ԵՐԵՄԵԱՅ 19:9 - Western Armenian Bible 1853

⁹ Պաշարման ատենը այն նեղութեանը մէջ, որով անոնց թշնամիները եւ անոնց հոգին փնտռողները զանոնք պիտի նեղեն, իրենց տղոցը ու աղջիկներուն միսը պիտի կերցնեմ անոնց ու իրարու միս պիտի ուտեն’»։

ԵՐԵՄԵԱՅ 19:9 Iomraidhean Croise

Դ. ԹԱԳԱՒՈՐԱՑ 25:3

Ամսուան իննին քաղաքին մէջ սաստիկ սով կար։ Երկրին ժողովուրդը հաց չունէր։

ԵՍԱՅԵԱՅ 9:20

Աջ կողմը եղածը պիտի յափշտակէ ու անօթի պիտի մնայ։ Ձախ կողմինն ալ պիտի ուտէ ու պիտի չկշտանայ։ Ամէն մարդ իր բազուկներուն միսը պիտի ուտէ։

ԵՐԵՄԵԱՅ 13:14

Եւ զանոնք իրարու զարնելով պիտի կոտրտեմ, Հայրերը տղոցը հետ մէկտեղ կ’ըսէ Տէրը Եւ անոնց պիտի չգթամ ու պիտի չխնայեմ Եւ առանց ողորմելու զանոնք բնաջինջ պիտի ընեմ’։

ԵՐԵՄԵԱՅ 38:9

«Ո՛վ տէր իմ թագաւոր, այս մարդիկը սխալ ըրին Երեմիա մարգարէն գուբը նետելով. քանզի քաղաքին մէջ ա՛լ հաց չգտնուելուն համար՝ անիկա հոն անօթութենէն պիտի մեռնի՝ ՝»։

ՈՂԲՔ ԵՐԵՄԵԱՅ 2:20

Տե՛ս, ո՛վ Տէր ու նայէ՛, որո՞ւ այսպէս ըրիր. Միթէ կիները իրենց պտուղը՝ իրենց գրկած տղաքները՝ պիտի ուտե՞ն. Քահանան ու մարգարէն Տէրոջը սրբարանին մէջ պիտի սպաննուի՞ն։

ՈՂԲՔ ԵՐԵՄԵԱՅ 4:10

Գթասիրտ կիներուն ձեռքերը իրենց տղաքը եփեցին, Իմ ժողովուրդիս աղջկան կոտորածին ատենը իրենց կերակուր եղան։

ԵԶԵԿԻԷԼԻ 5:10

Անոր համար քու հայրերդ իրենց տղաքը պիտի ուտեն ու տղաքը իրենց հայրերը պիտի ուտեն։ Քեզի դէմ տրուած վճիռները պիտի գործադրեմ ու քու բոլոր վերապրողներդ ամէն հովի պիտի ցրուեմ’։

ՂԵՒՏԱՑՒՈՑ 26:29

Եւ ձեր տղաքներուն միսը պիտի ուտէք ու ձեր աղջիկներուն միսը պիտի ուտէք։