ԵՐԿՐՈՐԴ ՏԻՄՈԹԷՈՍ 2:18 - Western Armenian Bible 1853

¹⁸ Որոնք ճշմարտութենէն մոլորեցան ու կ’ըսեն թէ մեռելներուն յարութիւնը արդէն եղած է եւ կը կործանեն ոմանց հաւատքը։

Արեւմտահայերէն Նոր Կտակարան հարմարցուած․ 2017

¹⁸ որոնք ճշմարտութենէն մոլորեցան ու կ’ըսեն թէ մեռելներուն յարութիւնը արդէն եղած է եւ կը կործանեն ոմանց հաւատքը։

Western Armenian New Translation - Armenian Catholicosate of Cilicia - New Testament

¹⁸ որոնք ճշմարտութենէն շեղեցան եւ շատերու հաւատքը քանդեցին, ըսելով՝ թէ մեռելներու յարութիւնը արդէն տեղի ունեցած է։

ԵՐԿՐՈՐԴ ՏԻՄՈԹԷՈՍ 2:18 Iomraidhean Croise

ՄԱՏԹԷՈՍ 15:13

Ան ալ պատասխան տալով՝ ըսաւ. «Ամէն տունկ որ իմ երկնաւոր Հայրս չէ տնկեր, պիտի խլուի։

ՄԱՏԹԷՈՍ 22:29

Յիսուս պատասխան տալով՝ անոնց ըսաւ. «Դուք մոլորած էք։ Ո՛չ գրքերը գիտէք եւ ո՛չ Աստուծոյ զօրութիւնը.

ՂՈԻԿԱՍ 8:13

Ապառաժին վրայինները անոնք են՝ որ երբ լսեն, ուրախութեամբ կ’ընդունին խօսքը, բայց արմատ չունին։ Ատեն մը կը հաւատան ու փորձութեան ժամանակ կը հեռանան։

ԳՈՐԾՔ ԱՌԱՔԵԼՈՑ 5:39

Իսկ եթէ Աստուծմէ է՝ չէք կրնար ատիկա քակել. չըլլայ թէ Աստուծոյ դէմ մարտնչիք»։

ԱՌԱՋԻՆ ԿՈՐՆԹԱՑԻՍ 11:19

Վասն զի հարկաւ ձեր մէջ հերձուածներ ալ պիտի ըլլան, որպէս զի ձեր մէջ եղող ընտիրները երեւնան։

ԱՌԱՋԻՆ ԿՈՐՆԹԱՑԻՍ 15:12

Ուրեմն եթէ Քրիստոս կը քարոզուի, որ մեռելներէն յարութիւն առած է, ի՞նչպէս ձեզմէ մէկ քանիները կ’ըսեն թէ՝ ‘Մեռելներուն յարութիւն չկայ’։

ԿՈՂՈՍԱՑԻՍ 3:1

Արդ եթէ Քրիստոսին հետ յարութիւն առիք, ուրեմն վերի բաները փնտռեցէք, ուր Քրիստոս կը նստի Աստուծոյ աջ կողմը։

ԱՌԱՋԻՆ ՏԻՄՈԹԷՈՍ 1:19

Եւ ունենաս հաւատք ու մաքուր խղճմտանք, որ մէկ քանիները իրենցմէ մէկդի ձգելով՝ նաւակոծութիւն կրեցին հաւատքին կողմանէ.

ԱՌԱՋԻՆ ՏԻՄՈԹԷՈՍ 6:10

Վանս զի բոլոր չարութիւններուն արմատը արծաթսիրութիւնն է, որուն մէկ քանիները անձնատուր ըլլալով՝ հաւատքէն մոլորեցան ու ինքզինքնին շատ ցաւերով խոցեցին։

ԱՌԱՋԻՆ ՏԻՄՈԹԷՈՍ 6:21

Մէկ քանիները զանոնք դաւանելով՝ հաւատքէն մոլորեցան։ Շնորհքը քեզի հետ ըլլայ։ Ամէն։

ԵՐԿՐՈՐԴ ՏԻՄՈԹԷՈՍ 2:14

Այս բաները անոնց միտքը ձգէ՝ Տէրոջը առջեւ վկայելով, խօսքերու վրայ վէճ չընել՝ որ բանի մը օգտակար չէ, հապա միայն կը կործանէ լսողները։

ՏԻՏՈՍԻՆ 1:11

Անոնք պէտք է պապանձեցնել, քանի որ ամբողջ տուներ կը կործանեն ու անպատեհ բաներ կը սորվեցնեն անարգ շահախնդրութեան համար.

ԵԲՐԱՅԵՑԻՍ 3:10

Անոր համար զզուեցայ այն ազգէն ու ըսի. ‘Միշտ մոլորեցան իրենց սրտով եւ իմ ճամբաներս չճանչցան անոնք’.

ՅԱԿՈԲՈՒ 5:19

Ե՛ղբայրներ, եթէ ձեզմէ մէկը ճշմարտութենէն մոլորի, մէկը թող զանիկա դարձի բերէ։

ԱՌԱՋԻՆ ՅՈՎՀԱՆՆՈՒ 2:19

Մեզմէ ելան ոմանք՝ բայց մեզմէ չէին. վասն զի եթէ մեզմէ ըլլային, մեզի հետ պիտի մնային։ Բայց մեզմէ ելան, որպէս զի յայտնի ըլլայ թէ անոնք ամէնքը մեզմէ չէին։