ՀՌՈՎՄԱՅԵՑԻՍ 8:3 - Western Armenian New Translation - Armenian Catholicosate of Cilicia - New Testament

³ Արդարեւ, ինչ որ Օրէնքը չէր կրնար ընել, մարդկային բնութեան տկար ըլլալուն պատճառով, Աստուած իրագործեց՝ աշխարհ ղրկելով իր Որդին, որ մեղքը յաղթահարելու համար մեր մեղանչական բնութիւնը իր վրայ առաւ եւ իր մարմինին մէջ դատապարտեց մեղքը,

Արեւմտահայերէն Նոր Կտակարան հարմարցուած․ 2017

³ Վասն զի այն որ օրէնքին համար անկարելի էր, որովհետեւ տկար էր մարմնով, Աստուած իր Որդին ղրկելով մեղանչական մարմնի նմանութեամբ ու մեղքի համար եւ դատապարտեց մեղքը այն մարմնին մէջ.

Western Armenian Bible 1853

³ Վասն զի այն որ օրէնքին համար անկարելի էր, որովհետեւ տկար էր մարմնով, Աստուած իր Որդին ղրկելով մեղանչական մարմնի նմանութեամբ ու մեղքի համար եւ դատապարտեց մեղքը այն մարմնին մէջ.

ՀՌՈՎՄԱՅԵՑԻՍ 8:3 Iomraidhean Croise

ՄԱՐԿՈՍ 15:27

Իրեն հետ խաչ հանեցին երկու աւազակներ ալ, մէկը իր աջ կողմը, իսկ միւսը՝ ձախ կողմը։

ՅՈՎՀԱՆՆՈԻ 1:14

Եւ Բանը մարդ եղաւ եւ մեր միջեւ բնակեցաւ, եւ մենք տեսանք անոր փառքը. փառքը Միածինին, որ Հօրմէն եկաւ՝շնորհքով եւ ճշմարտութեամբ լեցուն։

ՅՈՎՀԱՆՆՈԻ 9:24

Կրկին կանչեցին մարդը, որ կոյր էր, եւ ըսին իրեն. – Փառք տուր Աստուծոյ. մենք գիտենք թէ այդ մարդը մեղաւոր մըն է։

ԳՈՐԾՔ ԱՌԱՔԵԼՈՑ 13:39

Ովոր անոր կը հաւատայ՝ կ՚արդարանայ իր բոլոր մեղքերէն, որոնցմէ չկրցաք արդարանալ Մովսէսի Օրէնքին միջոցաւ։

ՀՌՈՎՄԱՅԵՑԻՍ 3:20

Ահա թէ ինչու՝ «Աստուծոյ առջեւ ոեւէ մէկը պիտի չարդարանայ» Օրէնքին գործադրութեամբ, որովհետեւ Օրէնքով է որ կը գիտնանք թէ ի՛նչ է մեղքը։

ՀՌՈՎՄԱՅԵՑԻՍ 6:6

Գիտենք թէ մեր մէջ եղող հին մարդը անոր խաչակից եղաւ՝ որպէսզի մեղանչական մարդը մեռնի, որպէսզի այլեւս մեղքին չծառայենք։

ՀՌՈՎՄԱՅԵՑԻՍ 7:18

Գիտեմ որ իմ մէջս, այսինքն իմ մարմինիս մէջ ոեւէ բարի բան չկայ։ Բարին կամենալը ձեռքս է, բայց չեմ յաջողիր զայն կատարել։

ՀՌՈՎՄԱՅԵՑԻՍ 8:32

Եթէ Աստուած իր Որդիին չխնայեց, այլ՝ մինչեւ իսկ զայն մահուան մատնեց մեզի համար, անոր հետ նաեւ ամէն բան պիտի չշնորհէ՞ մեզի։

ՀՌՈՎՄԱՅԵՑԻՍ 9:3

Պիտի ուզէի ես ինքս նզովուած ըլլալ Քրիստոսէ՝ իմ արենակից եւ ազգակից եղբայրներուս համար,

ԵՐԿՐՈՐԴ ԿՈՐՆԹԱՑԻՍ 5:21

Որովհետեւ Աստուած մեզի համար մեղքի պատարագ ըրաւ Քրիստոսը, ան՝ որ բնաւ մեղք չէր գործած, որպէսզի մենք անոր միանալով արդարանանք Աստուծոյ համար։

ԳԱՂԱՏԱՑԻՍ 3:13

Քրիստոս Օրէնքի այդ անէծքէն մեզ ազատեց, ինք մեր տեղը անէծքի առարկայ դառնալով. որովհետեւ Օրէնքի գիրքին մէջ գրուած է. «Անիծեալ է ան՝ որ փայտէ կը կախուի»։

ԳԱՂԱՏԱՑԻՍ 3:21

Արդեօք ատիկա կը նշանակէ՝ թէ Օրէնքը Աստուծոյ խոստումներուն հակառա՞կ է։ Բնա՛ւ երբեք։ Որովհետեւ, եթէ տրուած ըլլար Օրէնք մը որ ճշմարիտ կեանքը տալու կարող ըլլար՝ ապա հաստատապէս կարելի պիտի ըլլար Օրէնքի գործադրութեամբ արդարանալ։

ՓԻԼԻՊՊԵՑԻՍ 2:7

բայց կամաւորաբար ինքզինքը այդ պատիւէն մերկացուց՝ ծառայական մեր բնութիւնը իր վրայ առնելով, եւ մարդոց պէս եղաւ ու մարդկային կերպարանքով ճանչցուեցաւ։

ԵԲՐԱՅԵՑԻՍ 10:12

Մինչդեռ Քրիստոս միայն մէկ զոհ մատուցանեց մեղքերուն համար, եւ մշտնջենապէս «նստաւ Աստուծոյ աջ կողմը».

ԵԲՐԱՅԵՑԻՍ 10:14

Այսպէս, Քրիստոս միակ պատարագով մը՝ յաւիտենապէս կատարեալ դարձուց մեղքերէ սրբուած մարդիկը։

ԵԲՐԱՅԵՑԻՍ 2:14

Արդ, քանի որ այս զաւակները մարդիկ են, մարմինով ու արիւնով, Քրիստոս ինքն ալ անոնց նման եղաւ, հաղորդակից՝ անոնց մարդկութեան, որպէսզի իր մահով ոչնչացնէ Սատանան, որ մահուան իշխանութիւնը ունէր,

ԵԲՐԱՅԵՑԻՍ 2:17

Ահա թէ ինչու՝ նաեւ Քրիստոս ամէն ինչով պէտք էր իր «եղբայր» ներուն նման ըլլար, որպէսզի կարենար ողորմած եւ վստահելի քահանայապետ մը ըլլալ Աստուծոյ քով, Աստուծոյ ժողովուրդին մեղքերը քաւելու համար։

ԵԲՐԱՅԵՑԻՍ 4:15

Քահանայապետ մը, որ կրնայ հասկնալ մեր տկարութիւնները եւ կարեկցիլ, քանի ի՛նչ բաներով որ մենք կը փորձուինք՝ ինք եւս փորձուած է, առանց սակայն մեղանչելու։

ԱՌԱՋԻՆ ՊԵՏՐՈՍԻ 2:24

«Մեր մեղքերը ի՛նք կրեց» իր մարմինով՝ խաչին վրայ, որպէսզի մեղքի տիրապետութենէն ազատած՝ արդարութեան համար ապրինք։ «Անոր վէրքերովն էր որ բժշկուեցաք»։