ՀՌՈՎՄԱՅԵՑԻՍ 8:7 - Western Armenian New Translation - Armenian Catholicosate of Cilicia - New Testament

⁷ Մարմնականին կառչած միտքը Աստուծոյ թշնամի է, որովհետեւ Աստուծոյ օրէնքներուն չի հնազանդիր, ո՛չ ալ կրնայ հնազանիլ։

Արեւմտահայերէն Նոր Կտակարան հարմարցուած․ 2017

⁷ Քանզի մարմնաւոր խորհուրդը Աստուծոյ դէմ թշնամութիւն է. վասն զի Աստուծոյ օրնէքին չի հնազանդիր, մանաւանդ չի կրնար ալ։

Western Armenian Bible 1853

⁷ Քանզի մարմնաւոր խորհուրդը Աստուծոյ դէմ թշնամութիւն է. վասն զի Աստուծոյ օրնէքին չի հնազանդիր, մանաւանդ չի կրնար ալ։

ՀՌՈՎՄԱՅԵՑԻՍ 8:7 Iomraidhean Croise

ՄԱՏԹԷՈՍ 12:34

Իժերո՛ւ ծնունդներ, ի՞նչպէս կրնաք լաւ բաներ խօսիլ, երբ դուք չար էք, քանի բերանը սրտին մէջ եղածն է որ կը խօսի։

ՄԱՏԹԷՈՍ 5:19

Ով որ ամենափոքր պատուիրանն իսկ զանց ընէ եւ ուրիշներուն ալ այդպէս սորվեցնէ, երկինքի արքայութեան մէջ յետինը պիտի նկատուի։ Իսկ ով որ գործադրէ պատուիրանները եւ ուսուցանէ, մեծ պիտի ըլլայ երկինքի արքայութեան մէջ։

ՅՈՎՀԱՆՆՈԻ 7:7

Աշխարհը ձեզ չի կրնար ատել, բայց զիս կ՚ատէ, որովհետեւ աշխարհի մասին երբ կը խօսիմ՝ կը վկայեմ թէ մարդոց գործերը չար են։

ՀՌՈՎՄԱՅԵՑԻՍ 1:28

Այսինքն, քանի որ չուզեցին զԱստուած ճանչնալ, Աստուած ալ թոյլ տուաւ որ անոնք իրենց անարգ միտքերուն անձնատուր եղած՝ ընեն ինչ որ պէտք չէ ընել.

ՀՌՈՎՄԱՅԵՑԻՍ 1:30

չարախօս, աստուածատեաց, անամօթ, ամբարտաւան, ինքնահաւան, չարիք հնարող, ծընողք անարգող,

ՀՌՈՎՄԱՅԵՑԻՍ 3:31

Արդ, Օրէնքը ջնջա՞ծ կ՚ըլլանք մեր հաւատքով։ Բնա՛ւ երբեք։ Ընդհակառակը, հաստատած կ՚ըլլանք։

ՀՌՈՎՄԱՅԵՑԻՍ 5:10

Որովհետեւ, եթէ Աստուած իր Որդիին մահովը մեզ իր հետ հաշտեցուց դեռ այն ատեն՝ երբ տակաւին թշնամի էինք իրեն, հիմա որ ա՛լ հաշտուած ենք՝ որքա՜ն աւելի վստահութեամբ կրնանք ըսել՝ թէ պիտի փրկուինք Քրիստոսի կեանքով։

ՀՌՈՎՄԱՅԵՑԻՍ 7:22

Ես իմ ներքին էութեամբս հաճոյքով կ՚ընդունիմ Աստուծոյ Օրէնքը.

ՀՌՈՎՄԱՅԵՑԻՍ 8:4

որպէսզի մենք, որ հոգեւորապէս կ՚ապրինք եւ ո՛չ մարմնաւորապէս, կարենանք լրիւ գործադրել Օրէնքին բոլոր պահանջները։

ԱՌԱՋԻՆ ԿՈՐՆԹԱՑԻՍ 2:14

Աստուծոյ Հոգին չունեցող մարդը չ՚ընդունիր Աստուծոյ Հոգիին բերած ճշմարտութիւնները, որովհետեւ անոնք յիմարութիւն կը թուին իրեն. եւ չի կրնար զանոնք ճանչնալ, որովհետեւ անոնք միայն Հոգիով կը քննուին։

ԱՌԱՋԻՆ ԿՈՐՆԹԱՑԻՍ 9:21

Մովսիսական Օրէնքը չճանչցող հեթանոսներուն հետ՝ հեթանոսի պէս եղայ, զանոնք եւս սիրաշահելու համար։ Ո՛չ թէ Աստուծոյ Օրէնքէն դուրս եկայ, այլ՝ Քրիստոսի օրէնքին ենթարկուեցայ։

ԿՈՂՈՍԱՑԻՍ 1:21

Դուք ալ ժամանակին Աստուծմէ օտարացած էիք եւ թշնամացած իրեն՝ ձեր մտածելակերպով ու չար գործերով։

ԿՈՂՈՍԱՑԻՍ 2:18

Չըլլա՛յ որ ոեւէ մէկը իր կեղծ խոնարհութեամբ, հրեշտակներուն ընծայուած պաշտամունքով եւ զանազան տեսիլքներով ձեզ մոլորեցնէ եւ մրցանակէն զրկէ. որովհե— տեւ այդպիսիները մարդկային հպարտութենէ տարուած են եւ կ՚ուզեն իրենք զիրենք պարտադրել ձեզի։

ԵՐԿՐՈՐԴ ՏԻՄՈԹԷՈՍ 3:4

մատնիչ, անպատկառ, գոռոզ, եւ աւելի հեշտանքը սիրող՝ քան զԱստուած։

ԵԲՐԱՅԵՑԻՍ 8:10

«Արդ, հետեւեալն է Ուխտը, որ Իսրայէլի հետ պիտի կնքեմ գալիք օրերուն,– կ՚ըսէ Տէրը.– իրենց միտքերուն մէջ պիտի դրոշմեմ իմ օրէնքներս, իրենց սիրտերուն վրայ պիտի գրեմ զանոնք. ես իրենց Աստուածը պիտի ըլլամ, եւ իրենք՝ իմ ժողովուրդս։

ՅԱԿՈԲՈՒ 4:4

Անհաւատարի՛մ մարդիկ, չէ՞ք գիտեր որ աշխարհին հետ բարեկամութիւն ընել՝ Աստուծոյ թշնամութիւն ընել կը նշանակէ։ Որովհետեւ ով որ կ՚ուզէ աշխարհին բարեկամ ըլլալ՝ ինքզինք Աստուծոյ թշնամի կը դարձնէ։

ԵՐԿՐՈՐԴ ՊԵՏՐՈՍԻ 2:14

Իրենց աչքերը շնացող կիներ միայն կը փնտռեն եւ չեն յագենար մեղք գործելէ։ Այդ անիծեալները տկար մարդիկ կը փնտռեն՝ խաբելու համար, եւ իրենց խելքն ու միտքը դրամ դիզելն է։