ՀՌՈՎՄԱՅԵՑԻՍ 7:4 - Western Armenian New Translation - Armenian Catholicosate of Cilicia - New Testament

⁴ Ճիշդ նոյն ձեւով՝ դուք ալ, եղբայրնե՛ր, Քրիստոսի մարմինով մեռաք Օրէնքին համար՝ որպէսզի պատկանիք ուրիշին, անոր՝ որ մեռելներէն յարութիւն առաւ, եւ արդար վաստակով ներկայանանք Աստուծոյ։

Արեւմտահայերէն Նոր Կտակարան հարմարցուած․ 2017

⁴ Ուստի դո՛ւք ալ, իմ եղբայրներս Քրիստոսին մարմնովը օրէնքին մեռաք. որպէս զի ուրիշի մը ըլլաք, անոր՝ որ մեռելներէն յարութիւն առեր է որպէս զի Աստուծոյ պտուղ բերէք։

Western Armenian Bible 1853

⁴ Ուստի դո՛ւք ալ, իմ եղբայրներս Քրիստոսին մարմնովը օրէնքին մեռաք. որպէս զի ուրիշի մը ըլլաք, անոր՝ որ մեռելներէն յարութիւն առեր է որպէս զի Աստուծոյ պտուղ բերէք։

ՀՌՈՎՄԱՅԵՑԻՍ 7:4 Iomraidhean Croise

ՄԱՏԹԷՈՍ 26:26

Եւ մինչ անոնք կ՚ուտէին, Յիսուս հաց առաւ, օրհնեց, կտրեց եւ բաժնեց աշակերտներուն, ըսելով. – Առէք, կերէք, ասիկա իմ մարմինս է։

ՄԱՐԿՈՍ 4:20

Իսկ լաւ հողը կը նմանի այն մարդոց, որոնք կը լսեն Աստուծոյ խօսքը եւ կ՚ընդունին զայն ու պտուղ կու տան, մէկի տեղ՝ երեսուն, մէկի տեղ՝ վաթսուն եւ մէկի տեղ՝ հարիւր։

ՅՈՎՀԱՆՆՈԻ 15:8

Իմ Հայրս կը փառաւորուի՝ երբ դուք առատ պտուղ տաք եւ այսպիսով իմ աշակերտներս ըլլաք։

ՅՈՎՀԱՆՆՈԻ 3:29

Ով որ հարսը ունի՝ ա՛ն է փեսան. իսկ փեսային բարեկամը, որ մօտը կանգնած է, փեսային ձայնը լսելով մեծապէս կ՚ուրախանայ։ Ես նոյն այդ ուրախութիւնն է որ ունիմ, եւ իմ ուրախութիւնս կատարեալ է։

ՅՈՎՀԱՆՆՈԻ 6:51

Ես եմ կենդանի հացը, որ երկինքէն իջած է. ով որ այս հացէն ուտէ՝ յաւիտեան պիտի ապրի։ Հացը որ ես պիտի տամ՝ իմ մարմինս է, որպէսզի աշխարհը կեանք ունենայ։

ՀՌՈՎՄԱՅԵՑԻՍ 6:11

Նոյնպէս ալ դուք, դուք ձեզ մեռած համարեցէք մեղքին համար եւ կենդանի՝ Աստուծոյ համար, մեր Տիրոջ Յիսուս Քրիստոսի միջոցաւ։

ՀՌՈՎՄԱՅԵՑԻՍ 6:14

Մեղքը ձեր վրայ պէտք չէ իշխէ, քանի դուք Օրէնքին ենթակայ չէք, այլ՝ շնորհքին։

ՀՌՈՎՄԱՅԵՑԻՍ 6:2

Քա՛ւ լիցի։ Մենք որ մեղքին համար մեռանք՝ ի՞նչպէս կրնանք տակաւին մեղքի մէջ ապրիլ։

ՀՌՈՎՄԱՅԵՑԻՍ 6:22

Բայց հիմա մեղքին տիրապետութենէն ազատ էք եւ Աստուծոյ ծառաները։ Ձեր շահը սրբութեան նուիրուած կեանք մըն է, որուն արդիւնքը պիտի ըլլայ յաւիտենական կեանքը։

ՀՌՈՎՄԱՅԵՑԻՍ 7:3

Այլ խօսքով, իր ամուսինին կենդանութեան եթէ ուրիշ մարդու հետ ամուսնանայ՝ շնացող կը համարուի. մինչդեռ երբ ամուսինը մեռնի՝ ա՛լ ազատ է Օրէնքին կապէն, եւ շնացող չի համարուիր երբ ուրիշ մարդու հետ ամուսնանայ։

ՀՌՈՎՄԱՅԵՑԻՍ 7:6

Բայց հիմա, Քրիստոսի հետ մեռած ըլլալով՝ ա՛լ զերծ ենք Օրէնքի կապէն, որուն գերի էինք ժամանակ մը. այնպէս որ, մենք այլեւս Աստուծոյ կը ծառայենք Սուրբ Հոգիին բերած նորոգութեամբ եւ ո՛չ թէ գրաւոր Օրէնքին թելադրած հին ձեւով։

ՀՌՈՎՄԱՅԵՑԻՍ 8:2

Որովհետեւ Հոգիին Օրէնքը զիս Քրիստոս Յիսուսի միացնելով կենդանացուց եւ ազատեց մեղքի եւ մահուան ենթակայութենէն։

