ՏԻՏՈՍԻՆ 3:9 - Western Armenian New Translation - Armenian Catholicosate of Cilicia - New Testament

⁹ Միւս կողմէ, խուսափէ՛ յիմար վէճերէն, ազգաբանական ցանկերով զբաղելէ, Մովսիսական Օրէնքին շուրջ ստեղծուած բանավէճերէն ու բանակռիւներէն, որովհետեւ անօգուտ են եւ անիմաստ։

Արեւմտահայերէն Նոր Կտակարան հարմարցուած․ 2017

⁹ Բայց դուն յիմարական վէճերէն ու ազգահամարներէն ու հակառակութիւններէն եւ օրէնքի վրայով եղած կռիւներէն մէկդի՛ կեցիր, վասն զի անօգուտ են ու սնոտի։

Western Armenian Bible 1853

⁹ Բայց դուն յիմարական վէճերէն ու ազգահամարներէն ու հակառակութիւններէն եւ օրէնքի վրայով եղած կռիւներէն մէկդի՛ կեցիր, վասն զի անօգուտ են ու սնոտի։

ՏԻՏՈՍԻՆ 3:9 Iomraidhean Croise

ԱՌԱՋԻՆ ԿՈՐՆԹԱՑԻՍ 13:2

Եթէ մարգարէութեան պարգեւը ունենամ, կարենամ բոլոր խորհուրդներու խորքը թափանցել եւ հասնիմ ամբողջական գիտութեան, եւ նոյնիսկ լեռները տեղափոխելու չափ զօրաւոր հաւատք ունենամ, բայց սէր չունենամ, ոչինչ կ՚արժեմ։

ԱՌԱՋԻՆ ԿՈՐՆԹԱՑԻՍ 8:1

Գալով կուռքերուն զոհուած կերակուրներուն, գի–տեմ թէ «բոլորս ալ պէտք եղածը գիտենք» ըսողներ կան։ Գիտցէ՛ք սակայն, թէ գիտութիւնը կը հպարտացնէ, մինչ սէրը հաւատքը կ՚ամրապնդէ։

ԱՌԱՋԻՆ ՏԻՄՈԹԷՈՍ 4:7

Իսկ պառաւներու յատուկ եւ հաւատքը պղտորող առասպելներէն ամբողջութեամբ հեռո՛ւ մնա։ Ինքզինքդ աստուածպաշտութեամբ ապրելու մարզէ.

ԵՐԿՐՈՐԴ ՏԻՄՈԹԷՈՍ 2:14

Բոլորին յիշեցուր այս բաները, եւ Աստուծոյ ներկայութեան պահանջէ իրենցմէ՝ որ իրարու հետ վէճ ու կռիւ չընեն. բան մը, որ օգուտ չունենալէն զատ՝ լսողներուն ալ հաւատքը կը քանդէ։

ԵՐԿՐՈՐԴ ՏԻՄՈԹԷՈՍ 2:16

Հեռո՛ւ կեցիր հաւատքի ճշմարտութիւնները խեղաթիւրող պարապ վիճաբանութիւններէ, որոնք հետզհետէ մարդիկը Աստուծմէ հեռացնելու կը ծառայեն միայն։

ԵՐԿՐՈՐԴ ՏԻՄՈԹԷՈՍ 2:23

Յիմար եւ անօգուտ վէճերէ հրաժարէ՛, գիտնալով որ անոնցմէ կռիւներ կը ծագին։

ՏԻՏՈՍԻՆ 1:14

փոխանակ հրէական առասպելներու եւ ճշմարտութենէն շեղած մարդոց պատուէրներուն ականջ տալու։

ՅԱԿՈԲՈՒ 4:1

Ուրկէ՞ յառաջ կու գան ձեր հակամարտութիւններն ու կռիւները. արդեօք ձեր ցանկութիւններէն չէ՞, որոնք ձեր մարմինին մէջ կռիւ կը մղեն։