ՀՌՈՎՄԱՅԵՑԻՍ 3:5 - Western Armenian New Translation - Armenian Catholicosate of Cilicia - New Testament

⁵ Իսկ եթէ մեր անիրաւ ըլլալն է որ Աստուծոյ արդարութիւնը ի յայտ կը բերէ, ի՞նչ ըսենք. իբրեւ մարդ կը հարցնեմ.– Միթէ անարդա՞ր է Աստուած, որ մեզի հանդէպ բարկութիւն կը ցուցաբերէ։

Արեւմտահայերէն Նոր Կտակարան հարմարցուած․ 2017

⁵ Ուրեմն եթէ մեր անիրաւութիւնը Աստուծոյ արդարութիւնը յայտնի կը ցուցնէ, ի՞նչ ըսենք. միթէ անիրա՞ւ է Աստուած, որ իր բարկութիւնը մեր վրայ կը բերէ.

Western Armenian Bible 1853

⁵ Ուրեմն եթէ մեր անիրաւութիւնը Աստուծոյ արդարութիւնը յայտնի կը ցուցնէ, ի՞նչ ըսենք. միթէ անիրա՞ւ է Աստուած, որ իր բարկութիւնը մեր վրայ կը բերէ.

ՀՌՈՎՄԱՅԵՑԻՍ 3:5 Iomraidhean Croise

ՀՌՈՎՄԱՅԵՑԻՍ 12:19

Սիրելինե՛ր, երբեք դուք անձամբ վրէժ լուծելու մասին մի՛ մտածէք, այլ ձգեցէք որ Աստուծոյ բարկութիւնը ընէ ատիկա. որովհետեւ Տէրը Սուրբ գիրքին մէջ կ՚ըսէ. «Ի՛մս է դատելու եւ պատժելու իրաւունքը. ե՛ս պիտի հատուցանեմ»,

ՀՌՈՎՄԱՅԵՑԻՍ 2:5

Քու կարծրութեամբդ եւ չզղջացող սրտովդ միայն բարկութիւն է որ կը դիզես քեզի համար, երբ բարկութեան օրը գայ եւ Աստուծոյ արդար դատաստանը յայտնուի։

ՀՌՈՎՄԱՅԵՑԻՍ 3:19

Գիտենք որ Օրէնքը ինչ որ կ՚ըսէ՝ Օրէնքին ենթակայ մարդոց է որ կ՚ըսէ, որպէսզի ամէն բերան գոցուի եւ ամբողջ աշխարհ Աստուծոյ հանդէպ իր յանցաւոր ըլլալը ճանչնայ։

ՀՌՈՎՄԱՅԵՑԻՍ 3:7

Բայց եթէ իմ ստութեամբս Աստուծոյ ճշմարիտ ըլլալը կը շեշտուի՝ իր փառքին համար, ալ ինչո՞ւ համար ես իբրեւ մեղաւոր կը դատապարտուիմ։

ՀՌՈՎՄԱՅԵՑԻՍ 4:1

Արդ, ի՞նչ ըսենք Աբրահամի, մեր ազգին նախահօրմասին. ի՞նչպէս արդարացաւ։

ՀՌՈՎՄԱՅԵՑԻՍ 5:8

Բայց Աստուած մեզի հանդէպ իր սէրը յայտնեց անով՝ որ երբ տակաւին մեր մեղքերուն մէջ էինք՝ Քրիստոս մեզի համար մեռաւ։

ՀՌՈՎՄԱՅԵՑԻՍ 6:1

Ի՞նչ ըսենք, ուրեմն շարունակե՞նք մեղքի մէջ մնալ, որպէսզի Աստուծոյ շնորհքը բազմանայ։

ՀՌՈՎՄԱՅԵՑԻՍ 6:19

Ծառայի օրինակով կը խօսիմ, որովհետեւ այդպէս աւելի հասկնալի է ձեզի։ Ինչպէս որ ժամանակ մը ձեր մարմինները անօրէնութեան տուած՝ պղծութեան եւ անօրէնութեան կը ծառայէիք, այնպէս ալ հիմա սրբութեան տուէք ձեր մարմինները եւ արդարութեան ծառայեցէք։

