ՀՌՈՎՄԱՅԵՑԻՍ 8:9 - Western Armenian New Translation - Armenian Catholicosate of Cilicia - New Testament

⁹ Եթէ իրապէս Աստուծոյ Հոգին ձեր մէջ կը բնակի, կը նշանակէ՝ թէ դուք այլեւս մարմնական ցանկութիւններուն համաձայն չէք ապրիր, այլ՝ Սուրբ Հոգիին կամեցած ձեւով։ Իսկ ով որ Քրիստոսի Հոգին չունի, անոր չի պատկանիր։

Արեւմտահայերէն Նոր Կտակարան հարմարցուած․ 2017

⁹ Բայց դուք մարմնով չէք, հապա՝ հոգիով, եթէ Աստուծոյ Հոգին ձեր մէջ բնակած է. իսկ եթէ մէկը Քրիստոսին Հոգին չունի անիկա անորը չէ։

Western Armenian Bible 1853

⁹ Բայց դուք մարմնով չէք, հապա՝ հոգիով, եթէ Աստուծոյ Հոգին ձեր մէջ բնակած է. իսկ եթէ մէկը Քրիստոսին Հոգին չունի անիկա անորը չէ։

ՀՌՈՎՄԱՅԵՑԻՍ 8:9 Iomraidhean Croise

ՂՈԻԿԱՍ 11:13

Արդ, եթէ դուք որ չար էք՝ գիտէք ձեր զաւակներուն լաւ պարգեւներ տալ, ձեր երկնաւոր Հայրը որքա՜ն աւելի լաւ պարգեւ մը՝ Սուրբ Հոգին պիտի տայ անոնց, որոնք իրեն կը դիմեն։

ՅՈՎՀԱՆՆՈԻ 14:17

Անիկա Սուրբ Հոգին է, որ ճշմարտութիւնը կը յայտնէ։ Աշխարհը չի կրնար զայն ընդունիլ, որովհետեւ ո՛չ կը տեսնէ եւ ո՛չ ալ կը ճանչնայ զայն։ Բայց դուք կը ճանչնաք զայն, որովհետեւ ձեր մէջ պիտի մնայ եւ ձեր հետ պիտի ըլլայ։

ՅՈՎՀԱՆՆՈԻ 14:23

Յիսուս պատասխանեց անոր. – Ով որ կը սիրէ զիս՝ խօսքերս կը գործադրէ. Հայրս ալ պիտի սիրէ զայն եւ ես ու Հայրս անոր պիտի գանք եւ անոր հետ բնակինք։

ՅՈՎՀԱՆՆՈԻ 3:34

Ան որ Աստուծոյ կողմէ ղրկուած է՝ Աստուծոյ խօսքերը կը քարոզէ, որովհետեւ Աստուած իր Հոգին ամբողջապէս անոր տուած է։

ՅՈՎՀԱՆՆՈԻ 3:6

որովհետեւ մարմինէն ծնածը մարմին է, իսկ հոգիէն ծնածը՝ հոգի։

ԳՈՐԾՔ ԱՌԱՔԵԼՈՑ 16:7

Նոյնպէս, երբ դէպի Միսիա եկան եւ կը փորձէին Բիթանիա երթալ՝ Յիսուսի Հոգին չարտօնեց իրենց։

ՀՌՈՎՄԱՅԵՑԻՍ 7:5

Որովհետեւ, որքան ատեն որ մեղանչական բնութեան համաձայն կ՚ապրէինք՝ մեղքերու ցանկութիւնները Օրէնքին միջոցաւ կը ներգործէին մեր անդամներուն մէջ, իբրեւ արդիւնք՝ մահ պատճառելով։

ՀՌՈՎՄԱՅԵՑԻՍ 8:1

Եթէ այդպէս է, կը նշանակէ թէ անոնք որ Քրիստոս Յիսուսի միացած են՝ դատապարտութեան ենթակայ չեն, քանի մարմնաւորապէս չեն ապրիր, այլ՝ հոգեւորապէս։

ՀՌՈՎՄԱՅԵՑԻՍ 8:11

Այսինքն, եթէ Աստուծոյ Հոգին ձեր մէջ կը բնակի, Աստուած, որ Յիսուս Քրիստոսը մեռելներէն յարուցանեց, իր Հոգիին միջոցաւ որ ձեր մէջ կը բնակի՝ պիտի կենդանացնէ նաեւ ձեր մահկանացու մարմինները։

ՀՌՈՎՄԱՅԵՑԻՍ 8:2

Որովհետեւ Հոգիին Օրէնքը զիս Քրիստոս Յիսուսի միացնելով կենդանացուց եւ ազատեց մեղքի եւ մահուան ենթակայութենէն։

ԱՌԱՋԻՆ ԿՈՐՆԹԱՑԻՍ 15:23

Բայց իւրաքանչիւրը իր կարգին։ Այժմ երախայրիքը՝ Քրիստոս, իսկ իր երկրորդ գալուստին՝ բոլոր իրեն պատկանողները.

