ԵՐԿՐՈՐԴ ՏԻՄՈԹԷՈՍ 1:1 - Western Armenian Bible 1853

¹ Պօղոս՝ Յիսուս Քրիստոսի առաքեալ՝ Աստուծոյ կամքովը կենաց խոստումին պէս՝ որ Քրիստոս Յիսուսով է,

Արեւմտահայերէն Նոր Կտակարան հարմարցուած․ 2017

¹ Պօղոս՝ Յիսուս Քրիստոսի առաքեալ՝ Աստուծոյ կամքովը կենաց խոստումին պէս՝ որ Քրիստոս Յիսուսով է,

Western Armenian New Translation - Armenian Catholicosate of Cilicia - New Testament

¹ Ես՝ Պօղոս, որ Աստուծոյ կամքով Յիսուս Քրիստոսի առաքեալը եղայ՝ որպէսզի քարոզեմ իր խոստացած կեանքը, որ մենք՝ Քրիստոս Յիսուսի միացողներս ունինք,

ԵՐԿՐՈՐԴ ՏԻՄՈԹԷՈՍ 1:1 Iomraidhean Croise

ՅՈՎՀԱՆՆՈԻ 10:28

Ես անոնց յաւիտենական կեանք կու տամ ու յաւիտեան պիտի չկորսուին եւ մէ՛կը իմ ձեռքէս պիտի չյափշտակէ զանոնք։

ՅՈՎՀԱՆՆՈԻ 17:3

Այս է յաւիտենական կեանքը, որ ճանչնան քեզ միմիայն ճշմարիտ Աստուածդ ու Յիսուս Քրիստոսը, որ դուն ղրկեցիր։

ՅՈՎՀԱՆՆՈԻ 5:24

Ճշմարիտ ճշմարիտ կ’ըսեմ ձեզի թէ ‘Ան որ իմ խօսքս մտիկ կ’ընէ եւ կը հաւատայ անոր որ զիս ղրկեց, յաւիտենական կեանք ունի ու դատապարտութեան տակ չիյնար, հապա մահուանէ դէպի կեանք անցած է’։

ՅՈՎՀԱՆՆՈԻ 6:40

Քանզի զիս ղրկողին կամքը այս է, որ այն ամէնը որ կը տեսնեն Որդին եւ կը հաւատան անոր, յաւիտենական կեանք ունենան, ե՛ս ալ անոնց յարութիւն առնել պիտի տամ վերջին օրը»։

ՅՈՎՀԱՆՆՈԻ 6:54

Յիսուս ըսաւ անոնց. «Ճշմարիտ ճշմարիտ կ’ըսեմ ձեզի. ‘Եթէ Որդի մարդոյ մարմինը չուտէք եւ անոր արիւնը չխմէք, ձեր անձերուն մէջ կեանք չէք ունենար’։

ՀՌՈՎՄԱՅԵՑԻՍ 1:1

Պօղոս, Յիսուս Քրիստոսի ծառայ, առաքեալ ըլլալու կանչուած, Աստուծոյ աւետարանին համար որոշուած,

ՀՌՈՎՄԱՅԵՑԻՍ 5:21

Որպէս զի ինչպէս մեղքը թագաւորեց մահով, այնպէս շնորհքը թագաւորէ արդարութիւնով՝ մինչեւ յաւիտենական կեանքը մեր Տէրոջը Յիսուս Քրիստոսին ձեռքով։

ՀՌՈՎՄԱՅԵՑԻՍ 6:23

Քանզի մեղքին վարձքը մահ է, բայց Աստուծոյ ձրի պարգեւը յաւիտենական կեանք՝ մեր Տէրոջը Յիսուս Քրիստոսին ձեռքով։

ԱՌԱՋԻՆ ԿՈՐՆԹԱՑԻՍ 1:1

Պօղոս, Աստուծոյ կամքովը Յիսուս Քրիստոսի առաքեալ ըլլալու կանչուած ու Սոսթենէս եղբայրը,

ԵՐԿՐՈՐԴ ԿՈՐՆԹԱՑԻՍ 1:1

Պօղոս, Աստուծոյ կամքովը Յիսուս Քրիստոսին առաքեալը ու Տիմոթէոս մեր եղբայրը. Կորնթոսի մէջ եղած Աստուծոյ եկեղեցիին եւ Աքայիայի մէջ եղող բոլոր սուրբերուն.

