ՀՌՈՎՄԱՅԵՑԻՍ 5:5 - Western Armenian New Translation - Armenian Catholicosate of Cilicia - New Testament

⁵ իսկ յոյսը երբեք ամօթով չի ձգեր, որովհետեւ Աստուծոյ սէրը տեղ գտած է մեր սիրտերուն մէջ՝ մեզի տրուած Սուրբ Հոգիին միջոցաւ։

Արեւմտահայերէն Նոր Կտակարան հարմարցուած․ 2017

⁵ եւ յոյսը ամօթով չի ձգեր. վասն զի Աստուծոյ սէրը մեր սրտերուն մէջ տարածուած է Սուրբ Հոգիին միջոցով, որ մեզի տրուեցաւ։

Western Armenian Bible 1853

⁵ Եւ յոյսը ամօթով չի ձգեր. վասն զի Աստուծոյ սէրը մեր սրտերուն մէջ տարածուած է Սուրբ Հոգիին միջոցով, որ մեզի տրուեցաւ։

ՀՌՈՎՄԱՅԵՑԻՍ 5:5 Iomraidhean Croise

ԳՈՐԾՔ ԱՌԱՔԵԼՈՑ 10:45

Հրէութենէ դարձած հաւատացեալները, որոնք Պետրոսի հետ Յոպպէէն եկած էին, զարմացան որ Սուրբ Հոգիին պարգեւը հեթանոսներուն եւս կը տրուի.

ԳՈՐԾՔ ԱՌԱՔԵԼՈՑ 2:17

«Այնուհետեւ երբ վերջին օրերը գան,– կ՚ըսէ Աստուած,– իմ Հոգիս պիտի թափեմ բոլոր մարդոց վրայ. ձեր տղաքն ու աղջիկները իմ պատգամներս պիտի փոխանցեն ձեզի, ձեր երիտասարդները տեսիլքներ պիտի ունենան եւ ձեր ծերերը երազներ պիտի տեսնեն։

ԳՈՐԾՔ ԱՌԱՔԵԼՈՑ 2:33

Աստուած իր աջով զայն իր մօտ բարձրացուց, եւ Յիսուս իր Հօրմէն առնելով Սուրբ Հոգին, որ ան տալ խոստացեր էր, զայն մեր վրայ սփռեց, ինչ որ ահա դուք անձամբ կը տեսնէք ու կը լսէք։

ՀՌՈՎՄԱՅԵՑԻՍ 1:7

Ողջո՜յն բոլորիդ որ Հռոմ կը բնակիք. ձեզի՝ որ Աստուած սիրեց եւ իր սուրբ ժողովուրդը ըլլալու կանչեց։ Թող Աստուած մեր Հայրը եւ Տէր Յիսուս Քրիստոս շնորհք եւ խաղաղութիւն պարգեւեն ձեզի։

ՀՌՈՎՄԱՅԵՑԻՍ 8:28

Գիտենք, թէ Աստուած բարիին համար գործակից կ՚ըլլայ անոնց՝ որոնք կը սիրեն զինք եւ իր ծրագրին համաձայն իրեն կանչուած են։

ՀՌՈՎՄԱՅԵՑԻՍ 9:33

որուն համար մարգարէութեան մէջ գրուած է.– «Ահա ես Սիոնի մէջ կը դնեմ քար մը՝ որ գլորումի առիթ պիտի ըլլայ, ժայռ մը՝ որ գայթակղութեան առիթ պիտիհանդիսանայ։ Բայց անոր հաւատացողը յուսախաբ պիտի չըլլայ»։

ԱՌԱՋԻՆ ԿՈՐՆԹԱՑԻՍ 8:3

Իսկ ով որ զԱստուած կը սիրէ, ինքն ալ Աստուծմէ կը ճանչցուի։

ԵՐԿՐՈՐԴ ԿՈՐՆԹԱՑԻՍ 1:22

եւ իր կնիքը դրաւ մեր վրայ, մեզի տալով Սուրբ Հոգին՝ իբրեւ գրաւական մեր ստանալիք ժառանգութեան։