ԱՌԱՋԻՆ ԿՈՐՆԹԱՑԻՍ 3:16

Չէ՞ք գիտեր թէ Աստուծոյ տաճար էք դուք, եւ Աստուծոյ Հոգին կը բնակի ձեր մէջ։

ԱՌԱՋԻՆ ԿՈՐՆԹԱՑԻՍ 6:17

Նոյնպէս ալ, ով որ Տիրոջ միանայ՝ անոր հետ մէկ հոգի կ՚ըլլայ։

ԱՌԱՋԻՆ ԿՈՐՆԹԱՑԻՍ 6:19

Չէ՞ք գիտեր որ ձեր մարմինները տաճարն են Սուրբ Հոգիին որ Աստուծմէ առիք եւ ձեր մէջ կը բնակի։ Գիտցէք որ դուք չէ՛ք ձեր անձերուն տէրը,

ԵՐԿՐՈՐԴ ԿՈՐՆԹԱՑԻՍ 10:7

Դուք իւրաքանչիւրը իր երեւոյթով կը դիտէք։ Ով որ ներքնապէս համոզուած է թէ ինք Քրիստոսի կը պատկանի, թող դարձեալ հետեւեալը խորհի, թէ ինչպէս որ ինք Քրիստոսի կը պատկանի՝ այնպէս նաեւ մենք Քրիստոսի կը պատկանինք։

ԵՐԿՐՈՐԴ ԿՈՐՆԹԱՑԻՍ 6:16

Ի՞նչ նմանութիւն կայ Աստուծոյ տաճարին եւ մեհեաններուն միջեւ։ Արդարեւ, մե՛նք ենք կենդանի Աստուծոյ տաճարը, ինչպէս Աստուած ինք ըսաւ.– «Անոնց մէջ պիտի բնակիմ եւ անոնց հետ պիտի ապրիմ։ Ես իրենց Աստուածը պիտի ըլլամ եւ անոնք՝ իմ ժողովուրդս»։

ԳԱՂԱՏԱՑԻՍ 4:6

Արդ, որովհետեւ իր որդիներն ենք՝ Աստուած մեր սիրտերուն մէջ ղրկեց իր Որդիին Հոգին, որով զԱստուած «Աբբա», այսինքն «Հայր» կը կոչենք։

ԳԱՂԱՏԱՑԻՍ 5:24

Եւ անոնք որոնք Քրիստոսի կը պատկանին՝ իրենց մարդկային կիրքերն ու ցանկութիւնները խաչին վրայ մահացուցին։

ԵՓԵՍԱՑԻՍ 1:13

Դուք ալ, երբ լսեցիք ճշմարիտ քարոզութիւնը, այսինքն Աւետարանը որ ձեզի փրկութիւն բերաւ, հաւատացիք Քրիստոսի եւ խոստացուած Սուրբ Հոգիով կնքուեցաք։

ԵՓԵՍԱՑԻՍ 2:22

Անոր միացած՝ դո՛ւք ալ բոլորին հետ միասին Աստուծոյ բնակարան կը դառնաք Սուրբ Հոգիին միջոցաւ։

ԵՓԵՍԱՑԻՍ 3:17

եւ ձեր հաւատքին միջոցաւ Քրիստոս ձեր սիրտերուն մէջ բնակի։ Կ՚աղօթեմ որ սիրոյ մէջ արմատանաք եւ հաստատուն հիմեր ունենաք,

ՓԻԼԻՊՊԵՑԻՍ 1:19

որովհետեւ գիտեմ թէ վերջ ի վերջոյ ատիկա իմ փրկութեանս պիտի ծառայէ, շնորհիւ ձեր աղօթքներուն, եթէ Յիսուս Քրիստոսի Հոգին շնորհէ։

ԵՐԿՐՈՐԴ ՏԻՄՈԹԷՈՍ 1:14

Քեզի վստահուած բարի աւանդը պահէ Սուրբ Հոգիին օգնութեամբ, որ մեր մէջ կը բնակի։

ԱՌԱՋԻՆ ՊԵՏՐՈՍԻ 1:11

կը փորձէին հասկնալ՝ թէ ի՛նչ ժամանակ եւ ի՛նչ պարագաներ կը ծանուցանէր իրենց մէջ գործող Քրիստոսի Հոգին, որ կանուխէն կը վկայէր Քրիստոսի չարչարանքներուն եւ անոնց յաջորդելիք փառքին մասին։

ԱՌԱՋԻՆ ՅՈՎՀԱՆՆՈՒ 3:24

Արդ, ով որ Աստուծոյ պատուիրանները կը գործադրէ՝ Աստուծոյ միացած կը մնայ եւ Աստուած ալ՝ իրեն։ Իսկ Աստուծոյ մեզի միացած մնալուն ապացոյցը՝ Սուրբ Հոգին է, որ Աստուած մեզի տուաւ։

ԱՌԱՋԻՆ ՅՈՎՀԱՆՆՈՒ 4:13

Ապացոյցը, թէ մենք Աստուծոյ միացած կը մնանք եւ Աստուած՝ մեզի, նոյնինքն իր Հոգին է, որ Աստուած մեզի տուաւ։

ԱՌԱՋԻՆ ՅՈՎՀԱՆՆՈՒ 4:4

Որդեակնե՛ր, դուք Աստուծմէ ծնած էք եւ յաղթեցիք այդ սուտ մարգարէներուն, որովհետեւ ձեր մէջ եղող Աստուծոյ Հոգին աւելի մեծ է քան Քրիստոսի հակառակորդին հոգին, որ կը գտնուի աշխարհին պատկանողներուն մէջ։

ՅԱՅՏՆՈՒԹԻՒՆ 13:8

Եւ անոր պիտի երկրպագեն երկրի բոլոր բնակիչները, անոնք՝ որոնց անունը աշխարհի ստեղծագործութենէն սկսեալ չէ գրուած մորթուած Գառնուկին պատկանող կեանքի գիրքին մէջ։

ՅԱՅՏՆՈՒԹԻՒՆ 20:15

Եւ ան՝ որուն անունը չկար Կեանքի գիրքին մէջ՝ կրակի լիճին մէջ ձգուեցաւ։