ԵՓԵՍԱՑԻՍ 3:3 - Western Armenian Bible 1853

³ Թէ այն խորհուրդը յայտնութիւնով ցուցուեցաւ ինծի. (ինչպէս նախապէս ալ ձեզի համառօտաբար գրեցի,

Արեւմտահայերէն Նոր Կտակարան հարմարցուած․ 2017

³ թէ այն խորհուրդը յայտնութիւնով ցուցուեցաւ ինծի. (ինչպէս նախապէս ալ ձեզի համառօտաբար գրեցի,

Western Armenian New Translation - Armenian Catholicosate of Cilicia - New Testament

³ Եւ յայտնութեամբ մը ինծի ցոյց տուաւ իր ծածուկ ծրագիրը, ինչպէս վերը համառօտակի գրեցի։

ԵՓԵՍԱՑԻՍ 3:3 Iomraidhean Croise

ԳՈՐԾՔ ԱՌԱՔԵԼՈՑ 22:17

Երբ Երուսաղէմ դարձայ ու տաճարին մէջ աղօթք կ’ընէի, մտքի յափշտակութիւն մը եկաւ վրաս.

ԳՈՐԾՔ ԱՌԱՔԵԼՈՑ 22:21

Բայց ինծի ըսաւ. «Գնա՛, վասն զի ես քեզ հեռաւոր հեթանոսներուն պիտի ղրկեմ»։

ԳՈՐԾՔ ԱՌԱՔԵԼՈՑ 23:9

Մեծ աղաղակ մը եղաւ ու Փարիսեցիներուն կողմէն եղող դպիրները ոտքի վրայ ելլելով՝ դէմ կեցան ու կ’ըսէին. «Մենք այս մարդուն վրայ չարութիւն մը չենք գտներ. հապա եթէ հոգի մը կամ հրեշտակ մը ատոր խօսած է, ի՞նչ ընենք»։

ՀՌՈՎՄԱՅԵՑԻՍ 11:25

Վասն զի չեմ ուզեր, եղբայրնե՛ր, որ չգիտնաք այս խորհուրդը, (որպէս զի ինքզինքնիդ իմաստուն չսեպէք,) որ Իսրայէլին մասամբ կուրութիւն եղաւ, մինչեւ հեթանոսներուն լրութիւնը մտնէ։

ՀՌՈՎՄԱՅԵՑԻՍ 16:25

Արդ՝ անոր, որ կարող է ձեզ հաստատել իմ աւետարանիս պէս ու Յիսուս Քրիստոսին քարոզութեանը պէս, այն խորհուրդին յայտնուելուն պէս՝ որ յաւիտենական ատեններէն ի վեր ծածկուած էր,

ԵՐԿՐՈՐԴ ԿՈՐՆԹԱՑԻՍ 12:1

Պարծենալը իրաւցընէ անօգուտ է. միայն թէ Տէրոջը տեսիլքներուն ու յայտնութիւններուն հասնիմ։

ԳԱՂԱՏԱՑԻՍ 1:12

Որովհետեւ ես ալ մարդէ չառի զանիկա, եւ մէկէ՛ն ալ չսորվեցայ, հապա Յիսուս Քրիստոսին յայտնութենէն։

ԵՓԵՍԱՑԻՍ 1:17

Որպէս զի մեր Տէր Յիսուս Քրիստոսին Աստուածը՝ փառաց Հայրը՝ տայ ձեզի իմաստութեան ու յայտնութեան հոգին իր գիտութիւնովը։

ԵՓԵՍԱՑԻՍ 3:4

Որը կրնաք կարդալ ու հասկնալ թէ ես տեղեակ եմ Քրիստոսին խորհուրդին.)

ԵՓԵՍԱՑԻՍ 3:6

Որպէս զի հեթանոսները Քրիստոսով ժառանգակից ու մարմնակից եւ անոր խոստումին հաղորդ ըլլան աւետարանով.

ԵՓԵՍԱՑԻՍ 3:9

Եւ ամէնքը լուսաւորելու, որպէս զի գիտնան թէ ի՛նչ է այն խորհուրդին անօրէնութիւնը՝ որ յաւիտեանս ծածկուած էր Աստուծոյ քով, որ ամէն բան ստեղծեց.

ԵՓԵՍԱՑԻՍ 6:19

Ինծի համար ալ, որպէս զի ինծի խօսք տրուի, որ բերանս բանամ համարձակութեամբ աւետարանին խորհուրդը յայտնելու.

ԿՈՂՈՍԱՑԻՍ 2:2

Որպէս զի անոնց սրտերը մխիթարուին՝ սիրով միացած ու կատարեալ իմաստութեան բոլոր ճոխութեանը հասնին, այսինքն Հօր Աստուծոյ եւ Քրիստոսին խորհուրդին գիտութեանը.

ԿՈՂՈՍԱՑԻՍ 4:3

Աղօթք ըրէք նաեւ մեզի համար, որպէս զի Աստուած խօսքին դուռը բանայ մեզի Քրիստոսին խորհուրդը յայտնելու, որուն համար կապուած ալ եմ,

ԵԲՐԱՅԵՑԻՍ 13:22

Կ’աղաչեմ ձեզի, եղբա՛յրներ, այս յորդորական խօսքիս համբերել, վասն զի համառօտաբար գրեցի ձեզի։

ԱՌԱՋԻՆ ՊԵՏՐՈՍԻ 5:12

Սիղուանոս հաւատարիմ եղբօր ձեռքով, (ինչպէս ես կը կարծեմ,) համառօտ մը ձեզի գրեցի, յորդորելով ու վկայելով թէ այս է Աստուծոյ ճշմարիտ շնորհքը, որուն մէջ հաստատ կեցեր էք։

ԵՐԿՐՈՐԴ ՊԵՏՐՈՍԻ 3:15

Մեր Տէրոջը երկայնմտութիւնը փրկութիւն սեպեցէք ինչպէս մեր սիրելի եղբայրը՝ Պօղոս ալ՝ իրեն տրուած իմաստութիւնովը գրեց ձեզի.