ԵՐԿՐՈՐԴ ԿՈՐՆԹԱՑԻՍ 3:18

Եւ մենք բոլորս ալ, որ բաց երեսով Տիրոջ փառքը կ՚արտացոլացնենք հայելիի մը պէս, նոյն այդ պատկերով կը փոխակերպուինք՝ հետզհետէ աճող փառքով մը։ Եւ այդ փոխակերպումը Տիրոջ Հոգին է որ կ՚իրագործէ։

ԵՐԿՐՈՐԴ ԿՈՐՆԹԱՑԻՍ 4:6

Որովհետեւ Աստուած ինք, որ ըսաւ՝ «Խաւարին մէջ լոյս թող ծագի», ինք մեր սիրտերուն մէջ ծագեցաւ, որպէսզի լուսաւորուինք եւ Աստուծոյ փառքը ճանչնանք Յիսուս Քրիստոսի անձին մէջ։

ԳԱՂԱՏԱՑԻՍ 4:6

Արդ, որովհետեւ իր որդիներն ենք՝ Աստուած մեր սիրտերուն մէջ ղրկեց իր Որդիին Հոգին, որով զԱստուած «Աբբա», այսինքն «Հայր» կը կոչենք։

ԳԱՂԱՏԱՑԻՍ 5:22

Իսկ Սուրբ Հոգիին արդիւնքներն են՝ սէր, ուրախութիւն, խաղաղութիւն, համբերատարութիւն, ազնուութիւն, բարութիւն, հաւատարմութիւն,

ԵՓԵՍԱՑԻՍ 1:13

Դուք ալ, երբ լսեցիք ճշմարիտ քարոզութիւնը, այսինքն Աւետարանը որ ձեզի փրկութիւն բերաւ, հաւատացիք Քրիստոսի եւ խոստացուած Սուրբ Հոգիով կնքուեցաք։

ԵՓԵՍԱՑԻՍ 4:30

Մի՛ տրտմեցնէք Աստուծոյ Սուրբ Հոգին, որով կնքուեցաք՝ փրկութեան օրուան հասնելու համար։

ՓԻԼԻՊՊԵՑԻՍ 1:20

Այնպէս կ՚ակնկալեմ եւ կը յուսամ, որ ամօթով պիտի չմնամ, այլ՝ ինչպէս միշտ՝ այս անգամ եւս համարձակութեամբ պիտի պաշտպանեմ հաւատքս, այնպէս որ Քրիստոս փառաւորուի ինձմով, ըլլա՛յ ատիկա ապրելովս, ըլլա՛յմեռնելովս։

ԱՌԱՋԻՆ ԹԵՍԱՂՈՆԻԿԵՑԻՍ 4:8

Հետեւաբար, ով որ սրբութեան այս պատուէրը կ՚արհամարհէ՝ մարդ մը անարգած չ՚ըլլար, այլ՝ նոյնինքն զԱստուած, որ իր Սուրբ Հոգին կու տայ մեզի։

ԵՐԿՐՈՐԴ ԹԵՍԱՂՈՆԻԿԵՑԻՍ 2:16

Եւ մեր Տէրը ինք՝ Յիսուս Քրիստոս, եւ Աստուած՝ մեր Հայրը, որ մեզ սիրեց եւ իբրեւ շնորհք՝ մնայուն մխիթարութիւն մը եւ հաստատուն յոյս մը տուաւ մեզի,

ԵՐԿՐՈՐԴ ՏԻՄՈԹԷՈՍ 1:12

եւ ա՛յդ է պատճառը որ այս չարչարանքները կը կրեմ։ Բայց այդ չարչարանքները բնաւ զիս չեն վախցներ, որովհետեւ կը ճանչնամ Փրկիչս, որուն վստահած եմ, եւ համոզուած եմ՝ թէ ինք ինծի վստահուած այդ աւանդը պիտի պահէ մինչեւ դատաստանի օրը։

ԱՌԱՋԻՆ ՅՈՎՀԱՆՆՈՒ 4:19

Հետեւաբար՝ մենք սիրե՛նք զԱստուած, որովհետեւ նախ ինք մեզ սիրեց։