ՀՌՈՎՄԱՅԵՑԻՍ 8:5 - Western Armenian New Translation - Armenian Catholicosate of Cilicia - New Testament

⁵ Անոնք որ միայն իրենց մարմնական պահանջներով կը ղեկավարուին, անոնց մտածելակերպը մարմնական է. մինչդեռ անոնք որ Հոգիին թելադրած ձեւով կ՚ապրին, անոնց մտածելակերպը հոգեւոր է։

Արեւմտահայերէն Նոր Կտակարան հարմարցուած․ 2017

⁵ Քանզի մարմնաւոր եղողները մարմնին բաները կը մտածեն ու հոգեւոր եղողները՝ հոգիին բաները։

Western Armenian Bible 1853

⁵ Քանզի մարմնաւոր եղողները մարմնին բաները կը մտածեն ու հոգեւոր եղողները՝ հոգիին բաները։

ՀՌՈՎՄԱՅԵՑԻՍ 8:5 Iomraidhean Croise

ՄԱՐԿՈՍ 8:33

Իսկ Յիսուս դարձաւ եւ աշակերտները տեսնելով՝ յանդիմանեց Պետրոսը, ըսելով. – Ետի՛ս գնա, Սատանա՛յ, որովհետեւ Աստուծոյ ծրագիրներուն համաձայն չես խորհիր, այլ մարդոց մտահոգութիւնը կ՚արտայայտես։

ՅՈՎՀԱՆՆՈԻ 3:6

որովհետեւ մարմինէն ծնածը մարմին է, իսկ հոգիէն ծնածը՝ հոգի։

ՀՌՈՎՄԱՅԵՑԻՍ 8:9

Եթէ իրապէս Աստուծոյ Հոգին ձեր մէջ կը բնակի, կը նշանակէ՝ թէ դուք այլեւս մարմնական ցանկութիւններուն համաձայն չէք ապրիր, այլ՝ Սուրբ Հոգիին կամեցած ձեւով։ Իսկ ով որ Քրիստոսի Հոգին չունի, անոր չի պատկանիր։

ԱՌԱՋԻՆ ԿՈՐՆԹԱՑԻՍ 15:48

Ինչպէս որ էր հողեղէնը, նոյնպէս ենք բոլոր հողեղէններս. եւ ինչպէս որ է երկնաւորը՝ նոյնպէս պիտի ըլլան բոլոր երկնաւորները։

ԱՌԱՋԻՆ ԿՈՐՆԹԱՑԻՍ 2:14

Աստուծոյ Հոգին չունեցող մարդը չ՚ընդունիր Աստուծոյ Հոգիին բերած ճշմարտութիւնները, որովհետեւ անոնք յիմարութիւն կը թուին իրեն. եւ չի կրնար զանոնք ճանչնալ, որովհետեւ անոնք միայն Հոգիով կը քննուին։

ԵՐԿՐՈՐԴ ԿՈՐՆԹԱՑԻՍ 10:3

Ճիշդ է որ աշխարհի մէջ կ՚ապրինք, բայց աշխարհային նկատումներէ առաջնորդուած չէ որ կը պատերազմինք։

ԳԱՂԱՏԱՑԻՍ 5:17

Որովհետեւ մեղանչական բնութիւնը Սուրբ Հոգիին ցանկացածին հակառակն է որ կը ցանկայ, իսկ Սուրբ Հոգին՝ մեղանչական բնութեան ցանկացածին հակառակը։ Ասոնք իրարու հակառակ են, եւ ա՛յդ է պատճառը որ դուք չէք կրնար ձեր ուզածը կատարել։

ԵՓԵՍԱՑԻՍ 5:9

որովհետեւ լոյսին պտուղներն են՝ բարութիւնը, արդարութիւնը եւ ճշմարտութիւնը։

ԵՐԿՐՈՐԴ ՊԵՏՐՈՍԻ 2:10

Մանաւանդ անոնք՝ որոնք մարմնական պղծալից ցանկութիւններու կը հետեւին եւ Աստուծոյ տէրութիւնը կ՚արհամարհեն։ Այս ինքնահաւան եւ յանդուգն սուտ ուսուցիչները չեն վախնար հոգեղէն փառաւոր էակները անարգելէ.