ԵՐԿՐՈՐԴ ՏԻՄՈԹԷՈՍ 1:13 - Western Armenian Bible 1853

¹³ Ամո՛ւր բռնէ այն ողջամիտ խօսքերուն օրինակը որոնք ինծմէ լսեցիր, հաւատքով ու սիրով՝ որ Քրիստոս Յիսուսով է։

Արեւմտահայերէն Նոր Կտակարան հարմարցուած․ 2017

¹³ Ամո՛ւր բռնէ այն ողջամիտ խօսքերուն օրինակը որոնք ինծմէ լսեցիր, հաւատքով ու սիրով՝ որ Քրիստոս Յիսուսով է։

Western Armenian New Translation - Armenian Catholicosate of Cilicia - New Testament

¹³ Դուն քեզի օրինակ ունեցիր այն ողջմիտ ուսուցումները որ ինձմէ լսեցիր, այն հաւատքով եւ սիրով՝ որ մենք՝ Քրիստոս Յիսուսի միացածներս ունինք։

ԵՐԿՐՈՐԴ ՏԻՄՈԹԷՈՍ 1:13 Iomraidhean Croise

ԱՌԱԿԱՑ 23:23

Ճշմարտութիւնը ծախու ա՛ռ ու զանիկա մի՛ ծախեր։ Նմանապէս՝ իմաստութիւնը, խրատն ու հանճարը։

ԱՌԱԿԱՑ 3:18

Անիկա իրեն յարողներուն կենաց ծառ է Ու զինք բռնողները երջանիկ կ’ըլլան։

ԱՌԱԿԱՑ 3:21

Որդեա՛կ իմ, ասոնք քու աչքերուդ առջեւէն թող չերթան, Իմաստութիւնն ու խոհեմութիւնը քովդ պահէ

ԱՌԱԿԱՑ 4:13

Ամուր բռնէ խրատը ու բնաւ մի՛ թողուր. Զանիկա պահէ՛, վասն զի քու կեանքդ անիկա է։

ԱՌԱԿԱՑ 8:14

Խորհուրդը եւ խոհականութիւնը, Հանճարն ու զօրութիւնը իմս են։

ՀՌՈՎՄԱՅԵՑԻՍ 2:20

Անմիտներուն՝ խրատ տուող, տղայոց՝ վարժապետ, վստահ ես թէ օրէնքով գիտութեան ու ճշմարտութեան կերպարանքը ունիս։

ՀՌՈՎՄԱՅԵՑԻՍ 6:17

Բայց գոհութիւն Աստուծոյ, որ թէեւ դուք մեղքի ծառայ էիք, սակայն սրտանց հնազանդեցաք այն վարդապետութեան գաղափարին, որ ձեզի յանձնուեցաւ։

ՓԻԼԻՊՊԵՑԻՍ 1:27

Միայն թէ Քրիստոսին աւետարանին ինչպէս կը վայլէ՝ այնպէս վարուեցէք. որպէս զի եթէ գամ ու ձեզ տեսնեմ եւ կամ հեռու ըլլամ, ձեր վրայովը լսեմ թէ դուք հաստատուն կը կենաք մէկ հոգիով ու մէկ շունչով պատերազմակից կ’ըլլաք աւետարանին հաւատքին համար։

ՓԻԼԻՊՊԵՑԻՍ 4:9

Ինչ որ սորվեցաք ու առիք եւ լսեցիք ու տեսաք իմ վրաս, զա՛յն ըրէք եւ խաղաղութեան Աստուածը ձեզի հետ պիտի ըլլայ։

ԿՈՂՈՍԱՑԻՍ 1:4

Լսելով ձեր հաւատքը որ Քրիստոս Յիսուսին վրայ եւ այն սէրը, որ բոլոր սուրբերուն վրայ ունիք.

ԱՌԱՋԻՆ ԹԵՍԱՂՈՆԻԿԵՑԻՍ 5:21

Ամէն բան փորձեցէ՛ք, բարին ամուր բռնեցէ՛ք։

ԱՌԱՋԻՆ ՏԻՄՈԹԷՈՍ 1:10

Պոռնիկներուն, արուագէտներուն, մարդ գողցողներուն, ստախօսներուն, սուտ երդում ընողներուն եւ թէ ուրիշ ոեւէ բանի որ հակառակ է ողջամիտ վարդապետութեան,

