ԱՌԱՋԻՆ ՊԵՏՐՈՍԻ 4:8 - Western Armenian Bible 1853

⁸ Եւ ամէն բանէ առաջ իրարու հանդէպ սրտանց սէր ունեցէք. վասն զի սէրը մեղքերու բազմութիւնը կը ծածկէ։

Արեւմտահայերէն Նոր Կտակարան հարմարցուած․ 2017

⁸ Եւ ամէն բանէ առաջ իրարու հանդէպ սրտանց սէր ունեցէք. վասն զի սէրը մեղքերու բազմութիւնը կը ծածկէ։

Western Armenian New Translation - Armenian Catholicosate of Cilicia - New Testament

⁸ Ամէն բանէ առաջ՝ սրտանց սէր ունեցէք իրարու հանդէպ, որովհետեւ «սէրը պատճառ կ՚ըլլայ որ ձեր բազմաթիւ մեղքերը ներուին»։

ԱՌԱՋԻՆ ՊԵՏՐՈՍԻ 4:8 Iomraidhean Croise

ԱՌԱԿԱՑ 10:12

Ատելութիւնը կռիւներ կը հանէ, Բայց սէրը ամէն յանցանք կը ծածկէ։

ԿՈՂՈՍԱՑԻՍ 3:14

Եւ այս բոլոր բաներուն վրայ սէրը հագէք, որ կատարելութեան կապն է։

ԱՌԱԿԱՑ 17:9

Յանցանքը ծածկողը բարեկամութիւն կը փնտռէ, Բայց զանիկա պատմողը մտերիմ բարեկամները կը զատէ։

ԱՌԱՋԻՆ ՊԵՏՐՈՍԻ 1:22

Ձեր անձերը մաքրեցէ՛ք Հոգիին միջոցաւ՝ ճշմարտութեանը հնազանդելով, եղբայրսիրութեան մէջ անկեղծ ըլլալով։ Սուրբ սրտով մէկզմէկ պի՛նդ սիրեցէք,

ՅԱԿՈԲՈՒ 5:20

Գիտցած եղէք թէ ան, որ մեղաւորը իր մոլորութեան ճամբայէն կը դարձնէ, հոգի մը մահուանէ կ’ազատէ ու մեղքերու բազմութիւնը կը ծածկէ։

ԱՌԱՋԻՆ ԿՈՐՆԹԱՑԻՍ 13:1

Եթէ մարդոց ու հրեշտակներուն լեզուները խօսիմ եւ սէր չունենամ, ես ձայն տուող պղինձի պէս եղայ, կամ հնչող ծնծղաներու պէս։

ԱՌԱՋԻՆ ԹԵՍԱՂՈՆԻԿԵՑԻՍ 3:12

Տէրը աճեցնէ ու աւելցնէ ձեր սէրը իրարու վրայ եւ ամենուն վրայ, ինչպէս մենք ալ ձեր վրայ ունինք,

ԵԲՐԱՅԵՑԻՍ 13:1

Եղբայրսիրութիւնը ձեր մէջ թող հաստատ մնայ։

ԱՌԱՋԻՆ ՏԻՄՈԹԷՈՍ 1:5

Իսկ պատուիրանքին գլուխը սէրն է սուրբ սրտով ու բարի խղճմտանքով եւ անկեղծ հաւատքով.

ԵՐԿՐՈՐԴ ԹԵՍԱՂՈՆԻԿԵՑԻՍ 1:3

Պարտինք ամէն ատեն Աստուծմէ գոհանալ ձեզի համար, եղբայրներ, ինչպէս կը վայլէ. քանզի ձեր հաւատքը շատ աճելու վրայ է եւ ձեր ամէն մէկուն սէրը իրարու վրայ կը շատնայ.

ԱՌԱԿԱՑ 18:13

Ո՛վ որ բան մը չլսած պատասխան կու տայ, Յիմարութիւն ու նախատինք է իրեն։

ԱՌԱԿԱՑ 12:16

Յիմարը նոյն օրը կը յայտնէ իր բարկութիւնը, Բայց անարգանքը ծածկողը խելացի է։

ԵՐՐՈՐԴ ՅՈՎՀԱՆՆՈՒ 1:2

Սիրելիս, աղօթք կ’ընեմ որ ամէն կողմէ յաջողիս ու առողջ ըլլաս, ինչպէս քու հոգիդ ալ յաջողութեան մէջ է։

ՅԱԿՈԲՈՒ 5:12

Արդ՝ ամէն բանէ առաջ, եղբայրնե՛րս, երդում մի՛ ընէք, ո՛չ երկնքի վրայ, ո՛չ երկրի վրայ, ո՛չ ալ ուրիշ երդում մը. հապա ձեր Այոն այո ըլլայ եւ Ոչը՝ ոչ, որ չըլլայ թէ դատապարտութեան տակ իյնաք։

ԱՌԱՋԻՆ ԿՈՐՆԹԱՑԻՍ 13:4

Սէրը երկայնամիտ է, քաղցր է. սէրը չի նախանձիր, սէրը չի գոռոզանար, չի հպարտանար,