրի Տէրոջը առջեւ կը կայնին»։

ՅԵՍՈՒԱՅ 3:11

Ահա բոլոր երկրի Տէրոջը ուխտին տապանակը ձեր առջեւ պիտի մտնէ Յորդանանի մէջ։

ՅԵՍՈՒԱՅ 4:7

Անոնց ըսէք. ‘Քանի որ Տէրոջը ուխտի տապանակին առջեւէն Յորդանանի ջուրերը կտրուեցան. երբ անիկա Յորդանանէն կ’անցնէր՝ Յորդանանի ջուրը կտրուեցաւ. այս քարերը Իսրայէլի որդիներուն մէջ յիշատակի համար պիտի ըլլան յաւիտեան’»։