ԱՌԱՋԻՆ ՏԻՄՈԹԷՈՍ 5:13 - Western Armenian Bible 1853

¹³ Տունէ տուն կը պտըտին եւ ո՛չ միայն ծոյլ, հապա շատախօս ու հետաքրքիր կ’ըլլան եւ անպատեհ բաներ կը խօսին։

Արեւմտահայերէն Նոր Կտակարան հարմարցուած․ 2017

¹³ Տունէ տուն կը պտըտին եւ ո՛չ միայն ծոյլ, հապա շատախօս ու հետաքրքիր կ’ըլլան եւ անպատեհ բաներ կը խօսին։

Western Armenian New Translation - Armenian Catholicosate of Cilicia - New Testament

¹³ Միաժամանակ, ծուլութեան վարժուելով՝ կը սկսին տունէ տուն շրջիլ, եւ ո՛չ միայն ծոյլ, այլ նաեւ բամբասող ու հետաքրքիր կը դառնան, եւ իրենց գործը չեղած բաներու մասին կը խօսին։

ԱՌԱՋԻՆ ՏԻՄՈԹԷՈՍ 5:13 Iomraidhean Croise

ԱՌԱԿԱՑ 11:13

Բանսարկութեան պտըտողը գաղտնիքը կը յայտնէ, Բայց հաւատարիմ հոգի ունեցողը բանը կը ծածկէ։

ԱՌԱԿԱՑ 20:19

Բանսարկութիւն ընողը գաղտնիքը կը յայտնէ, Ուրեմն շողոքորթութիւն ընողին հետ հաղորդակցութիւն մի՛ ունենար։

ԱՌԱԿԱՑ 31:27

Իր տանը ճամբաները կը քննէ Եւ ծուլութեան հացը չ’ուտեր։

ԱՌԱԿԱՑ 7:11

Անիկա աղաղակող ու անզգամ էր Ու անոր ոտքերը իր տանը մէջ չէին կենար,

ՂԵՒՏԱՑՒՈՑ 19:16

Ձեր ժողովուրդին մէջ չարախօսութիւն ընելու մի՛ պտըտիք. ձեր ընկերին արիւնը մի՛ մտնէք. Ես եմ Տէրը։

ՂՈԻԿԱՍ 10:7

Այն տանը մէջ մնացէք ու անոնց քով կերէք ու խմեցէք, վասն զի մշակը իր վարձքին արժանի է։ Տունէ տուն մի՛ փոխուիք։

ԳՈՐԾՔ ԱՌԱՔԵԼՈՑ 20:20

Ի՛նչպէս վախնալով բնաւ ետ չկեցայ օգտակար բաներ ձեզի ըսելէ ու ձեզի՝ հրապարակաւ եւ տան մէջ՝ սորվեցնելէ.

ԳՈՐԾՔ ԱՌԱՔԵԼՈՑ 20:30

Եւ ձեզմէ ալ այնպիսի՛ մարդիկ պիտի ելլեն, որոնք ծուռ բաներ պիտի խօսին՝ աշակերտները իրենց ետեւէն քաշելու համար։

ԱՌԱՋԻՆ ՏԻՄՈԹԷՈՍ 5:12

Եւ դատապարտութիւն կ’ընդունին, վասն զի նախկին հաւատքնին մէկդի ձգելով կը ծուլանան։

ՏԻՏՈՍԻՆ 1:11

Անոնք պէտք է պապանձեցնել, քանի որ ամբողջ տուներ կը կործանեն ու անպատեհ բաներ կը սորվեցնեն անարգ շահախնդրութեան համար.

ՅԱԿՈԲՈՒ 3:10

Միեւնոյն բերնէն կ’ելլեն օրհնութիւն ու անէծք։ Ե՛ղբայրներս, պէտք չէ որ այս այսպէս ըլլայ։

ԱՌԱՋԻՆ ՊԵՏՐՈՍԻ 4:15

Չըլլայ թէ ձեզմէ մէկը չարչարուի իբրեւ մարդասպան կամ գող կամ չարագործ կամ իբրեւ ուրիշի բանին խառնուող.

ԵՐՐՈՐԴ ՅՈՎՀԱՆՆՈՒ 1:10

Ասոր համար եթէ գամ, անոր ըրած գործերը պիտի յիշեմ, որ մեզի դէմ շաղակրատելով չարախօսութիւն կ’ընէ։ Ասով ալ գոհ չըլլալէ զատ ո՛չ միայն ինք չընդունիր եղբայրները, այլ անոնք որ կ’ուզեն ընդունիլ՝ կ’արգիլէ ու եկեղեցիէն ալ կը հանէ։