ԱՌԱՋԻՆ ԿՈՐՆԹԱՑԻՍ 10:16

Երբ կը խմենք օրհնութեան այն բաժակէն՝ որ Տիրոջ Ընթրիքի յիշատակին կ՚օրհնենք, միթէ Քրիստոսի արեան հաղորդուած չե՞նք ըլլար։ Եւ երբ կը ճաշակենք այն հացէն՝ որ կը բեկանենք, միթէ Քրիստոսի մարմինին հաղորդուած չե՞նք ըլլար։

ԵՐԿՐՈՐԴ ԿՈՐՆԹԱՑԻՍ 11:2

Ես ձեզի հանդէպ Աստուծոյ նախանձախնդրութեամբ լեցուած՝ կ՚ուզեմ որ միայն Քրիստոսը սիրէք, ինչպէս մաքուր կոյս մը որ իր սէրը կը վերապահէ անոր՝ որ իր ամուսինը պիտի ըլլայ։

ԳԱՂԱՏԱՑԻՍ 3:13

Քրիստոս Օրէնքի այդ անէծքէն մեզ ազատեց, ինք մեր տեղը անէծքի առարկայ դառնալով. որովհետեւ Օրէնքի գիրքին մէջ գրուած է. «Անիծեալ է ան՝ որ փայտէ կը կախուի»։

ԳԱՂԱՏԱՑԻՍ 5:18

Արդ, եթէ դուք Սուրբ Հոգիով կ՚առաջնորդուիք՝ կը նշանակէ թէ այլեւս Օրէնքին ենթակայ չէք։

ԵՓԵՍԱՑԻՍ 2:15

եւ խափանելով Մովսիսական Օրէնքը իր պատուիրաններով ու հրահանգներով, որպէսզի Հրեան ու հեթանոսը իր անձին մէջ միաւորելով՝ ստեղծէ նոր եւ միակ ժողովուրդ մը, եւ այսպիսով խաղաղութիւն հաստատէ.

ՓԻԼԻՊՊԵՑԻՍ 1:11

եւ Յիսուս Քրիստոսի միջոցաւ արդար գործերով հարստացած՝ պատճառ ըլլաք որ Աստուած փառաւորուի եւ գովուի։

ՓԻԼԻՊՊԵՑԻՍ 4:17

Ո՛չ թէ ձեր տուածին մասին կը մտածեմ, այլ այն վարձատրութեան՝ որ ձեր հաշւոյն պիտի աւելնայ։

ԿՈՂՈՍԱՑԻՍ 1:10

որպէսզի ապրիք Տիրոջ վայել ձեւով, ամբողջութեամբ իր կամքին համաձայն, ամէն տեսակի բարի գործերով պտղաբեր դառնաք եւ Աստուծոյ գիտութեամբը աճիք։

ԿՈՂՈՍԱՑԻՍ 1:22

Բայց այժմ Քրիստոս իր մարդեղութեամբն ու մահուամբը ձեզ հաշտեցուց Աստուծոյ հետ, որպէսզի դուք անոր ներկայանաք մաքուր, անբիծ եւ անարատ։

ԿՈՂՈՍԱՑԻՍ 1:6

որ ձեզի եւս հասաւ, ինչպէս ամբողջ աշխարհի մէջ կը տարածուի եւ իր արդիւնքները կու տայ, այնպէս՝ ինչպէս իր արդիւնքը տուաւ ձեր մէջ ալ, այն օրէն սկսեալ՝ երբ լսեցիք եւ ճշմարտապէս ճանչցաք Աստուծոյ շնորհքը։

ԿՈՂՈՍԱՑԻՍ 2:14

եւ իր իշխանութեամբ ջնջեց մեր օրինազանցութեան համար մեզի դէմ արձակուած դատապարտութեան վճիռը, զայն խաչափայտին գամելով։

ԿՈՂՈՍԱՑԻՍ 2:20

Քանի Քրիստոսի հետ մեռաք եւ բնութեան ոյժերու տիրապետութենէն դուրս եկաք, ինչո՞ւ կը շարունակէք ապրիլ այնպէս՝ որպէս թէ ձեր կեանքը աշխարհէն կախում ունենար, եւ կը հնազանդիք

ԵԲՐԱՅԵՑԻՍ 10:10

Եւ որովհետեւ Յիսուս Քրիստոս Աստուծոյ կամքը կատարեց, իր մարմինին անկրկնելի զոհագործումովը մենք սրբուեցանք մեր մեղքերէն։

ԱՌԱՋԻՆ ՊԵՏՐՈՍԻ 2:24

«Մեր մեղքերը ի՛նք կրեց» իր մարմինով՝ խաչին վրայ, որպէսզի մեղքի տիրապետութենէն ազատած՝ արդարութեան համար ապրինք։ «Անոր վէրքերովն էր որ բժշկուեցաք»։

ՅԱՅՏՆՈՒԹԻՒՆ 19:7

ուրախանանք, ցնծանք եւ փառք տանք իրեն, որովհետեւ անոր Գառնուկին հարսանիքի ժամըհասաւ, եւ իր հարսը ինքզինք պատրաստեց.

ՅԱՅՏՆՈՒԹԻՒՆ 21:9

Ապա քովս եկաւ մէկը այն եօթը հրեշտակներէն, որոնք վերջին եօթը պատուհասներով լեցուն եօթը անօթները ունէին, եւ հետս խօսելով՝ ըսաւ ինծի. –Եկո՛ւր, քեզի ցոյց պիտի տամ հարսը՝ Գառնուկին կինը։