ՏԻՏՈՍԻՆ 1:15 - Western Armenian New Translation - Armenian Catholicosate of Cilicia - New Testament

¹⁵ Խղճմտանքով մաքուր մարդուն համար ամէն բան մաքուր է. մինչդեռ պիղծ եւ անհաւատ մարդոց համար չկա՛յ ոեւէ մաքուր բան, որովհետեւ իրենց միտքն ու խիղճը ապականած են։

Արեւմտահայերէն Նոր Կտակարան հարմարցուած․ 2017

¹⁵ Ամէն բան մաքուր է մաքուրներուն, բայց պիղծերուն ու անհաւատներուն բա՛ն մը մաքուր չէ, հապա անոնց միտքն ալ, խղճմտանքն ալ պղծուած են։

Western Armenian Bible 1853

¹⁵ Ամէն բան մաքուր է մաքուրներուն, բայց պիղծերուն ու անհաւատներուն բա՛ն մը մաքուր չէ, հապա անոնց միտքն ալ, խղճմտանքն ալ պղծուած են։

ՏԻՏՈՍԻՆ 1:15 Iomraidhean Croise

ՄԱՏԹԷՈՍ 15:18

Մինչդեռ ինչ որ մարդուս բերանէն կ՚ելլէ՝ սիրտէն դուրս կու գայ, եւ ատիկա է որ կը պղծէ մարդս։

ԳՈՐԾՔ ԱՌԱՔԵԼՈՑ 10:15

Ձայնը կրկին անգամ ըսաւ իրեն. –Ինչ որ Աստուած իբրեւ մաքուր կ՚ընծայէ՝ դուն պիղծ մի՛ համարեր։

ՀՌՈՎՄԱՅԵՑԻՍ 14:14

Յիսուս Քրիստոսով հետեւեալը ապահովապէս գիտեմ, թէ ինքնին պիղծ բան չկայ։ Բան մը պիղծ կ՚ըլլայ ա՛յն մարդուն համար, որ զայն պիղծ կը համարէ։

ՀՌՈՎՄԱՅԵՑԻՍ 14:20

Չըլլա՛յ որ կերակուրի պատճառով Աստուծոյ գործը քանդես։ Ամէն բան ինքնին մաքուր է. բայց սխալ է բան մը ուտել, երբ ատիկա ուրիշ մը կը գայթակղեցնէ։

ՀՌՈՎՄԱՅԵՑԻՍ 14:23

Միւս կողմէ, եթէ մէկը կասկած ունի իր կերածին անմաքրութեան մասին, Աստուծոյ դատապարտութեան ենթակայ է՝ եթէ ուտէ, որովհետեւ իր արարքը հաւատքի արդիւնք չէ։ Եւ ինչ որ հաւատքէն չի գար՝ մեղք է։

ԱՌԱՋԻՆ ԿՈՐՆԹԱՑԻՍ 10:23

Ամէն ինչ արտօնուած է ինծի, բայց ամէն ինչ օգտակար չէ։ Ամէն ինչ արտօնուած է ինծի, բայց ամէն ինչ չ՚օգներ ուրիշներու հաւատքը ամրապնդելու։

ԱՌԱՋԻՆ ԿՈՐՆԹԱՑԻՍ 10:25

Ոեւէ միս որ շուկային մէջ կը ծախուի՝ կերէք, առանց խղճմտանքի հարց հանելու։

ԱՌԱՋԻՆ ԿՈՐՆԹԱՑԻՍ 10:31

Հետեւաբար, թէ՛ կերած–խմած ատեն եւ թէ՛ ոեւէ ուրիշ պարագայի՝ կը բաւէ որ ամէն ինչ Աստուծոյ փառքին համար ընէք։

ԱՌԱՋԻՆ ԿՈՐՆԹԱՑԻՍ 8:7

Բայց այս գիտակցութիւնը ամենուն քով չկայ։ Ոմանք դեռ մինչեւ հիմա խղճի հարց կ՚ունենան, երբ կուռքերուն զոհուած կերակուրներէն կ՚ուտեն. եւ որովհետեւ իրենց խղճմտանքը տկար է, իրենք զիրենք պղծուած կը զգան։

ԱՌԱՋԻՆ ՏԻՄՈԹԷՈՍ 6:5

եւ անվերջ բաղխումները՝ միտքով ապականած եւ ճշմարտութենէն հեռացած մարդոց միջեւ, որոնք կը կարծեն թէ կրօնքը շահի աղբիւր է։ Այդպիսիներէն հեռո՛ւ կեցիր։

ԵԲՐԱՅԵՑԻՍ 10:22

Ուստի անկեղծ սրտով եւ վստահութեամբ լեցուն հաւատքով մօտենանք Աստուծոյ, մեր սիրտերը մաքրած՝ խղճմտանքը ծանրացնող յանցանքներէն եւ մեր մարմինները մաքուր ջուրով լուացած։

ԵԲՐԱՅԵՑԻՍ 12:15

Ուշադիր հսկեցէք որ ոեւէ մէկը Աստուծոյ շնորհքէն չզրկուի։ Չըլլա՛յ որ մէկը դառնութեան արմատ դառնալով՝ խռովութեան պատճառ ըլլայ եւ շատերը անկէ վարակուին։

ԵԲՐԱՅԵՑԻՍ 9:14

Քրիստոսի արիւնը շատ աւելին պիտի չընէ՞ միթէ։ Արդարեւ, յաւիտենական Հոգիին միջոցաւ Քրիստոս ինքզինքը որպէս անարատ զոհ Աստուծոյ մատուցանեց, որպէսզի իր արիւնով մաքրէ ձեր խղճմտանքը մեռելական գործերէ, եւ դուք կարենաք կենդանի Աստուածը պաշտել։