ՅԵՍՈՒԱՅ 24:2 - Western Armenian Bible 1853

² Յեսու բոլոր ժողովուրդին ըսաւ. «Իսրայէլի Տէր Աստուածը այսպէս կ’ըսէ. ‘Առաջ ձեր հայրերը, Աբրահամին հայրը ու Նաքովրին հայրը Թարա, Գետին անդիի կողմը բնակեցան եւ օտար աստուածներ պաշտեցին։

ՅԵՍՈՒԱՅ 24:2 Iomraidhean Croise

ԾՆՆԴՈՑ 11:22

Սերուգ երեսուն տարի ապրեցաւ ու ծնաւ Նաքովրը։

ԾՆՆԴՈՑ 11:24

Նաքովր քսանըինը տարի ապրեցաւ ու ծնաւ Թարան։

ԾՆՆԴՈՑ 11:26

Թարա եօթանասուն տարի ապրեցաւ ու ծնաւ Աբրամը, Նաքովրը եւ Առանը։

ԾՆՆԴՈՑ 11:27

Թարային ծնունդները ասոնք են։ Թարա ծնաւ Աբրամը, Նաքովրը ու Առանը. Առան ծնաւ Ղովտը։

ԾՆՆԴՈՑ 31:19

Լաբան իր խաշինքը ասրակտուր ընելու գացեր էր ու Ռաքէլ իր հօրը կուռքերը գողցաւ։

ԾՆՆԴՈՑ 31:30

Եւ հիմա՝ թէպէտեւ քու հօրդ տունը կարօտցած ըլլալուդ համար գացիր, բայց ինչո՞ւ իմ աստուածներս գողցար»։

ԾՆՆԴՈՑ 31:32

Բայց քու աստուածներդ որու քով որ գտնես, թող անիկա չապրի։ Մեր եղբայրներուն առջեւ քննէ ու նայէ՛, եթէ իմ քովս քու մէկ բանդ գտնես՝ ա՛ռ». քանզի Յակոբ չէր գիտեր թէ Ռաքէլ գողցեր էր զանոնք։

ԾՆՆԴՈՑ 31:53

Աբրահամին Աստուածը եւ Նաքովրին Աստուածը, անոնց հայրերուն Աստուածը մեր մէջ դատաւոր ըլլայ». Յակոբ իր հօրը Իսահակին Երկիւղովը երդում ըրաւ։

ԾՆՆԴՈՑ 35:4

Անոնք իրենց ձեռքը եղած բոլոր օտար աստուածները ու իրենց ականջները եղած օղերը Յակոբին տուին։ Յակոբ թաղեց զանոնք Սիւքէմի մօտ եղած բեւեկնիին տակ։

Ա. ՄՆԱՑՈՐԴԱՑ 1:27

Աբրամ, այսինքն Աբրահամ։

ԵՍԱՅԵԱՅ 51:2

Ձեր հօրը Աբրահամին Ու ձեզ ծնանող Սառային նայեցէ՛ք. Քանզի երբ մէկ հատ էր, զանիկա կանչեցի Եւ զանիկա օրհնեցի ու բազմացուցի։

ԵԶԵԿԻԷԼԻ 16:3

Ու ըսէ՛, Տէր Եհովան այսպէս կ’ըսէ Երուսաղէմին. ‘Քու սկիզբդ ու ծնունդդ Քանանացիներու երկրէն էր, Քու հայրդ Ամօրհացի ու մայրդ Քետացի էր։

ՂՈԻԿԱՍ 3:34

Որ Յակոբի, որ Իսահակի, որ Աբրահամի, որ Թարայի, որ Նաքովրի,

Բ. ՕՐԻՆԱՑ 26:5

Դուն քու Տէր Աստուծոյդ առջեւ պատասխան տալով պիտի ըսես. ‘Իմ հայրս թափառական Ասորի մըն էր, Եգիպտոս իջաւ, քանի մը հոգիով հոն հաստատուեցաւ, յետոյ մեծ, զօրաւոր ու շատուոր ազգ մը եղաւ։

ՅԵՍՈՒԱՅ 24:15

Բայց եթէ Տէրոջը ծառայութիւն ընելը ձեզի հաճոյ չերեւնար, ձեզի ընտրեցէք այսօր թէ ո՞վ պիտի պաշտէք՝ Գետին անդիի կողմը ձեր հայրերուն պաշտած աստուածնե՞րը, թէ Ամօրհացիներուն աստուածները, որոնց երկրին մէջ դուք կը բնակիք. բայց ես ու իմ տունս Եհովան պիտի պաշտենք»։