ՏԻՏՈՍԻՆ 2:8 - Western Armenian New Translation - Armenian Catholicosate of Cilicia - New Testament

⁸ Միշտ ողջմտութեամբ խօսէ, պարսաւանքի տեղի չտալու համար, որպէսզի ոեւէ հակառակորդ ամօթով մնայ եւ մեր մասին չարախօսելիք բան չունենայ։

Արեւմտահայերէն Նոր Կտակարան հարմարցուած․ 2017

⁸ ողջամիտ ու անմեղադրելի խօսք, որպէս զի հակառակ կեցողը ամչնայ ու մեր վրայով գէշ բան մը չկրնայ ըսել։

Western Armenian Bible 1853

⁸ Ողջամիտ ու անմեղադրելի խօսք, որպէս զի հակառակ կեցողը ամչնայ ու մեր վրայով գէշ բան մը չկրնայ ըսել։

ՏԻՏՈՍԻՆ 2:8 Iomraidhean Croise

ՄԱՐԿՈՍ 12:17

Յիսուս ըսաւ անոնց. – Գացէք եւ ինչ որ կայսրին կը պատկանի՝ կայսրին տուէք եւ ինչ որ Աստուծոյ՝ Աստուծոյ տուէք։ Եւ բոլորն ալ հիացան իր վրայ։

ՄԱՐԿՈՍ 12:28

Օրէնքի ուսուցիչ մը լսելով անոնց վիճաբանութիւնը, մօտեցաւ եւ տեսնելով թէ ի՛նչպէս Յիսուս լաւ պատասխանեց անոնց, հարցուց Յիսուսի. – Ո՞րն է կարեւորագոյն պատուիրանը։

ՄԱՐԿՈՍ 12:32

Օրէնքի ուսուցիչը ըսաւ. – Ճի՛շդ է, Վարդապե՛տ, ուղիղ ըսիր՝ թէ Աստուած միակ Տէրն է եւ անկէ զատ ուրիշ Աստուած չկայ,

ՄԱՐԿՈՍ 12:34

Յիսուս տեսնելով անոր տուած խելացի պատասխանը, ըսաւ. – Աստուծոյ արքայութենէն հեռու չե՛ս։ Եւ այլեւս ոչ ոք կը համարձակէր հարցում ընել Յիսուսի։

ՂՈԻԿԱՍ 13:17

Այս խօսքին վրայ անոնք որոնք կը հակառակէին Յիսուսի՝ ամչցան, մինչ ամբողջ ժողովուրդը կ՚ուրախանար Յիսուսի կատարած բոլոր հրաշագործութիւններուն համար։

ԵՐԿՐՈՐԴ ԹԵՍԱՂՈՆԻԿԵՑԻՍ 3:14

Իսկ եթէ ոեւէ մէկը չհնազանդի մեր այս նամակով տուած պատուէրին, զայն նկատի առէք եւ բարեկամութիւն մի՛ ընէք հետը, որպէսզի ամչնայ։

ԱՌԱՋԻՆ ՏԻՄՈԹԷՈՍ 5:14

Հետեւաբար, կ՚ուզեմ որ երիտասարդ այրիները ամուսնանան, զաւակներ ծնանին, տուն պահեն, եւ ոեւիցէ առիթ չտան որ Հակառակորդը չարախօսէ.

ԱՌԱՋԻՆ ՏԻՄՈԹԷՈՍ 6:3

Իսկ ով որ տարբեր բան կը սորվեցնէ եւ կարեւորութիւն չի տար մեր Տիրոջ Յիսուս Քրիստոսի ողջմիտ խօսքերուն, ոչ ալ աստուածպաշտութեան վրայ հիմնուած ուսուցումներուն,

ՏԻՏՈՍԻՆ 3:14

Մերիններն ալ թող սորվին բարի գործերու հետամուտ ըլլալ, որպէսզի անհրաժեշտ կարիքներուն հասնին եւ օգտակար դառնան։

ԱՌԱՋԻՆ ՊԵՏՐՈՍԻ 2:12

Նայեցէք որ պարկեշտ կենցաղ ունենաք հեթանոսներուն մէջ, որպէսզի իրենք, որ ձեզ կը բամբասեն իբրեւ չարագործ, ձեր բարի գործերը տեսնելով՝ փառաւորեն զԱստուած, իր Գալստեան Օրը։

ԱՌԱՋԻՆ ՊԵՏՐՈՍԻ 2:15

Որովհետեւ Աստուծոյ կամքն է՝ որ բարի գործերով պապանձեցնէք անխելք մարդոց տգէտ լեզուները։

ԱՌԱՋԻՆ ՊԵՏՐՈՍԻ 3:16

Թող ձեր խղճմտանքը մաքուր ըլլայ, որպէսզի ամօթով մնան անոնք՝ որ ձեր մասին կը չարախօսեն, ձեր քրիստոնէական բարի կենցաղը բամբասելով։