ԵՐԵՄԵԱՅ 3:7 - Western Armenian Bible 1853

⁷ Անիկա այս բոլոր բաները ընելէն ետքը Ըսի. ‘Ինծի դարձիր’, բայց անիկա չդարձաւ Եւ անոր ուխտադրուժ քոյրը՝ Յուդան՝ ասիկա տեսաւ։

ԵՐԵՄԵԱՅ 3:7 Iomraidhean Croise

Բ. ՄՆԱՑՈՐԴԱՑ 17:4

Հապա իր հօրը Աստուածը փնտռեց, անոր պատուիրանքներուն մէջ քալելով եւ ո՛չ թէ Իսրայէլին պէս ընելով։

ԵՐԵՄԵԱՅ 12:1

Ո՛վ Տէր, երբ քեզի դէմ գանգատիմ, դուն արդար պիտի գտնուիս. Սակայն իրաւունքի վրայով պիտի խօսիմ քեզի. Ինչո՞ւ ամբարիշտներուն ճամբան կը յաջողի Ու բոլոր նենգութիւն ընողները հանգստութիւն կը վայելեն։

ԵՐԵՄԵԱՅ 33:24

«Չե՞ս լսեր թէ այս ժողովուրդը ի՛նչ կը խօսի ու կ’ըսէ. ‘Տէրը իր ընտրած երկու ազգատոհմերը երեսէ ձգեց ու անոնք իմ ժողովուրդս կ’անարգեն, զանիկա իրենց առջեւ ազգ չսեպելու չափ’։

ԵՐԵՄԵԱՅ 5:11

Քանզի Իսրայէլին տունը եւ Յուդային տունը Ինծի խիստ անհաւատարիմ եղան», կ’ըսէ Տէրը։

ԵԶԵԿԻԷԼԻ 16:46

Քու մեծ քոյրդ Սամարիան է, Որ իր աղջիկներովը քու ձախ կողմդ կը բնակի։ Քեզմէ պզտիկ քոյրդ Սոդոմն է, Որ իր աղջիկներովը քու աջ կողմդ կը բնակի։

ԵԶԵԿԻԷԼԻ 16:47

Դուն անոնց ճամբաներուն մէջ չքալեցիր, Անոնց պղծութիւններուն պէս չըրիր. Հապա որպէս թէ անոնց ըրածը պզտիկ ու չնչին էր, Դուն քու բոլոր ճամբաներուդ մէջ անոնցմէ աւելի ապականեցար։

ՈՎՍԵԱՅ 11:7

Իմ ժողովուրդս ինծի դէմ ապստամբելու հակամէտ է։ Թէեւ անոնք Բարձրեալին կը հրաւիրուին, Սակայն ոեւէ մէկը զանիկա չի բարձրացներ։

ՈՎՍԵԱՅ 14:1

Ո՛վ Իսրայէլ, քու Տէր Աստուծոյդ դարձիր, Քանզի քու անօրէնութեանդ պատճառով գլորեցար։

ԱՄՈՎՍԱՅ 4:8

Երկու երեք քաղաք՝ ջուր խմելու համար՝ Մէկ քաղաքի մէջ հաւաքուեցան, Բայց չգոհացան։ Նորէն ինծի չդարձաք», կ’ըսէ Տէրը։

ՄԱՂԱՔԵԱՅ 2:11

Յուդան նենգութիւն ըրաւ։ Իսրայէլի մէջ ու Երուսաղէմի մէջ պղծութիւն գործուեցաւ։ Յուդան պղծեց Տէրոջը սրբարանը, որ ինք կը սիրէր Եւ օտար աստուծոյ աղջկանը այր եղաւ։