ԵՐԵՄԵԱՅ 2:21 - Western Armenian Bible 1853

²¹ Ես քեզ իբր ընտիր որթատունկ Ու բոլորովին մաքուր սերմ տնկեր էի Եւ դուն ի՞նչպէս վայրենի որթատունկի անպիտան ճիւղերու պէս եղար։

ԵՐԵՄԵԱՅ 2:21 Iomraidhean Croise

ԾՆՆԴՈՑ 18:19

Քանզի գիտեմ զանիկա, որ իր որդիներուն ու իրմէ ետքը իր տանը պիտի պատուիրէ եւ անոնք արդարութիւն ու իրաւունք ընելու համար՝ Տէրոջը ճամբան պիտի պահեն. որպէս զի Տէրը Աբրահամին վրայ բերէ, ինչ որ խօսեցաւ»։

ԾՆՆԴՈՑ 32:28

Անիկա ըսաւ. «Ալ անգամ մըն ալ քու անունդ Յակոբ չըսուի, հապա Իսրայէլ. վասն զի Աստուծոյ հետ ու մարդոց հետ մարտնչեցար եւ յաղթեցիր»։

ՍԱՂՄՈՍ 105:6

Ո՛վ անոր ծառային՝ Աբրահամին՝ սերունդ, Ո՛վ Յակոբի որդիներ, անոր ընտրեալները։

ՍԱՂՄՈՍ 44:2

Դուն քո ձեռքովդ հեթանոսները քշեցիր Ու զանոնք տնկեցիր։ Չարչարեցիր ժողովուրդները Ու տարածեցիր զանոնք։

ՍԱՂՄՈՍ 80:8

Եգիպտոսէն որթատունկ մը փոխադրեցիր, Հեթանոսները վռնտեցիր ու զանիկա տնկեցիր։

ՍԱՂՄՈՍ 80:9

Անոր առջեւէն տե՛ղ պատրաստեցիր, Անոր արմատները հաստատեցիր Եւ անիկա երկիրը լեցուց։

ԵԼԻՑ 15:17

Պիտի բերես զանոնք ու քու ժառանգութեանդ լեռը պիտի տնկես զանոնք, Ո՛վ Տէր, այն տեղը, որ քու բնակութեանդ համար շինեցիր. Ո՛վ Տէր, այն սրբարանին մէջ, որ քու ձեռքերդ շինեցին։

ԵՍԱՅԵԱՅ 1:21

Ինչպէս պոռնկացաւ այդ հաւատարիմ քաղաքը։ Անիկա իրաւունքով լեցուն էր Ու անոր մէջ արդարութիւնը կը բնակէր, Բայց հիմա մարդասպաններու բնակարան եղած է։

ԵՍԱՅԵԱՅ 27:2

«Այն օրը գինիի այգիին վրայ երգեցէք.

ԵՍԱՅԵԱՅ 41:8

Բայց դո՛ւն, ո՛վ իմ ծառաս Իսրայէլ եւ Իմ ընտրեալս Յակո՛բ, Իմ սիրելիիս՝ Աբրահամին՝ սերունդը,

ԵՍԱՅԵԱՅ 5:4

Իմ այգիիս ուրիշ ի՞նչ պէտք էր ընէի, Որ ես անոր չըրի։ Ինչո՞ւ համար, երբ ես խաղող տալուն կը սպասէի, Անիկա ազոխ տուաւ։

ԵՍԱՅԵԱՅ 60:21

Ու քու բոլոր ժողովուրդդ արդար պիտի ըլլայ Ու երկիրը յաւիտենապէս պիտի ժառանգէ։ Իմ տնկած տունկս՝ իմ ձեռքերուս գործը՝ Իմ փառքիս համար պիտի ըլլայ։