ՀՌՈՎՄԱՅԵՑԻՍ 7:7

Արդ, ի՞նչ ըսենք. Օրէնքը մե՞ղք է։ Բնա՛ւ երբեք։ Եւ սակայն ես չէի գիտնար թէ ի՛նչ է մեղքը, եթէ Օրէնքը չյայտնէր։ Օրինակ, չէի գիտնար ի՛նչ է ցանկութիւնը, եթէ Օրէնքը չըսէր՝ «Մի՛ ցանկար»։

ՀՌՈՎՄԱՅԵՑԻՍ 8:31

Ի՞նչ կրնանք ըսել այս բոլորին դիմաց։ Եթէ Աստուած մեր կողմն է, ո՞վ կրնայ մեզի հակառակ ըլլալ։

ՀՌՈՎՄԱՅԵՑԻՍ 9:30

Ուրեմն ի՞նչ կ՚եզրակացնենք։ Հեթանոսները, որոնք Աստուծոյ արդարութեան չէին հետեւեր՝ արդարացան, որովհետեւ Քրիստոսի հաւատացին.

ԱՌԱՋԻՆ ԿՈՐՆԹԱՑԻՍ 15:32

Եթէ իբրեւ ոեւէ մարդ մտածէի՝ ի՞նչ պէտք ունէի «գազան» ներու դէմ կռուելու այստեղ, Եփեսոսի մէջ։ Եթէ մեռելներու յարութիւն չկայ՝ ուրեմն «Ուտենք, խմենք. քանի վաղը պիտի մեռնինք», ինչպէս մարդիկ յաճախ կ՚ըսեն։

ԱՌԱՋԻՆ ԿՈՐՆԹԱՑԻՍ 9:8

Բայց միթէ պարզապէս մարդկային փորձառութեա՞մբ է որ այս բաները կ՚ըսեմ. Օրէնքն ալ նոյն բանը չ՚ը՞սեր։

ԵՐԿՐՈՐԴ ԿՈՐՆԹԱՑԻՍ 6:4

այլ՝ բոլոր պարագաներուն ալ դուք ձեզ ցոյց տուէք որպէս Աստուծոյ պաշտօնեաներ, մեծ համբերութեամբ յանձն առնելով նեղութիւնը, վիշտը, չարչարանքը,

ԵՐԿՐՈՐԴ ԿՈՐՆԹԱՑԻՍ 7:11

Արդ, տեսէք թէ Աստուծոյ պատճառած ցաւը ի՛նչպէս անտարբերութենէն դուրս բերաւ ձեզ եւ մղեց՝ որ դուք ձեզ արդարացնէք։ Զայրացաք, տագնապեցաք, անձկութեամբ լեցուեցաք։ Բայց յետոյ նախանձախնդրութեամբ վառեցաք եւ սխալը մէջտեղէն վերցուցիք, եւ ամէն կերպով ցոյց տուիք, թէ դուք յանցանք չունիք այդ խնդրին մէջ։

ԳԱՂԱՏԱՑԻՍ 2:18

Ընդհակառակը, եթէ վերստին կեանքի կոչեմ Օրէնքին պահանջքները, որոնք արդէն մէկ կողմ դրի, Օրէնքին դիմաց ես ինքզինքս յանցաւոր կը դարձնեմ։

ԳԱՂԱՏԱՑԻՍ 3:15

Եղբայրնե՛ր, մարդկային սովորական հասկացողութիւն է՝ որ մարդու մը կատարած կտակը ուրիշ ոեւէ մէկը չի կրնար ջնջել, ո՛չ ալ փոփոխութեան ենթարկել։

ՅԱՅՏՆՈՒԹԻՒՆ 15:3

Անոնք Աստուծոյ ծառային՝ Մովսէսի երգը կ՚երգէին, ինչպէս նաեւ կ՚երգէին Գառնուկին երգը, ըսելով.– «Ամենակա՛լ Տէր Աստուած, մե՜ծ են գործերդ եւ սքանչելի. ո՜վ թագաւոր բոլոր ազգերու, արդար եւ ճշմարիտ են քու ճամբաներդ։

ՅԱՅՏՆՈՒԹԻՒՆ 18:20

Ուրախացի՛ր անոր դատապարտութեան վրայ, ո՜վ երկինք, եւ դուք՝ սուրբեր, առաքեալներ, մարգարէներ, որովհետեւ Աստուած դատապարտեց զայն եւ ձեր վրէժը անկէ լուծեց»։