ՏԻՏՈՍԻՆ 2:5 - Western Armenian New Translation - Armenian Catholicosate of Cilicia - New Testament

⁵ ըլլալ համեստ, անբիծ, տնաշէն, բարի, եւ իրենց ամուսիններուն հնազանդ, որպէսզի պատճառ չըլլան որ Աստուծոյ խօսքը անարգուի։

Արեւմտահայերէն Նոր Կտակարան հարմարցուած․ 2017

⁵ խոհեմ, ողջախոհ, տնաշէն, բարեգործ, իրենց այրերուն հնազանդ, որ չըլլայ թէ Աստուծոյ խօսքին հայհոյուի։

Western Armenian Bible 1853

⁵ Խոհեմ, ողջախոհ, տնաշէն, բարեգործ, իրենց այրերուն հնազանդ, որ չըլլայ թէ Աստուծոյ խօսքին հայհոյուի։

ՏԻՏՈՍԻՆ 2:5 Iomraidhean Croise

ԳՈՐԾՔ ԱՌԱՔԵԼՈՑ 9:36

Յոպպէի մէջ Յիսուսի հետեւորդ կին մը կար Տաբիթա անունով, որուն Հայերէն թարգմանութիւնն է՝ Այծեմնիկ։ Անիկա իր կեանքը կը լեցնէր բարի գործերով եւ աղքատներուն օգնելով։

ԳՈՐԾՔ ԱՌԱՔԵԼՈՑ 9:39

Պետրոս ելաւ անոնց հետ եկաւ, եւ հազիւ հասած՝ զինք վերնատունը հանեցին։ Բոլոր այրիները Պետրոսի շուրջ բոլորուեցան. կու լային եւ ցոյց կու տային այն շապիկներն ու հագուստները, որ Այծեմնիկ իր ողջութեան իրենց համար կարեր էր։

ՀՌՈՎՄԱՅԵՑԻՍ 14:16

Առիթ մի՛ տար որ բարի եւ ուղիղ սեպած բանդ հայհոյութեան պատճառ դառնայ։

ՀՌՈՎՄԱՅԵՑԻՍ 2:24

Արդարեւ, «Ձեր պատճառով հեթանոսներ Աստուծոյ անունը կ՚անարգեն», ինչպէս գրուած է։

ԱՌԱՋԻՆ ԿՈՐՆԹԱՑԻՍ 11:3

Բայց կ՚ուզեմ որ գիտնաք, նաեւ, թէ ոեւէ այր մարդու գլուխը Քրիստոս է, եւ կնոջ մը գլուխը՝ իր այրը, իսկ Քրիստոսի գլուխը՝ Աստուած։

ԱՌԱՋԻՆ ԿՈՐՆԹԱՑԻՍ 14:34

Բոլոր եկեղեցիներուն մէջ կիները պէտք է լուռ մնան, որովհետեւ իրենց արտօնուած չէ խօսիլ, այլ միայն՝ հնազանդութեամբ լսել, ինչպէս Աստուծոյ Օրէնքն ալ կ՚ըսէ։

ԵՓԵՍԱՑԻՍ 5:33

Բայց նոյնը կը վերաբերի նաեւ ձեզմէ իւրաքանչիւրին, որովհետեւ իւրաքանչիւր այր պէտք է իր կինը սիրէ իր անձին պէս, եւ ամէն կին պէտք է յարգէ իր ամուսինը։

ԿՈՂՈՍԱՑԻՍ 3:18

Կինե՛ր, հնազանդեցէ՛ք ձեր ամուսիններուն, ինչպէս որ կը վայելէ Տիրոջ միացածներուն։

ԱՌԱՋԻՆ ՏԻՄՈԹԷՈՍ 5:10

եւ բարի գործերով վկայուած են, այսինքն՝ զաւակներ մեծցուցած, հիւրասէր եղած, ճամբորդ հաւատացեալներուն խոնարհաբար ծառայած, նեղութեան մէջ եղողներուն օգնած, եւ իրենք զիրենք ամբողջութեամբ բարեգործութեան տուած են։

ԱՌԱՋԻՆ ՏԻՄՈԹԷՈՍ 6:1

Անոնք որ ծառայութեան լուծին տակ են՝ թող բացարձակ յարգանք ցոյց տան իրենց տէրերուն, որպէսզի Աստուծոյ անունը եւ Քրիստոսի ուսուցումները հայհոյութեան առարկայ չդառնան։

ՏԻՏՈՍԻՆ 2:4

Թող սեփական օրինակով մանկահասակ կիներուն սորվեցնեն՝ իրենց ամուսիններն ու զաւակները սիրել,