ԵՍԱՅԵԱՅ 61:3

Սիօնի սգաւորները որոշելու Ու անոնց մոխիրի տեղ՝ փառք, Սուգի տեղ՝ ուրախութեան իւղ, Կոտրած հոգիի տեղ գովութեան պատմուճան տալու։ Եւ զանոնք պիտի անուանեն Արդարութեան բեւեկնիներ, Որոնք Տէրը տնկեր է իր փառքին համար։

ԵՐԵՄԵԱՅ 11:16

Տէրը քու անունդ Կանանչ, գեղեցիկ ու բարեպտուղ ձիթենի դրաւ, Բայց անոր վրայ մեծ աղմուկի ձայնով կրակ բռնկցուց Եւ անոր ոստերը սպառեցան։

ԵՐԵՄԵԱՅ 11:17

Քեզ տնկող զօրքերու Տէրը Քեզի չարիք կամեցաւ։ Իսրայէլի տանը ու Յուդայի տանը չարութեանը համար, Որ անոնք գործեցին Եւ Բահաղի խունկ ծխելով՝ զիս բարկացուցին»։

ԵՐԵՄԵԱՅ 5:10

«Անոր պարիսպներուն վրայ ելէ՛ք ու կործանեցէ՛ք, Բայց ո՛չ բոլորովին։ Անոր մարտկոցները վերցուցէ՛ք, Վասն զի անոնք Տէրոջը չեն։

ՈՂԲՔ ԵՐԵՄԵԱՅ 4:1

Ոսկին ինչպէ՜ս իր գոյնը կորսնցուց ու մաքուր ոսկին փոխուեցաւ։ Սրբարանին քարերը բոլոր փողոցներուն գլուխը թափուեցան։

ԵԶԵԿԻԷԼԻ 15:2

«Որդի՛ մարդոյ, որթատունկին փայտը ի՞նչ առաւելութիւն ունի ուրիշ փայտերէ, Այսինքն այնպիսի ճիւղ մը, որ անտառի ծառերուն մէջ է։

ՄԱՏԹԷՈՍ 21:33

Ուրիշ առակ մըն ալ լսեցէք. «Տանտէր մը կար որ այգի մը տնկեց ու ցանկով պատեց զանիկա եւ անոր մէջ հնձան փորեց ու աշտարակ շինեց եւ զանիկա մշակներու յանձնեց ու ինք օտար երկիր մը գնաց։

ՄԱՐԿՈՍ 12:1

Ապա շարունակեց առակներով խօսիլ անոնց հետ ու ըսել. «Մարդ մը այգի տնկեց, անոր շուրջը ցանկ քաշեց, հնձան փորեց, աշտարակ շինեց եւ զանիկա մշակներու յանձնեց ու ինք օտար երկիր մը գնաց։

ՂՈԻԿԱՍ 20:9

Յիսուս այս առակը ըսաւ ժողովուրդին. «Մարդ մը այգի տնկեց եւ զանիկա մշակներու յանձնեց ու ինք օտար երկիր երթալով՝ շատ ժամանակ մնաց։

ՅՈՎՀԱՆՆՈԻ 15:1

«Ես եմ ճշմարիտ որթը եւ իմ Հայրս մշակն է։

Բ. ՕՐԻՆԱՑ 32:32

Վասն զի անոնց որթատունկը Սոդոմի որթատունկէն է Ու Գոմորի արտէն է. Անոնց խաղողները թունաւոր խաղողներ են Ու անոնց ողկոյզները դառն են.

Բ. ՕՐԻՆԱՑ 4:37

Քու հայրերդ սիրելուն համար անոնցմէ ետքը անոնց սերունդը ընտրեց ու իր ներկայութեամբ մեծ զօրութիւնով քեզ Եգիպտոսէն հանեց.

ՅԵՍՈՒԱՅ 24:31

Յեսուի բոլոր օրերուն մէջ ու Յեսուէն ետքը ողջ մնացող եւ Իսրայէլին համար Տէրոջը ըրած բոլոր գործերը գիտցող ծերերուն բոլոր օրերուն մէջ, Իսրայէլ Տէրոջը ծառայութիւն ըրաւ։