ԵՐԿՐՈՐԴ ԿՈՐՆԹԱՑԻՍ 1:20

Քանզի որչափ որ Աստուծոյ խոստումները կան՝ իր մէջ «Այո» են ու իր մէջ «Ամէն» են Աստուծոյ փառքին համար մեր ձեռքով։

ԳԱՂԱՏԱՑԻՍ 3:26

Վասն զի ամէնքդ ալ Աստուծոյ որդիներ էք, Քրիստոս Յիսուսին վրայ եղած հաւատքով։

ԳԱՂԱՏԱՑԻՍ 3:28

Այսուհետեւ ո՛չ Հրեայ կայ, ո՛չ ալ Յոյն. ո՛չ ծառայ կայ, ո՛չ ալ ազատ. ո՛չ արու կայ, ո՛չ ալ էգ. վասն զի դուք ամէնքդ ալ մէկ էք Քրիստոս Յիսուսով։

ԵՓԵՍԱՑԻՍ 3:6

Որպէս զի հեթանոսները Քրիստոսով ժառանգակից ու մարմնակից եւ անոր խոստումին հաղորդ ըլլան աւետարանով.

ԱՌԱՋԻՆ ՏԻՄՈԹԷՈՍ 6:19

Հանդերձեալին համար կարենան անձին բարի հիմ դնել, որպէս զի յաւիտենական կեանքը ձեռք ձգեն։

ԵՐԿՐՈՐԴ ՏԻՄՈԹԷՈՍ 1:10

Բայց հիմա յայտնուեցաւ մեր Փրկչին Յիսուս Քրիստոսին երեւնալովը. որ մահը խափանեց եւ լուսաւորեց կեանքը ու անմահութիւնը աւետարանին միջոցաւ։

ԵՐԿՐՈՐԴ ՏԻՄՈԹԷՈՍ 1:13

Ամո՛ւր բռնէ այն ողջամիտ խօսքերուն օրինակը որոնք ինծմէ լսեցիր, հաւատքով ու սիրով՝ որ Քրիստոս Յիսուսով է։

ԵՐԿՐՈՐԴ ՏԻՄՈԹԷՈՍ 1:9

Որ մեզ փրկեց ու սուրբ կոչումով կանչեց, ո՛չ թէ մեր գործերուն նայելով, հապա իր նախասահմանութեանը եւ շնորհքին նայելով, որ Քրիստոս Յիսուսով մեզի տրուեցաւ յաւիտենական ժամանակներէն առաջ.

ԵՐԿՐՈՐԴ ՏԻՄՈԹԷՈՍ 2:1

Արդ՝ որդեա՛կս, զօրացի՛ր այն շնորհքովը որ Յիսուս Քրիստոսով է։

ԵՐԿՐՈՐԴ ՏԻՄՈԹԷՈՍ 2:10

Ուստի ամէն բանի կը համբերեմ ընտրեալներուն համար, որպէս զի անոնք ալ հասնին այն փրկութեանը, որ Քրիստոս Յիսուսով է յաւիտենական փառքով։

ԵՐԿՐՈՐԴ ՏԻՄՈԹԷՈՍ 2:3

Արդ՝ դուն նեղութիւններու համբերէ Յիսուս Քրիստոսի բարի զինուորի մը պէս։

ԵՐԿՐՈՐԴ ՏԻՄՈԹԷՈՍ 3:15

Նաեւ քու մանկութենէդ ի վեր սուրբ գրքերը գիտես, որոնք կրնան իմաստուն ընել քեզ փրկուելու Քրիստոս Յիսուսին վրայ եղած հաւատքովը։

ՏԻՏՈՍԻՆ 1:2

Յաւիտենական կեանքի յոյսով, որ անսուտն Աստուած խոստացած է դարեր առաջ

ՏԻՏՈՍԻՆ 1:4

Տիտոսին իմ հարազատ որդիիս հասարակաց հաւատքովը՝ շնորհք եւ խաղաղութիւն Հօր Աստուծմէն ու մեր Փրկչէն, Տէր Յիսուս Քրիստոսէն։

ԵԲՐԱՅԵՑԻՍ 9:15

Ասոր համար ինք նոր ուխտին միջնորդն է, որպէս զի իր մահը առաջին ուխտին ժամանակը գործուած յանցանքներուն քաւութեանը համար եղած ըլլալով, հրաւիրուածները յաւիտենական ժառանգութեան խոստումը առնեն։

ԱՌԱՋԻՆ ՅՈՎՀԱՆՆՈՒ 2:25

Եւ ասիկա է այն խոստումը, որ ինք ձեզի խոստացաւ, այսինքն՝ յաւիտենական կեանքը։