ԱՌԱՋԻՆ ՏԻՄՈԹԷՈՍ 1:14

Մեր Տէրոջը շնորհքը խիստ շատ եղաւ ինծի հաւատքով ու սիրով՝ որ Քրիստոս Յիսուսով է։

ԱՌԱՋԻՆ ՏԻՄՈԹԷՈՍ 6:3

Եթէ մէկը ուրիշ կերպ բան սորվեցնէ ու մտիկ չընէ մեր Տէրոջը Յիսուս Քրիստոսին ողջամիտ խօսքերուն եւ այն վարդապետութեանը, որ աստուածպաշտութեան համաձայն է,

ԵՐԿՐՈՐԴ ՏԻՄՈԹԷՈՍ 1:1

Պօղոս՝ Յիսուս Քրիստոսի առաքեալ՝ Աստուծոյ կամքովը կենաց խոստումին պէս՝ որ Քրիստոս Յիսուսով է,

ԵՐԿՐՈՐԴ ՏԻՄՈԹԷՈՍ 1:14

Այն բարի աւանդը պահէ Սուրբ Հոգիին ձեռքով, որ մեր մէջ բնակած է։

ԵՐԿՐՈՐԴ ՏԻՄՈԹԷՈՍ 2:2

Եւ այն բաները որոնք ինծմէ լսեցիր շատ վկաներով՝ հաւատարիմ մարդոց յանձնէ, որպէս զի անոնք ալ կարող ըլլան ուրիշներուն սորվեցնել։

ԵՐԿՐՈՐԴ ՏԻՄՈԹԷՈՍ 3:14

Սակայն դուն հաստատո՛ւն կեցիր այն բաներուն մէջ որոնք սորվեցար ու որոնց հաւատացիր, վասն զի գիտես թէ որմէ՛ սորված ես.

ԵՐԿՐՈՐԴ ՏԻՄՈԹԷՈՍ 4:3

Վասն զի ժամանակ պիտի գայ որ ողջամիտ վարդապետութեանը պիտի չհամբերեն, հապա հաճելի բաներ լսելու մարմաջով իրենց ցանկութիւններուն համեմատ վարդապետներ պիտի դիզեն իրենց

ՏԻՏՈՍԻՆ 1:9

Հաստատ բռնելով վարդապետութեան հաւատարիմ խօսքը, որպէս զի կարող ըլլայ ողջամիտ վարդապետութիւնով յորդորել եւ հակառակ կեցողները յանդիմանել։

ՏԻՏՈՍԻՆ 2:1

Սորվեցուր ինչ որ կը վայլէ ողջամիտ վարդապետութեան։

ՏԻՏՈՍԻՆ 2:8

Ողջամիտ ու անմեղադրելի խօսք, որպէս զի հակառակ կեցողը ամչնայ ու մեր վրայով գէշ բան մը չկրնայ ըսել։

ԵԲՐԱՅԵՑԻՍ 10:23

Անխախտ պահենք յոյսին դաւանութիւնը, վասն զի հաւատարիմ է անիկա որ խոստացաւ։

ԵԲՐԱՅԵՑԻՍ 3:6

Բայց Քրիստոս՝ որդիի մը պէս իր տանը վրայ, որուն տունը մենք ենք, միայն թէ այն համարձակութիւնը եւ յոյսին պարծանքը մինչեւ վերջը հաստատ բռնենք։

ԵԲՐԱՅԵՑԻՍ 4:14

Արդ՝ մենք որ մեծ Քահանայապետ մը ունինք երկինքը գացած, Յիսուսը՝ Աստուծոյ Որդին՝ ամուր բռնենք մեր դաւանութիւնը։

ՅՈՒԴԱՅԻ 1:3

Սի՛րելիներ, բոլոր ջանքը վրաս առնելով ձեզի կը գրեմ հասարակաց փրկութեան համար, իմ անձիս պարտք սեպեցի ձեզի գրել ու յորդորել, որ մրցիք այն հաւատքին համար, որ անգամ մը սուրբերուն աւանդուեցաւ

ՅԱՅՏՆՈՒԹԻՒՆ 2:25

Հապա զայն որ ունիք՝ պահեցէք մինչեւ ես գամ։

ՅԱՅՏՆՈՒԹԻՒՆ 3:11

Ահա ես շուտով պիտի գամ։ Ունեցածդ ամուր բռնէ, որպէս զի մէ՛կը չառնէ քու պսակդ։

ՅԱՅՏՆՈՒԹԻՒՆ 3:3

Հիմա միտքդ բեր թէ ի՛նչպէս ընդունեցիր ու լսեցիր ու պահէ՛ եւ ապաշխարէ՛. բայց եթէ արթննալու չըլլաս, գողի պէս քու վրադ պիտի գամ ու բնաւ պիտի չգիտնաս թէ ո՞ր ժամուն քու վրադ պիտի գամ։